[討論]請教佛山人，而家重有冇人講呢句正宗佛山話？？？

余OK

“舊家去邊度聊”——廣州話：正話去邊度玩。去到佛山，感覺而家好似越嚟越少佛山老城區嘅民衆會講最純正嘅佛山話嘞，基本上轉晒廣州音。呢一句佛山話係我老竇上幾十年喺佛山打工時，經常聽到佛山工友講嘅。其實重有好多有佛山特色嘅講法，而家好難聽得返。反而覺得順德話咁多年嚟冇乜點變。。。

highyun

“旧家”呢个词听返好有亲切感，不过“聊”就听得比较少。 另外“玩”都听过唔少佛山人讲“反”。

desmond

我都聽過有人講「去邊度反」，原嚟係源自佛山話外來詞。

dada

我就係講「反」。

余OK

順德話都係講“反”，好多字嘅“w”音變成“f”音。。。

dada

我係順德人。「黃、王、往」﹐我一律讀fong。

余OK

dada係順德邊處人？我係順德北滘嘅。。。

dada

我係順德樂從騰沖人。 有一部樂從鎮出版嘅《英雄河畔話當年》﹐講嘅係樂從舊事﹐有啲嘢係我細個嗰時聽過嘅。我有第一、二冊﹐應該就快收到第三、四冊。

土著堪顿尼斯人

我阿妈乡下喺白云区，嗰度都有用“耍”(liu)呢种讲法。

Anl

廣州嘅白雲區好大，方言地方好多。

jmraymond

我嚟自粤西既茂名.我地果度将「玩」讲成「廖」(读音系咁,唔知正字点写)

另外，我系中山三角镇听过将「玩」讲成「反」既.

jmraymond

仲补充多句,我地都有将声母为 " w " 读成  " f " 既现象.比如会将 「胡」读成「符」.

外外星人

原帖由 jmraymond 於 2008-7-17 13:17 發表 我嚟自粤西既茂名.我地果度将「玩」讲成「廖」(读音系咁,唔知正字点写) 另外，我系中山三角镇听过将「玩」讲成「反」既.

 

东莞话都系。