「冚家剷」定「闔家慘」？

xiss

呢句咁毒嘅話，應該點寫呢？

 

網上大部分人都寫「冚家剷」，但係我覺得咁嘅話就無法從字面上去解釋佢嘅意思啦。因爲我知道有句話叫「闔家安康」，而且我亦都了解到「冚家」演變于「闔家」，所以我就推測，「冚家剷」正寫應為「闔家慘」。未知是否如此呢？定抑或係另有正寫呢？

外外星人

点解释唔通啫？冚家铲泥齐种树...有诗有歌添喇！

 

冚家铲——即系冚家畀人铲走...

僆仔

我记得好似仲有一句係「冚家铃」

宿一宵

含家产

dada

原帖由 外外星人 於 2008-6-19 19:48 發表 点解释唔通啫？冚家铲泥齐种树...有诗有歌添喇！   冚家铲——即系冚家畀人铲走...

我覺得嗰首詩唔係證據。

最近討論過「冚」﹕高級書院 » 「冚」點讀 同mai 係 乜意思？
http://bbs.cantonese.asia/viewthread.php?tid=9982

xiss

原帖由 外外星人 於 2008-6-19 19:48 發表 点解释唔通啫？冚家铲泥齐种树...有诗有歌添喇！   冚家铲——即系冚家畀人铲走...

你講笑咩？！「冚家铲——即系冚家畀人铲走」解釋好牽強喔。

但係「冚家剷」個「冚」字應該係新造字，「冚」字個意思係唔係嚟自「闔家」個「闔」字啊？我覺得佢嘅本字應該係「闔」。噉嘅話，就應該寫成「闔家剷」？！！但係究竟係唔係「闔家畀人剷走」嘅意思先？！！

嶺南散人

四邑話是「咸家鏟」。

 

咸者，全部也。

外外星人

原帖由 xiss 於 2008-6-19 21:32 發表 你講笑咩？！「冚家铲——即系冚家畀人铲走」解釋好牽強喔。但係「冚家剷」個「冚」字應該係新造字，「冚」字個意思係唔係嚟自「闔家」個「闔」字啊？我覺得佢嘅本字應該係「闔」。噉嘅話，就應該寫成「闔家剷」？！！但係究竟係 ...

 

冚字虽然有待考证，但系我冇同你讲笑，冚家畀人铲走咪就系全家死晒啰！

xiss

原帖由 外外星人 於 2008-6-19 21:55 發表   冚字虽然有待考证，但系我冇同你讲笑，冚家畀人铲走咪就系全家死晒啰！

哈？噉都得？

外外星人

信者得救

唔三唔四蠢魚

非也非也！
係「杏加橙」至啱。
杏冇毒，橙亦冇毒，但杏同橙一齐食就会产生剧毒，无药可救。
如果想害人，就送佢杏加橙，可以杀人于无形，全家死晒都唔知点死嘅。
而且佢重好好食添！
的确係轻生弃世、杀人越货、谋财害命、报仇雪恨嘅极品，无论係自用抑或送礼，都咁方便。

外外星人

顶，而家系周五！

芬1012

因「正義」而「正字」？因「正字」而「正」音？又係走火入魔。

中二仔

原帖由 嶺南散人 於 2008-6-19 21:55 發表 四邑話是「咸家鏟」。   咸者，全部也。

四邑話讀[ham4]家鏟??

中二仔

原帖由 xiss 於 2008-6-19 19:36 發表 呢句咁毒嘅話，應該點寫呢？   網上大部分人都寫「冚家剷」，但係我覺得咁嘅話就無法從字面上去解釋佢嘅意思啦。因爲我知道有句話叫「闔家安康」，而且我亦都了解到「冚家」演變于「闔家」，所以我就推測，「冚家剷」正寫應 ...

一定唔會係囉.....

xiss

原帖由 芬1012 於 2008-6-20 02:01 發表 因「正義」而「正字」？因「正字」而「正」音？又係走火入魔。

有字唔去正，有音唔去正，由得廣州話錯音錯字橫行，使廣州話古韻失去得蕩然無存，並留畀北人攻擊廣州話「冇古漢語根基」嘅缺口，唔通噉就唔係「走火入魔」，如此置廣州話前途于不顧，我覺得重係「走火入魔」好尐。

 

如果你認爲廣州話唔使喺正字正音道落功夫，任由廣州人將「廣州」講成「趕舟」，「中國」講成「中角」，而任由北人恥笑廣州話冇唔符合漢語嘅演變規律，從而認定廣州話為南蠻之語，噉你同幫助北人扼殺廣州話有何區別？

xiss

原帖由 中二仔 於 2008-6-20 12:29 發表 一定唔會係囉.....

噉係咩呢？

芬1012

原帖由 xiss 於 2008-6-20 12:43 發表 有字唔去正，有音唔去正，由得廣州話錯音錯字橫行，使廣州話古韻失去得蕩然無存，並留畀北人攻擊廣州話「冇古漢語根基」嘅缺口，唔通噉就唔係「走火入魔」，如此置廣州話前途于不顧，我覺得重係「走火入魔」好尐。   如果你 ...

 

費事tung'你「狗」纏落去。

xiss

原帖由 芬1012 於 2008-6-20 19:16 發表   費事tung'你「狗」纏落去。

自知無理重要「死都咬返dam6」，真係盡顯「狗」嘅本色。

嶺南散人

原帖由 中二仔 於 2008-6-20 12:28 發表 四邑話讀[ham4]家鏟??

冇錯