点解粤语字有咁多嘅多音字啊？

tianyagukexie

近日係网上揾到个比较权威嘅关于粤语读音嘅网站：《粤语审音配词字库》http://humanum.arts.cuhk.edu.hk/Lexis/lexi-can/
呢个网站非常系统，有香港語言學學會、耶魯、耶魯(正統)、黃錫凌、萬國音標、廣州、劉錫祥七个注音系统。总共有13060个，我大概统计下，单独音字有8303个，即系话，多音字差唔多有5000个！！！
收字範圍：本字庫以大五碼漢字為主要收錄對象。其中包括大五碼第一字面5401個漢字和第二字面7652個漢字。此外，另收錄7個倚天漢字。總收字數為13060個。
從語音概念看，本字庫所收的漢字可大分為兩組，分別稱為「單讀音字」和「多讀音字」。
單讀音字：在本字庫中，漢字 C 被稱為「單讀音字」，若且唯若它只有一個公認的粵語讀音；否則漢字 C 屬「多讀音字」。
多讀音字：所謂「多讀音字」，按照其字音與字義之關係，可以再細分為三類，在本字庫中分別稱為「破音字」、「異讀字」和「異讀破音字」。
任何「多讀音字」，若(a)其讀音當中至少有兩個表示不同的意義；而且(b)其讀音之間並未構成下文所述之異讀關係者，皆屬「破音字」。例如「覺」字，當讀如[gaau3]時，意指「睡眠」；若讀如[gok3]，則意指「對刺激的感受和辨別」、「醒悟」等等。
任何「多讀音字」，若其讀音之變化並沒有構成字義之別，皆屬「異讀字」。例如「曙」字，分別被注上[cyu5]、[syu5]和[syu6]三個不同的讀音，但基本意義不變。
任何「多讀音字」，若(a)其讀音當中至少有兩個表示不同的意義；而且(b)其讀音中至少有兩個構成上述異讀關係者，皆屬「異讀破音字」。例如「藉」字，在粵語中有[zik6]、[ze3]和[ze6]三種讀法。當用以表達「依靠」之意時，分別被注上[ze3]和[ze6]兩個不同的讀音，兩者構成了異讀關係。當用以表達「踐踏」之意時，「藉」字讀[zik6]。換句話說，在「藉」字三個粵語讀音當中，至少有[zik6]和[ze3]兩者表示不同的意義 好多都系我未听过嘅，比如：寺发两个音：zi2,zi6，它：ta1,to1,费：fei3,béi3....
點解粵語有咁多嘅异讀字，多音字啊？

desmond

「睡覺」嘅「覺」字同「覺得」嘅「覺」字，普通話發音亦唔一樣。

本身呢個字就係多音字。

tianyagukexie

我本想做个粤语词语的读音码表，我找了一个四万多词组的词库，经过程序算出了一万多组码表，剩下三万多组都是因为词组中有多音字而无法确认词组的读音。

中二仔

你舉嘅例入面............

1.有好多根本係漢語異讀,如:覺,費,藉

2.調化為陰上,有時表達唔同意思,有時係文白異讀.......如:寺

3.根本係漢語古今異義而異讀,如:它

 

你啲例真係唔係好掂/............

