粵語有無舌尖前音與舌面前音之分

嶺南散人

廣州話的「志」與普通話的「雞」是否同音？

 

幾乎所有的粵語拼音資料都認為「知」「雌」「思」的聲母與「助」「初」「梳」一樣，都是舌尖前音。但是，根據我的發音經驗，粵語的「知」「雌」「思」與普通話的「積」「氣」「西」的聲母是一樣的，都是舌面前音。

 

唔知大家點讀嘅呢？

[ 本帖最後由 嶺南散人 於 2008-6-18 19:15 編輯 ]

melop

我讀「知」「雌」「思」的聲母與「助」「初」「梳」的確係完全相同嘅，讀舌尖前音。我睇資料，話呢個係西關粵語嘅特色。
亦即係話，無論韻母係唔係o, 都讀舌尖前音。
我細個係喺六二三路住嘅。。。

HKCantonese

原帖由 嶺南散人 於 2008-6-17 22:55 發表 廣州話的「志」與普通話的「雞」是否同音？   幾乎所有的粵語拼音資料都認為「知」「雌」「思」的聲母與「助」「初」「梳」一樣，都是舌尖前音。但是，根據我的發音經驗，粵語的「知」「雌」「思」與普通話的「積」「氣 ...

 

 

以粵語為母語的人對這三個聲母的實際發音分歧很大.

嶺南散人

原帖由 melop 於 2008-6-17 23:55 發表 我讀「知」「雌」「思」的聲母與「助」「初」「梳」的確係完全相同嘅，讀舌尖前音。我睇資料，話呢個係西關粵語嘅特色。亦即係話，無論韻母係唔係o, 都讀舌尖前音。我細個係喺六二三路住嘅。。。 ...

如果要用舌尖前音來拼【i】的話，發音是比較困難的，況且我從來亦未聽過有人如此發音。

xiss

原帖由 melop 於 2008-6-17 23:55 發表 我讀「知」「雌」「思」的聲母與「助」「初」「梳」的確係完全相同嘅，讀舌尖前音。我睇資料，話呢個係西關粵語嘅特色。亦即係話，無論韻母係唔係o, 都讀舌尖前音。我細個係喺六二三路住嘅。。。 ...

我系地道广州人，实际上呢六个字嘅读音都系舌尖前音，呢点系冇错咖！！系楼主嘅发音经验搞错。实际上除《广州话拼音》，其余粤语拼音均冇对此做出区分，而且，《广州话拼音》亦都注明「jqx和zcs声母，广州话读音没有区别」。粤语审音配字网里面就算系《广州话拼音》亦都冇作区别！！！

xiss

原帖由 嶺南散人 於 2008-6-18 13:14 發表 如果要用舌尖前音來拼【i】的話，發音是比較困難的，況且我從來亦未聽過有人如此發音。

我唔知点解你话发音困难，我觉得舌尖音发i、ü好容易。我系广州人，周围嘅广州人发音亦都系噉发嘅，我唔知点解你话「从未听过」！！

嶺南散人

原帖由 xiss 於 2008-6-18 17:30 發表

我系地道广州人，实际上呢六个字嘅读音都系舌尖前音，呢点系冇错咖！！系楼主嘅发音经验搞错。实际上除《广州话拼音》，其余粤语拼音均冇对此做出区分，而且，《广州话拼音》亦都注明「jqx和zcs声母，广州话读音没有区别」。粤语审音配字网里面就算系《广州话拼音》亦都冇作区别！！！

我問過土生土長的廣州人，佢都認為廣州話的「知」「雌」「思」與普通話的「雞」「氣」「西」是一樣的。

嶺南散人

原帖由 HKCantonese 於 2008-6-18 10:26 發表     以粵語為母語的人對這三個聲母的實際發音分歧很大.

分歧主要有三個，一個認為是舌尖前音，一個認為是舌葉音，一個認為是舌面前音。

 

首先，我們可以否定舌葉音，因為這是香港人受英語影響而產生的音。

 

至於舌尖前音和舌面前音的分歧，我的意見認為係後者。

xiss

原帖由 嶺南散人 於 2008-6-18 18:07 發表 我問過土生土長的廣州人，佢都認為廣州話的「知」「雌」「思」與普通話的「雞」「氣」「西」是一樣的。

你边有理由噉问呢？你应该直接问「左」「初」「梳」同「知」「雌」「思」嘅声母一唔一样！！

嶺南散人

原帖由 xiss 於 2008-6-18 19:11 發表 你边有理由噉问呢？你应该直接问「左」「初」「梳」同「知」「雌」「思」嘅声母一唔一样！！

  我边冇理由噉问呢？

如果廣州話的「知」「雌」「思」與普通話的「雞」「氣」「西」是一樣的，就可以證明廣州話同普通話一樣都存在舌面前音。

xiss

原帖由 嶺南散人 於 2008-6-18 19:14 發表   我边冇理由噉问呢？如果廣州話的「知」「雌」「思」與普通話的「雞」「氣」「西」是一樣的，就可以證明廣州話同普通話一樣都存在舌面前音。 ...

