轉貼星島日報：傳統點心漸失傳

李四

(星島日報報 道)最近在蔡瀾的節目裏做嘉賓，到廣州食點心，節目才出街，四方八面的電話就來了，都問那些特色點心到底在哪家館子吃的，人人都話要上去試一試。其實那些 點心一點都不新奇，都不過是傳統的點心吧了，只是香港商人愛改頭換面，那些甚麼營養師又說吃了有損健康，漸漸真正的點心就失傳了。

　　豬潤燒賣、春蛋燒賣、足料糯米雞，以前在香港都吃得到，一點都不出奇。用雞屎藤和艾葉來做的茶果早就有了，以前清明前後都會做這個，因為這個時節容易 生病，雞屎藤和艾葉可解毒，這些農村智慧竟然無人知道。還有，大包的分量永遠是一盅一件，叉燒包則是兩件，春卷三件，燒賣四件，這個一二三四的分量可是想 過度過的。點心不是正餐，分量不能做得太多，但剛剛吃一盅就夠飽了，可說是三點三的應有分量。作為中國人，這些飲食文化真要學懂啊！

　　香港雲吞麵贏廣州

　　近年香港人崇尚健康飲食，很多好東西都不吃了，如豬肺和豬腦等內臟其實都是美食，他們看見就怕，但法國鵝肝就照食可也？真真奇怪，今時今日還如此崇洋？甚麼都不吃，做人少了很多樂趣，試那麼一點點又不會馬上死掉的，節制就是了！

　　不過，香港也不是沒有傳統美食。從前是食在廣州，很多好吃的東西也是先在廣州吃得到，如雲吞麵就是了。不過現時廣州的雲吞麵就不夠香港的好吃，原因自文化大革命後，很多技術都流落到香港，所以今時今日香港的雲吞麵做得非常出色，也是廣州所不能及的。

殺人王

「食在廣州」如果喺早幾年都重講得上，以前我老豆出廣州都要食碗雲呑麵，但係而家，唔知係我口味變咗定點，我認為廣州麵呑麵整得重冇佛山嘅「應記」咁好。
做成傳統小食失傳嘅原因係多方面，廣州人口本地人同外地人嘅比例變化都係做成口味變化嘅原因之一。
另外，洋「垃圾」食物嘅增加，人嘅選擇多咗，再加上好多傳統小食店衞生狀況令人擔優，傳統食物失勢在所難免。除此之外，年輕人嘅心態都係原因之一，有次我約表弟同表妹去食牛腩粉。佢地都話我老餅。。。。

vincent10

香港都變成咁,何況廣州;文革對中華民族嘅傷害實在太大

Wai

粥粉麵飯，而家變咗漢堡薯條。

 

廣州近年多咗好多外省食肆。

李四

本來食在廣州，後來就食在香港，依家就兩地都冇啖好食。廚房佬個個都鍾意出師傅，搞到豬、牛、雞都係一個味。行過雲吞麵鋪，成陣好濃嘅味精味、梘水味吹出嚟，聞到都唔開胃。

殺人王

老實講，廣東麵食點心，用料同做工係非常講究嘅。

而家出去食嘅麵，有幾多重係我老豆個年代咁用手打出來？做出來嘅雲呑，又有幾多係自己做，同埋有水準？其實大部分都係喺食品工廠加工嘅，每日一包包按時發貨到店。連呢D食物都變成「即食」。。。。最可惡嘅就係一次我去廣州食個干炒牛河，佢連條蔥都冇！

vincent10

我上次食嗰個牛河有蘿蔔 仲係甜嘅...問你死昧,牛河都北化

外外星人

原帖由 殺人王 於 2008-6-11 13:13 發表 「食在廣州」如果喺早幾年都重講得上，以前我老豆出廣州都要食碗雲呑麵，但係而家，唔知係我口味變咗定點，我認為廣州麵呑麵整得重冇佛山嘅「應記」咁好。
做成傳統小食失傳嘅原因係多方面，廣州人口本地人同外地人嘅比例變化都係做成口味變化嘅原因之一。
另外，洋「垃圾」食物嘅增加，人嘅選擇多咗，再加上好多傳統小食店衞生狀況令人擔優，傳統食物失勢在所難免。除此之外，年輕人嘅心態都係原因之一，有次我約表弟同表妹去食牛腩粉。佢地都話我老餅。。。。

