搞唔明，究竟白斬雞係唔係粵菜？

成日笑

搞唔明，究竟白斬雞係唔係粵菜？

http://baike.baidu.com/view/50996.html

 

一時話：
〖说明〗：白切鸡是粤菜鸡肴中最普通的一种，属于浸鸡类。以其制作简易，刚熟不烂，不加配料且保持原味为特点。白切鸡皮爽肉滑，清淡鲜美。

 

一時又話：
历史文化

1. 白斩鸡又称三黄油鸡，是上海地区传统名菜，多作为宴席冷盘，供佐酒之用。因鸡在烹煮时不加调味，故称白斩鸡。上海白斩鸡始于清朝末年，先在酒店出现，用本地饲养的浦东三黄鸡制成，将做好的鸡悬挂在熟食橱窗里，根据顾客需要，随点随斩。后来，上海各饭店也普遍供应，不仅用料更加考究，而且还用熬熟的虾子酱油，随白斩鸡一起上桌，供顾客蘸食，其味更为鲜美；
2. 坐落在上海云南南路、宁海东路附近的小绍兴鸡粥店，是一家中外闻名的鸡味店。它烹制的白斩鸡，形状美观，皮黄肉白，肥嫩鲜美，十分可口。1958 年小绍兴白斩鸡被商业部评为全国优质产品。

 

究竟係點？

唔通真係上海傳入嚟嘅？

殺人王

白斬雞喺清代己經有記載，的確係由吴地傳入。然而，歷時二、三百年後，粵籍（包括海南島）人士，因擅長製作，手法推陳出新，滋味層出不窮，因而食林稱尊！雖由吴地傳入，但翻開書簿一般以粵菜為記。

其實，幾百年前傳入粵地嘅「白斬雞」相信同而家嘅做法，用料，味道都唔同。留下嘅，或者就只有呢個名字。一如東南亞嘅「海南雞飯」同我地嘅「白切雞」。到而家，粵人所做嘅「白斬雞」己不及新加坡，馬來西亞等地做得咁好，手法同技術感覺己向東南亞轉移。「海南雞飯」更成為新加坡嘅飲食代表之一。

不過講時講，由邊到傳入與否貌似同佢係邊個菜系無相干，最主要嘅都係睇佢烹調手法同用料。一如「揚州抄飯」非來自揚州而為粵菜，「海南雞飯」非源於海南；「漢堡包」非出自德國漢堡，French Fries(炸薯條)都唔係源自法國。粵菜餐館名揚天下嘅「福建炒飯」、「星州炒米」、「廈門炒米」都一樣。

[ 本帖最後由 殺人王 於 2008-6-18 09:37 編輯 ]

外外星人

粤人梗系返嚟自己嘅地头啦！同上海人嘈咩白斩鸡、白切鸡啫？

 

我阿妈都系上海传入，唔通唔系粤人咩？无论乜乜勿勿，入亲岭南，就要转晒水土，为我大粤所用。

成日笑

原來如此，唔賅嗮！

 

  我怕細節搞唔清楚，日後同人爭拗好易輸蝕。

[ 本帖最後由 鋮日笑 於 2008-6-17 16:23 編輯 ]

外外星人

原帖由 鋮日笑 於 2008-6-17 16:18 發表 原來如此，唔賅嗮！     我怕細節搞唔清楚，日後同人爭拗好易輸蝕。

 

话知佢边度出吖！总之我哋整得好食过人哋咪得啰！拗颈无谓，好食最实际！

我阿媽個女

白斬「本地雞」~~~一定係粵菜~~~！！