终于搵到一个本字啦：尐 弃「啲」用「尐」

xiss

尐。廣州話讀：did1 紫光拼音為：jie

尐亦就係「一些」嘅意思，粵語裏面有「尐尐」，「一尐」嘅用法。但係宜家大多数人都唔識佢嘅本字，就算識都唔識打，所以大多使用其借字「啲」。

既然宜家已经搵到佢嘅本字，亦都知道點打出嚟，噉我哋就應該用「尐」弃「啲」，用返佢嘅本字（亦即真正正字），以體現粤语中深厚嘅古漢語底蕴！！

[ 本帖最後由 xiss 於 2008-6-19 09:05 編輯 ]

dada

兩年前已經有過一個帖「咬文嚼字→[討論]關於粵語中"D"字嘅疑問」﹐不過而家搵唔到。

最大問題係「尐」字讀「節」。

其實「少」、「尐」本來應該係同一個字﹕《說文》﹕「沙或從尐。」

甚至「小」、「少」、「尐」都應該係同一個字﹕

一、金文「小臣」寫為「少臣」、「尐臣」﹐「小子」寫為「尐子」。

二、「少」有小義﹕「杪﹐木標末也」、「眇﹐一目小也」……

外外星人

原帖由 dada 於 2008-6-18 18:19 發表 兩年前已經有過一個帖「咬文嚼字→[討論]關於粵語中"D"字嘅疑問」﹐不過而家搵唔到。最大問題係「尐」字讀「節」。其實「少」、「尐」本來應該係同一個字﹕《說文》﹕「沙或從尐。」甚至「小」、「少」、「尐」都應該係 ...

 

我都睇过类似嘅帖，睇怕都唔止一张帖讨论过呢个问题，我印象最深嘅就系：啲＞尐

xiss

原帖由 dada 於 2008-6-18 18:19 發表 兩年前已經有過一個帖「咬文嚼字→[討論]關於粵語中"D"字嘅疑問」﹐不過而家搵唔到。最大問題係「尐」字讀「節」。其實「少」、「尐」本來應該係同一個字﹕《說文》﹕「沙或從尐。」甚至「小」、「少」、「尐」都應該係 ...

紫光里面以及百度都系将「尐」注音成jie，紫光里面重有另外一个音：ji。

呢个音同粤语发音相差的确好大，不敢有尐字都系噉啦。就好似「噉」，紫光发音竟然系「dan」。

芬1012

原帖由 dada 於 2008-6-18 18:19 發表 兩年前已經有過一個帖「咬文嚼字→[討論]關於粵語中"D"字嘅疑問」﹐不過而家搵唔到。最大問題係「尐」字讀「節」。其實「少」、「尐」本來應該係同一個字﹕《說文》﹕「沙或從尐。」甚至「小」、「少」、「尐」都應該係 ...

 

照你噉講，「小」tung'「少」應該係同音嘅。

 

亦即係話，滿大人將呢兩個字讀成兩個音係錯嘅囉噃。

xiss

原帖由 芬1012 於 2008-6-19 03:16 發表   照你噉講，「小」tung'「少」應該係同音嘅。   亦即係話，滿大人將呢兩個字讀成兩個音係錯嘅囉噃。

但係我記得「少」喺廣州話裏面都有兩個讀音，一個同「小」，另一個係「siu3」，所以如果話將佢讀成兩個音係錯嘅話，咁廣州話豈不是都錯？！！！

另外，我查過審音配字網，裏面嘅「尐」唔係讀「did1」，竟然係讀「節」（jid3）咖！！！

dada

既然「小」、「少」已經分為兩字﹐唔同音都唔係錯。

嚴格嚟講﹐唔係「少」有小義﹐係（部分）同「小」字近音嘅字有小義。或者第日我哋可以開個帖談論呢個現象。

按﹐《說文》﹕「沙﹐水散石也。從水從少。水少沙見。楚東有沙水。」

「水少沙見」係會意。不過亦都可以從小義解釋「沙」字。金文「沙」字有水加四點﹐即係今日嘅「沙」﹐但係又有六點同九點。林義光話﹕「象散沙及水形。」

xiss

老實講,我哋老師成日都提醒我哋答題目嘅時候注意唔好用錯二字，老師重話北方學生重識區分，但係廣州學生基本唔識分，因爲佢哋平時基本唔分！！ [ 本帖最後由 xiss 於 2008-6-19 22:05 編輯 ]