tianyagukexie

呵呵，见笑喇，我嘅母语唔系讲粤语嘅，只系基本识听，不过我好中意粤语。因为我想做个粤语嘅码表，但捻唔到粤语嘅多音字（异读字）咁多。

以下嘅字读音多达6个（广州拼音方案）：

啊 a2 a3 a4 ha2 ha4 
阿 a2 a3 nga3 ag3 o1 ngo1
苴 ca1 ca4 za2 za3 cêu1 zêu1
那 na5 na6 no1 no4 no5 no6
凹 wa1 ao1 ao3 ngao1 leb1 neb1
欸 ai2 ei2 é6 ié6 oi1 oi2
黮 dam6 tam2 tam3 tam5 tan2 sem6
拚 fan1 fen3 ping1 pun1 pun2 pun3
莞 guan1 gun1 gun2 wun1 wun2 wun5
攒 zan2 zan6 cün4 zün1 zün2 zün6
堨 ad3 ngad3 oi2 oi3 ngoi2 ngoi3
踅 zei6 ci3 zid3 cüd3 yüd6 züd6
厂 em1 ngem1 ho1 hon2 hon3 ngon6
捻 nen2 nim1 nim2 nim5 nin2 nin5
咯 ked1 lo1 lo3 gog3 log3 log6
敦 diu1 dêu1 dêu3 dêu6 dên1 dên6
垫 dim3 din2 din3 din6 zin3 dib6
从 cung1 cung4 sung1 zung1 zung3 zung6

粤语字多音字（异读字）多达五千几个！！

我 ，狂晕！！

中二仔

原帖由 tianyagukexie 於 2008-6-30 18:07 發表 呵呵，见笑喇，我嘅母语唔系讲粤语嘅，只系基本识听，不过我好中意粤语。因为我想做个粤语嘅码表，但捻唔到粤语嘅多音字（异读字）咁多。以下嘅字读音多达6个（广州拼音方案）：啊 a2 a3 a4 ha2 ha4 阿& ...

睇過你上面堆例,我都暈.........

譬如:从 cung1 cung4 sung1 zung1 zung3 zung6

欸 ai2(ai3?) ei2 é6 ié6 oi1 oi2

只有上面一個音係常用,其他音我係一次都未聽過.............

highyun

上面列舉嗰啲所謂多音字，有好多音係古字通假音，平時基本冇機會噉讀。

審音配詞個使用凡例都講得幾清楚啦：http://humanum.arts.cuhk.edu.hk/Lexis/lexi-can/guide.php

desmond

好明白樓主做粵語輸入法碼表遇到多音字嘅問題。

我亦係苦無對策啊。

tianyagukexie

原帖由 highyun 於 2008-6-30 23:31 發表 上面列舉嗰啲所謂多音字，有好多音係古字通假音，平時基本冇機會噉讀。審音配詞個使用凡例都講得幾清楚啦：http://humanum.arts.cuhk.edu.hk/Lexis/lexi-can/guide.php ...

虽然你讲我举嘅例子好多系古音，但系审音配词全部都收入去，我要用时候就只能一个个挑出来。况且我系举嘅例子系要说明粤语嘅多音字多嘅程度，唔系平时有冇机会读嘅问题。生成词组嘅读音系由程序生成嘅，程序并冇办法判断边个字系古音，边个字平时冇机会读到，只可以将每个字嘅所有读音都参与运算，生成多个组合，再由人工挑选出正确嘅读音。呢个亦都系最棘手嘅难题，唔知你可唔可以理解我写呢篇贴嘅道理？

中二仔

原帖由 tianyagukexie 於 2008-7-3 09:32 發表 虽然你讲我举嘅例子好多系古音，但系审音配词全部都收入去，我要用时候就只能一个个挑出来。况且我系举嘅例子系要说明粤语嘅多音字多嘅程度，唔系平时有冇机会读嘅问题。生成词组嘅读音系由程序生成嘅，程序并冇办法判断边 ...

平時唔用,就即話唔係粵語嘅多音

搞都咁多個音,恐怕都係字庫入面人手操作時候嘅問題.

將太多唔存在粵語嘅音收埋

tianyagukexie

所有嘅多音字同埋异读字加埋有5000左右多，我都想将嗰啲平时唔用到嘅音收埋，但我对粤语嘅读音重唔系好熟，好多还不敢确定。

外外星人

尽量少收，若果有需要，日后再补充。噉做得唔得呢？

xiss

個人認爲，粵語有咁多異讀，同粵語嘅規範工作做得比較遲，比較慢，規模比較小有關！