閒情吹水版塊重組構思

highyun

獨立一個版塊區名曰「閒情坊」而家嘅閒情吹水坊改名「吹水堂」，另外分拆出一個「多媒體分享區」，存放所有共享嘅圖片、音頻、視頻。

另外，再新設一個「大地鄉情」版，作為同鄉會版用，等啲會員可以搵到自己屋企附近嘅同道者，一來更方便區域性小聚，二來可以方便佢哋傾自己地方嘅話題。

 

關鍵問題係需要盡快物色版主。

余OK

　　擺出去收集意見都無妨。

cingsan

唔好喇啩？叫吹水堂？不如叫吹水唔抹嘴，命名時可以唔可以儘量時尚啲、唔好咁古典…同死板…家陣啲細路唔鐘意…死沉沉噉有咩意思啫？另外我建議未好拆住，點解呢，你版塊重多過人氣，你重愛開多幾個版，最終咪搞到個個都好似荒山野嶺…目前我認為，喺吹水版設置多媒體分類重好過另開新版。個人建議應該由人氣去決定…再多嘅版塊，你都冇人…開咗都係白開！由啲版主自己一個人喺度自慰咩？我反而覺得冇人氣嘅版就應該執咗佢，本嚟版主就應當做陪聊角色。我見有啲，半年冇出過聲，可能夸張咗啲，我關鍵在於說明問題…版主應該對該版內每日新嘅主題一一檢視…并且儘量回覆，連版主都唔講嘢，嗌邊個講？？目的係帶動一種積極性…

猫妖008

点都好啦，闲情坊嗰屎坑我霸咗先啦~~~~

cingsan

再者嗰啲圖音像無非係一啲搞笑娛樂惡搞嘅內容…同吹水版主題意旨相吻合…

唔曉讀「廣」字

其實古典同時尚都唔會有衝突嘅，只要做到平衡，睇日本文化就知啦。

外外星人

原帖由 猫妖008 於 2008-6-26 22:07 發表 点都好啦，闲情坊嗰屎坑我霸咗先啦~~~~

 

唔畀你企返起，要你踎到个仔娶新妇。

Jean

我對呢個「多媒體分享區」比較有興趣~~~~

張棕榮

「物色」呢個詞用得好好。。