饮食文化－—食粥

飛鳥

　　今日系《餐馆指南》上面见到有间粥铺，评价唔错，不过未得闲去试下。突然间谂起，粥，食粥，种类丰富，老少皆宜，四季都啱，认真唔错嘅选择。

　　原来食粥嘅习惯系古越人留传落嚟嘅。由于岭南地区气候炎热，流汗多水份消耗大，而日间劳作辛苦，需要及时补充水份同养份，而食粥就啱啱好满足到呢个要求，因此就形成咗呢个风俗，一直流传至今。

　　有论者曰：「壮人据地甚广，其大部百谷皆宜，然其人尤秉祖宗以前穷首山谷之遗训，以饭食为暴殄，朝夕餐膳，无不食粥。虽积谷成仓，而日亦如此。」按壮人为古越人后裔，其习俗深刻影响广府人。

　　虽然客家系、福佬系人亦食粥，而且潮汕地区更加普遍，但就粥品文化内涵之深广而言，无疑系广府系为冠（查实我都觉得广州粥正过潮州粥好多）。1956年全国名菜美食展览会上，广州历史传落嚟嘅参展粥品有84种之多，古越人食粥遗风在此功不可没。

　　至于其他省份亦都有食粥嘅习惯，不过同我哋就大不相同，至少北方人唔会因为天气太热要补充水份走去煮粥食，可能就食吓冷面呱。唔知佢哋呢种习惯系咪由南方传过去嘅呢？

[ 本帖最後由 飛鳥 於 2008-6-19 01:01 編輯 ]

外外星人

好文！

若果加埋啲粥名上去就更加之好嘞！

我阿媽個女

原帖由 飛鳥 於 2008-6-19 00:58 發表 　　今日系《餐馆指南》上面见到有间粥铺，评价唔错，不过未得闲去试下。突然间谂起，粥，食粥，种类丰富，老少皆宜，四季都啱，认真唔错嘅选择。　　原来食粥嘅习惯系古越人留传落嚟嘅。由于岭南地区气候炎热，流汗多水份消耗大，而日 ...

 

哇……84種粥啊~~~？？？

我都係識十種八種咋喔……

如果可以列曬所有粥名出嚟就好咯……

飛鳥

1954年嘅事，都不知从何查起咯～不过我哋家阵经常食个啲应该都有份参赛呱．

tonybean

及第粥、艇仔粥……還懷念啊～

飛鳥

鱼片粥、牛肉粥、白果粥、麻雀粥、猪红粥、瑶柱粥、菜干粥、皮蛋瘦肉粥、「柴鱼花生粥，食到耳仔都识郁」……重有冇啊？好似除咗青菜，其他都可以煮粥

[ 本帖最後由 飛鳥 於 2008-6-21 01:00 編輯 ]

外外星人

菜干粥应该用腊鸭头、颈一齐煲至正。

 

重有：金银鸭粥（用烧鸭丝、普通鸭肉丝做料）

 

家庭：生菜鱼片粥。珧柱白粥。

飛鳥

原帖由 外外星人 於 2008-6-22 17:36 發表 菜干粥应该用腊鸭头、颈一齐煲至正。   重有：金银鸭粥（用烧鸭丝、普通鸭肉丝做料）   家庭：生菜鱼片粥。珧柱白粥。

淘宝上面都系写「瑶柱」，原来系错字嚟咖？

外外星人

凡系我写之COLOR字，你都可以厾入去睇下。

cingsan

經常喫白粥，唔知點樣煲至有味？？？

外外星人

珧

珧音堯。海味佳品。『說文』唇甲也。『爾雅』蜃小者珧『江賦』玉珧海月。『正字通』江珧形似蚌。殼中玉柱長寸許。故曰江珧柱。

《廣東俗語考》

猪肉佬

楼主讲嘢唔对书

 

 

外外星人

食粥睇书？ 睇书煲粥？

gboss

記得以前軍訓，有個軍官叫「立正」口令叫到好似廣州話嘅「食粥」噉……

外外星人

似「蜡烛」多啲

僆仔

原帖由 外外星人 於 2008-8-26 13:34 發表 似「蜡烛」多啲

 

我就話似「力卒」多啲

 

讲到食粥，点可以少咗 膍胵 粥呢。『fu4  ci1』

外外星人

原帖由 僆仔 於 2008-8-26 19:39 發表   我就話似「力卒」多啲   讲到食粥，点可以少咗 膍胵 粥呢。『fu4  ci1』

 

而家好少可讲啰！事关饲料鸡嗰搊「符次」有毒素吖嘛！

wendy徐

我覺得我D潮汕嘅粥正D 不過只要有粥食就好拉...好過果D北佬食咩花捲......哈哈哈

外外星人

原帖由 wendy徐 於 2008-11-6 13:28 發表 我覺得我D潮汕嘅粥正D 不過只要有粥食就好拉...好過果D北佬食咩花捲......哈哈哈

 

食馍馍多啲

wendy徐

原帖由 外外星人 於 2008-11-7 01:12 AM 發表   食馍馍多啲

都唔知咁奇怪嘅嘢點解他D鍾意食.....