就连北方人都未必能完全分清跟i、ü时嘅舌尖音同舌面音，佢哋两者感觉实在太似嘞。而大多数广州人从未受过系统嘅粤语训练，又岂能判断出粤语中嘅zcs系唔系舌面音呢？你噉样问，只会诱导佢哋答出「广州话存在舌面音」嘅答案！！

嶺南散人

原帖由 xiss 於 2008-6-18 19:22 發表 就连北方人都未必能完全分清跟i、ü时嘅舌尖音同舌面音，佢哋两者感觉实在太似嘞。而大多数广州人从未受过系统嘅粤语训练，又岂能判断出粤语中嘅zcs系唔系舌面音呢？你噉样问，只会诱导佢哋答出「广州话存在舌面音」嘅答案 ...

我冇問佢哋係唔係舌面音，所以不存在誘供情況。

 

我問過廣府片人、香山片人、四邑片人、高州片人，他們都認為粵語的「志」和普通話的「雞」一樣。

 

如果你認為不一樣，請具體指出來（最好有錄音）。

[ 本帖最後由 嶺南散人 於 2008-6-18 22:03 編輯 ]

xiss

你緊係唔會直接問「係唔係舌面音啦」你問都冇邊幾個清楚知道咩叫「舌面音」。你應該係問：「廣州話嘅‘知雌斯’同普通話嘅‘雞欺西’係唔係同音咖？」一個未鑽研過廣州話發音嘅人，肯定分唔出其中嘅差別（因爲呢兩個音實在太似），自然會答出「好似（應該）係」甚至「係！」之類嘅答案。

你設置一個咁具迷惑性嘅題目，已經有意無意咁誘導佢哋講出「係」呢個答案。

 

實際上呢類發音問題（唔係嗰尐簡單嘅「呢個字發咩音」問題）係唔適合用普通人日常嘅發音經驗去判斷是否相同嘅。因爲呢种音太相似啦。如果普通人嘅發音感覺真係百分百正確嘅話，咁重要語言學家嚟做么嘢呢？！！

嶺南散人

原帖由 xiss 於 2008-6-18 23:23 發表 你緊係唔會直接問「係唔係舌面音啦」你問都冇邊幾個清楚知道咩叫「舌面音」。你應該係問：「廣州話嘅‘知雌斯’同普通話嘅‘雞欺西’係唔係同音咖？」一個未鑽研過廣州話發音嘅人，肯定分唔出其中嘅差別（因爲呢兩個音實在太 ...

我同時將粵語發音軟件的【zi】和【zo】發給別人聽，答案都是「聲母不一樣」，都認為一個是舌尖音，一個是舌面音。

xiss

二樓嘅認爲一樣。我問過幾個Q友，有同有唔同。

回答分別有：

1.j&z
2.zh and z
3.应该同挂
4.同褂

（附上圖片為証）

 

加上本貼二樓嘅答案，可以發現，如果根據統計學，根本形成唔到一個「同」或「唔同」嘅結論。我唔清楚「嶺南」你嘅試驗究竟係點做嘅，但係從我嘅試驗睇嚟，大衆對呢個音嘅嘢認識都好模糊，代表唔到尐咩真正嘅語音現象。

 

就算退一万步嚟講，就算真係唔同，都唔可以認爲佢哋就係廣州話嘅尖團音，因爲噉樣違反咗「粵語保留咗中古時嘅尖團音」嘅「常識」。

[ 本帖最後由 xiss 於 2008-6-19 23:08 編輯 ]

中二仔

我唔覺得有咩分別

 

即使發音位置有分別,讀出來音同咪得囉............

HKCantonese

原帖由 中二仔 於 2008-6-20 12:34 發表 我唔覺得有咩分別   即使發音位置有分別,讀出來音同咪得囉............

 

 

發音部位不同, 但發出來的音卻相同?

中二仔

原帖由 HKCantonese 於 2008-6-20 23:40 發表     發音部位不同, 但發出來的音卻相同?

分別好細咪當佢相同囉,聽落都無乜大分別啦係咪啊