[討論]有無人聼過“話事偈”呢個詞？

highyun

我上次聽到一位過咗澳門嘅番禺親戚噉講。有冇人聼過呢個詞？知唔知係邊度口音？

Anl

http://www.cantonese.asia/anl/oncc/data/pccd-unfinished/051.htm =================================================================== 改過，下面呢個網址先有“話事偈”。 http://www.cantonese.asia/anl/oncc/data/pccd-unfinished/050.htm

dada

我哋順德就係噉講﹐「正如……所說」嘅意思。

dada

anl﹐淨51.htm有「話事偈」﹐ 051.htm冇。

吳越精神

《廣州方言詞典》有收呢個詞語。應該係廣州話嚟。 寫作“話是偈”。 tvb劇集《足秤老婆八両夫》都有多次講到呢個詞。

余OK

dada講得啱，呢個詞順德人經常講啦，尤其係順德陳村、北滘、樂從一帶。其實好多詞以前啲人經常講，而家少人講咗逐漸就會消失，我最近買咗本《地道廣州話用語》，發現都有唔少詞而家好少聽到人講。我有一個提議想盡量蒐集多啲呢類越嚟越少人講嘅詞彙。

highyun

余ok在2005-06-19 20:52:05說道：[br]dada講得啱，呢個詞順德人經常講啦，尤其係順德陳村、北滘、樂從一帶。其實好多詞以前啲人經常講，而家少人講咗逐漸就會消失，我最近買咗本《地道廣州話用語》，發現都有唔少詞而家好少聽到人講。我有一個提議想盡量蒐集多啲呢類越嚟越少人講嘅詞彙。

事实上番禺都唔少人噉讲，可能地理上番禺顺德非常近，读音相近相同都唔出奇。 你嘅提议非常好，我都好想收集呢啲词。

dada

我哋講「話syu6（事）偈」﹐唔係「話si6（是）偈」﹐所以應該係「話事偈」。 支持余ok嘅提議。