懶音 -ng -> -n / -k -> -t 不是後生仔女專利

HKCantonese

家中長者一樣有 (年過70)

 

(不過我本人並未"感染"到.)

普君南拆遷居民

只係後生仔女中懶音人數比例大得多啫。

余OK

　　重有可能係說話人本身帶有鄉音，譬如東莞某啲地區-k同-t合流為-k。

顺德水蛇粥

好常见，省港两地例子好多。

成龙50几勾，最近有个洗头水告白卖得好拫，告白收尾有句亲口大嗌「角（国）货各自强」。

陈扬（广视主持人），「港（广）州街坊」几乎每日都出自佢口。

余OK

原帖由 顺德水蛇粥 於 2008-6-18 22:08 發表 好常见，省港两地例子好多。成龙50几勾，最近有个洗头水告白卖得好拫，告白收尾有句亲口大嗌「角（国）货各自强」。陈扬（广视主持人），「港（广）州街坊」几乎每日都出自佢口。 ...

　　我對呢種gw→g音最敏感，事關我呢邊地頭好難聽到。除咗八九十勾嘅老嘢發音重比較渾厚外，我接觸過嘅省港兩地人，好認真聽佢哋講嘢，即使喺嗰啲平時講嘢幾標準都好，都好少可唔會講漏嘴將gw發成g，往往講得快一唔留神gw又轉咗g，我每次聽到心入邊都偷笑。民間既然有咁深厚「根基」，喺媒體出現各種懶音故之然不足為奇。 [ 本帖最後由 余OK 於 2008-6-18 22:37 編輯 ]

顺德水蛇粥

原帖由 余OK 於 2008-6-18 22:30 發表 　　我對呢種gw→g音最敏感，事關我呢邊地頭好難聽到。除咗八九十勾嘅老嘢發音重比較渾厚外，我接觸過嘅省港兩地人，好認真聽佢哋講嘢，即使喺嗰啲平時講嘢幾標準都好，都好少可唔會講漏嘴將gw發成g，往往講得快一唔留神gw又轉咗 ...

成龙嗰句「角货当自强」系好用力噉讲出来嘎，而且系广告片，配音系后期制作嘅，唔系口常会话，与口快快无关。