有邊啲輸入法可以輸入純正嘅傳統字？

tonybean

本人用緊google拼音，發覺有好多字都簡繁結合或分得唔啱，例如：只（祗）有、其余（餘）、這里（裡）。

請問有邊啲輸入法可以輸入純傳統字？而唔系混血雜種……

xiss

建議使用微軟拼音，裏面嘅混血兒基本冇，如果你覺得佢用嚟打粵語字比較煩（字頻調整唔夠靈活），可以使用微軟嘅自造詞工具，預設一尐粵語常用詞彙，輸入速度就會大大提高。我個人認爲微軟拼音係内地目前可見嘅最佳繁體字輸入法。我就係用緊微軟拼音嚟輸入繁體字。

粵語協會有套「輕鬆粵拼」同「快意速成粵拼」，你亦都可以試試。

[ 本帖最後由 xiss 於 2008-6-27 03:55 編輯 ]

南汉

我用微软一样有混血儿。

余OK

　　點解越嚟越少人用形碼輸入法，係進步抑或落後呢？大陸第一代網民好多都會學五筆，但係整整吓風光不再，普拼輸入橫掃神州大地。早兩日屎屎睇喂先搞出個大頭佛，「發言人」變咗「發炎人」，十成十係普拼輸入法傑作之功。

tonybean

原帖由 余OK 於 2008-6-29 22:55 發表 　　點解越嚟越少人用形碼輸入法，係進步抑或落後呢？大陸第一代網民好多都會學五筆，但係整整吓風光不再，普拼輸入橫掃神州大地。早兩日屎屎睇喂先搞出個大頭佛，「發言人」變咗「發炎人」，十成十係普拼輸入法傑作之功。 ...

我都學過下五筆，不過疏于練習，而普語拼音又被灌輸得「爐火純青」，噉祗可以用拼音……拼音輸入法同推普不無關係……

殺人王

原帖由 tonybean 於 2008-6-29 11:58 PM 發表 我都學過下五筆，不過疏于練習，而普語拼音又被灌輸得「爐火純青」，噉祗可以用拼音……拼音輸入法同推普不無關係……

 

拼音輸入法「大行其道」好大程度上係靠「實力」，同「推普」其實關係唔大。老實講，而家大陸嘅拼音輸入法，種類多樣，層出不窮，功能完善，只要你懂漢語拼音，輸入漢字易如反掌，一學即會，真正做到「入門輕鬆」。紫光，百度，谷歌，智能全拼，搜狗，微軟等産品各有優點，部分重可以網上升級詞庫，方便實用。再加上下載免費，口碑不俗，各大網站上搵下載連接「話都冇咁易」。智能方面，大部分嘅拼音輸入法都可做到「自動/手動調頻」，唯一缺點就係「繁/簡」輸入有「混血」詞彙出現。不過喺內陸呢個國度，大部分人都覺得無關重要，或者呢個係佢地一直無好好解決呢個問題嘅原因之一都未定。

 

若非專業打字文員，作為一般網民，用嘅輸入法不求速度但求方便實用，又要輕鬆易學，而呢種輸入法必須真正做到上網吹水係娱樂而非負擔。拼音輸入法「易學」「簡單」「方便」，熟練咗之後打日常用語（非生僻字）唔一定慢得過「五筆」或「倉頡」，如此又可以講「快捷」，如此「輕鬆輸入法」喺「市場定位」方面恐怕非「五筆」「倉頡」以匹敵。廣東省內「推普機」橫行無忌，不可一世，不過「漢語拼音輸入法」卻非「推普」産物，粵人對「拼音輸入法」嘅「情有獨鐘」亦非強迫，實為「拼音」易學，易輸入，真正做到「輕鬆」。如此「易學」「簡單」「方便」又「快捷」嘅輸入法，市場占有率上唔做「一哥」又會畀邊個做呢？

 

我以前都係用拼音，後來下過一翻功夫改用「倉頡」。我支持大家嘗試一下「五筆」或「倉頡」，看似難學，不過以我嘅經驗，學好之後卻一生受用。

[ 本帖最後由 殺人王 於 2008-6-30 08:06 編輯 ]

余OK

　　殺人王分析得好有道理，不過普拼輸入縱然易學好用，但係問題唔止係繁簡轉換錯誤不堪，最致命嘅缺點係漢字同音字太多，造成唔細心檢查嘅人經常打同音錯字，笑話百出。不過而家快餐文化流行，中文用字又越嚟越唔嚴謹，邊重有僆仔僆妹肯嘥時間精神去學形碼輸入。淨係有意識嘅人先至明白，形碼輸入祇要過咗起初熟習階段，以後就會一馬平川、事半功倍。

tonybean

或者普拼輸入法對推普有一定嘅推動作用……

其實越嚟越多人用普拼輸入法，唔可以用咁籠統嘅「進步」「落后」嚟概括，祗可以用更籠統嘅講法「變遷」。唔單止年輕一代網民鐘意用拼音，就連好多大學教授都祗識用拼音。可能受過一定程度教育嘅人都識用漢語拼音，所以樂於使用普拼輸入，但係我識得有啲文化程度唔高嘅人唔熟甚至唔識拼音，反而會用形碼輸入。

當今社會實用風氣太重，冇乜人肯願意靜下心嚟學嘢，好多人都好浮躁，冇幾可可以好似我哋噉得閒去研究學術問題

經你哋噉講，我都有沖動去學一種形碼。

cingsan

用粵拼喇