「餲」字點讀

dada

我一時有啲懷疑﹐個「餲」字點讀﹖食物變味、尿臭係咪同埋﹖

Cactus

音：壓、押 押ngaat 押ngat 押aat 輸入法裡面三種拼法都有。

dada

我知道「餲」有幾個讀音﹐但我想知道食物變味同埋尿臭係咪都叫餲。 粵語字典話餲係尿臭﹔我哋講jaat3﹐應該就係廣州話嘅ngaat3。但漢語字典淨話餲係食物變味。關於食物﹐我又識一個大約讀ek3/jek3嘅字（唔肯定係咪jik1嘅變音）。所以我唔清楚係咪同一個字。

Cactus

《漢語字典》應該係普通話讀音。 可能係寫書個唔識粵語，估估下亂咁加上去掛。 食物變味叫做 餿 saau, sau, sou, suk 我唔明你講下面呢幾個音同 餲 有咩關聯喎。 札jaat 扎jaat 紮jaat 軋jaat 炙jek 脊jek 瘠jek 隻jek 呃ek 握ek 厄ek 即jik 直jik 值jik 藉jik 逆jik 籍jik 職jik 績jik 積jik

dada

我講嘅漢語字典係同粵語字典相對﹐諗唔到真有一部《漢語字典》。 《說文解字》已經有﹕「餲﹐飯餲也（飯經久變味）。從食曷聲。《論語》曰：『食饐而餲。』」《論語》成句係：「食饐而餲（飯食腐臭而變味）﹐魚餒（腐爛）而肉敗，不食。」可能漢語已經唔用呢個意思﹐而粵語攞咗嚟形容尿臭。 至於拼音﹐我用嘅係香港粵拼﹐唔係廣州話拼音。粵拼嘅j等於廣拼嘅y。兩個唔同﹐真係好麻煩。

Anl

我明dada嘅意思。 “膉”或“饐”，可能都係jik7字。 “餲”字就肯定係讀aat8. 《說文解字》已經有﹕「餲﹐飯餲也（飯經久變味）。從食曷聲。《論語》曰：『食饐而餲。』」《論語》成句係：「食饐而餲（飯食腐臭而變味）﹐魚餒（腐爛）而肉敗，不食。」 假如以“餲”字爲例，食物先變jik7，後變aat8；而魚肉就餒(腐爛)後敗臭。噉“饐”就應該係“食”字部。

highyun

食物只会jik7，唔会aat8，除非你屙咗尿落去

dada

http://www.amtbtc.org.tw/article/lun/lunyua0310.htm ﹕ 「食饐而餲，魚餒而肉敗不食」﹕「食指穀類的食物，饐是氣變，餲是味變，皆不新鮮。魚肉餒敗，即是腐爛。陳腐的食物容易中毒，所以不食。」 真係難解釋「餲」= aat8。aat8唔係味變﹐係氣變﹐重兼淨指尿臭。

18503

原帖由 highyun 於 2005-6-21 09:21 發表 食物只会jik7，唔会aat8，除非你屙咗尿落去

內臟洗唔乾淨會有"餲"味

外外星人

原帖由 18503 於 2008-8-4 21:29 發表 內臟洗唔乾淨會有"餲"味

 

凡「下水道」都有餲味