殺人王

關於粵語中"D"字嘅疑問

相信呢個帖係我當年開嘅，唔經唔覺又兩年

xiss

原帖由 殺人王 於 2008-6-20 14:46 發表 關於粵語中"D"字嘅疑問相信呢個帖係我當年開嘅，唔經唔覺又兩年

換咗個頭像啦

僆仔

呢個尐唔同嗰個嘚，就喺差尐尐咁多

殺人王

呢個帖放喺呢道唔多合適

中二仔

原帖由 xiss 於 2008-6-18 13:04 發表 尐。廣州話讀：did1 紫光拼音為：jie 尐亦就係「一些」嘅意思，粵語裏面有「尐尐」，「一尐」嘅用法。但係宜家大多数人都唔識佢嘅本字，就算識都唔識打，所以大多使用其借字「啲」。既然宜家已经搵到佢嘅本字，亦都知道點打出嚟，噉 ...

本字非正字

尐變啲我贊成,但係既然已經有本質上變化,唔可以稱之「正字」

原帖由 殺人王 於 2008-6-21 10:36 發表 呢個帖放喺呢道唔多合適

我覺得要搬去書院

唔三唔四蠢魚

都唔知你地想搞「啲」乜嘢！
「啲」字其实就係「的」字。
「的」即係「点」，好似刘备匹马叫做「的卢」，就係因为匹马嘅额头上有个白点，所以叫「的卢」。
左思嘅《娇女赋》有一句「立的成复易」，就係讲佢个大女喺面度点「的」个阵，点完觉得唔满意，擦咗重新点过。呢个「的」係指女人喺面上点嘅红点，即俗称嘅「硃砂痣」。
「的」字在表示「点」时，将其写作「啲」，就好似将「下」写成「吓」一样，只係想更加明确文字嘅意思啫。不过我觉得多余，因为古人已经为此创造出咗个新字「䵠」。
一啲，即一点也。

另外，小巧玲珑，粤语叫做「的式」。

dada

「的盧」指白額﹐唔係額有白點。

《說文》﹕「旳﹐明也。從日勺聲。《易》曰：『為旳顙。』」段玉裁話「明也」係白色嘅意思﹐「故俗字作『的』」。「顙」係額頭。

「旳」又寫為「馰」。《說文》﹕「馰，馬白頟也。從馬，的省聲。一曰駿也。《易》曰：『為的顙。』」呢個「的」應該係「旳」。不過玉筠話﹕「引此者以證的省聲﹐兼以見『的』為『馰』之古文也。」

《說文》「的顙」、「旳顙」、「馰顙」混用。

xiss

原帖由 唔三唔四蠢魚 於 2008-6-23 01:23 發表 都唔知你地想搞「啲」乜嘢！「啲」字其实就係「的」字。「的」即係「点」，好似刘备匹马叫做「的卢」，就係因为匹马嘅额头上有个白点，所以叫「的卢」。左思嘅《娇女赋》有一句「立的成复易」，就係讲佢个大女喺面度点「的」个 ...

唔通「啲」就係本字？

唔三唔四蠢魚

原帖由 dada 於 2008-6-23 15:02 發表 「的盧」指白額﹐唔係額有白點。

唔该你返去翻下《三国演义》嘅三十四回：
此马眼下有泪槽，额边生白点，名为的卢，骑则妨主。

dada

唉﹗可能「的」有點義﹐但唔可以用一部民間小說嚟證明。

中二仔

「的」變「啲」比「尐」變「啲」讀音上更加難解釋喎.........