有幾多人將「苦」講成「nak」咖？

芬1012

有幾多人將「苦」講成「nak」嘅呢？

 

以前聽過、講過，而家聽過、講過都得，係邊度人。

 

想調查一吓。

殺人王

我係南海人，一直都有講，不過呢個字到底點寫我而家都未知。希望知者指點
我個人嘅用法一直都將佢同「苦」字混埋一齊。例如：「呢劑廿四味真係好苦」=「呢劑廿四味真係好nak/lak」。 不過，我有一個叠教嘅朋友，佢話佢地呢個'lak/nak'嘅意思係比「苦」更「苦」，如：「呢劑廿四味真係苦到lak/nak吖」。

我阿媽個女

四邑語系都會將「苦」講成「nak」噶~~~~

芬1012

噉就好。

 

我係喺廣州嘅，我調查過嘞，廣州都係講「nak」嘅。

 

我以後就夠膽大大聲噉tung'人哋講個「nak」嘞。

 

大家都應該多啲講，事關已經越嚟越少人講嘞（包括其他越音）。

 

至於有冇漢字唔緊要，致緊要係保住個音先。

嶺南散人

原帖由 我阿媽個女 於 2008-6-20 09:37 發表 四邑語系都會將「苦」講成「nak」噶~~~~

四邑話讀【nik】

葉牛熟儀

原帖由 芬1012 於 2008-6-20 02:11 發表 有幾多人將「苦」講成「nak」嘅呢？   以前聽過、講過，而家聽過、講過都得，係邊度人。   想調查一吓。

 

耐唔耐聽倒有人噉講.....

外外星人

原帖由 芬1012 於 2008-6-20 02:11 發表 有幾多人將「苦」講成「nak」嘅呢？   以前聽過、講過，而家聽過、講過都得，係邊度人。   想調查一吓。

 

苦到nak，好nak都有讲。

我阿媽個女

原帖由 嶺南散人 於 2008-6-20 22:00 發表 四邑話讀【nik】

 

我啱啱想糾正翻個讀音（事關我唔識睇呢D粵拼噶……），你啱，廣州會有人讀「nak」，四邑語系係度「nik」嘅~~~~~

芬1012

順便提一吓：

 

聽講有人想編一本辭典。建議喺注音（標）方面可以學似英文辭典噉：[****]; US[****]

 

譬如呢個「nak」字（"SJ"表示「四邑」）：

 

nak   [nak]; SJ[nik]...   苦   啲藥好nak；nak茶

合格豬

我哋通常都係用「nak」形容啲菜同生果嘅，或者用「澀」，苦就係苦茶之累。