回归后，「省港」渐变「粤港」

顺德水蛇粥

回归前就开始举办嘅省港杯足球赛、省港杯歌唱大赛等等体育、文化交流活动，名称都系冠以「省港」二字，再早啲，「省港大罢工」系何等声震中外。

回归后，两地嘅活动，渐渐变成「粤港」，例如年初嘅雪灾，亚洲电视与广东电视台联合举办名为《粤港同心暖华南》嘅大型送暖行动晚会，就系用「粤港」嘅名称。

但系间中亦会回光返照，用返「省港」，例如2003年TVB节目《省港红伶大汇演》。

Lucciora

省城、香港，以前係兩個城市嘅對比，而家係一個省同一個市嘅對比

顺德水蛇粥

原帖由 Lucciora 於 2008-6-15 17:39 發表 省城、香港，以前係兩個城市嘅對比，而家係一個省同一個市嘅對比

非也！省港杯足球赛系以广东省队出赛，省港杯歌唱比赛全省歌手均可参加，以上两项活动，都系省级单位出面与香港合办。

嶺南散人

粤港并称其实很早已经有啦，譬如一句好熟悉的广告语：粤港澳湛周生生。

顺德水蛇粥

原帖由 嶺南散人 於 2008-6-16 10:49 發表 粤港并称其实很早已经有啦，譬如一句好熟悉的广告语：粤港澳湛周生生。

好早？早到几时？早得过97回归前？

普君南拆遷居民

省港同粵港意思上有微細差別。省港嘅省重可以指大陸其它地方。如80年代有齣電影叫《省港雙龍》，其中代表省嗰位公安係來自北方省份嘅。

顺德水蛇粥

曾经睇过一个节目，记者喺香港闹市访问路人，问佢哋「你边度人啊」？相当部分人讲自己系广东人，同自称香港人嘅不相上下。