 

笑到我「族」亲

殺人王

原帖由 外外星人 於 2008-6-11 10:55 PM 發表   笑到我「族」亲

咁都冇辦法,而家出去溝女睇來都唔可以食粥粉麵

外外星人

原帖由 殺人王 於 2008-6-12 12:31 發表 咁都冇辦法,而家出去溝女睇來都唔可以食粥粉麵

 

我阿妈个女话钟意饮西茶

 

而家女仔时兴食乜我真系唔知，不过都离唔开珍珠奶茶、M记、乜鸡、重有大块活等，都系受告白影响，人话边度好就去边度...

当然啦，坐惯写字楼嘅高级白领就要同你玩情调、玩class

tea

原帖由 vincent10 於 2008-6-11 16:12 發表 香港都變成咁,何況廣州;文革對中華民族嘅傷害實在太大

 

既然讲饮讲食，做乜要讲到「文革」，真系扫兴。

tea

「  我阿妈个女话钟意饮西茶   」？？？？

你阿妈个女，咪系你嗰妹，或姐啰，做乜讲「我妈个女」？幽一下默。

顺德水蛇粥

原帖由 殺人王 於 2008-6-11 13:13 發表 「食在廣州」如果喺早幾年都重講得上，以前我老豆出廣州都要食碗雲呑麵，但係而家，唔知係我口味變咗定點，我認為廣州麵呑麵整得重冇佛山嘅「應記」咁好。做成傳統小食失傳嘅原因係多方面，廣州人口本地人同外地人嘅比例變化都 ...

「應記」喺佛山大行其道，对佛山云吞面嘅基本素质有保证，点差都唔会差得去边，稍嫌不足嘅就系缺少精品。顺口问声，唔知佛山有边间港式茶餐厅有好出品呢？

sunnygod

美食点心揾唔到关文革乜事，是饮食业竞争势利，人力竹竿压面94年前广州仲见两三档，中山四差吾多转仓边路就有间集体经济的面铺系传统大地鱼褒汤底的云吞面，开左十几年，当时有机会就去食，旧仓巷口果时亦有一间竹竿压面的，不过呢间云吞就冬菇馅多。到95年两间档都因为地铁人流减小，做吾落去。

sunnygod

中山四果间人多到食完即刻被人逼出来，有几次走左单添。

sunnygod

94年开始中山四很多路段都用红绿蓝或木板砌墙挡住晒，点做生意，一直到03年先有起色。

外外星人

原帖由 tea 於 2008-6-12 13:50 發表 「  我阿妈个女话钟意饮西茶   」？？？？你阿妈个女，咪系你嗰妹，或姐啰，做乜讲「我妈个女」？幽一下默。

 

我而家重知道，佢钟意食寿司

 

啊，茶妹你钟意食咩点心呀？

嶺南散人

宜家的點心好多都系偷工減料

殺人王

原帖由 顺德水蛇粥 於 2008-6-12 01:54 PM 發表 「應記」喺佛山大行其道，对佛山云吞面嘅基本素质有保证，点差都唔会差得去边，稍嫌不足嘅就系缺少精品。顺口问声，唔知佛山有边间港式茶餐厅有好出品呢？ ...

我對香港嘅茶餐廳文化唔好了解，心入邊好難定義乜係好嘅「港式」。

人民路嘅「大家樂」算唔算？

又或者體育路有幾間情調好嘅「冰室」算唔算？

李四

早期香港茶餐廳同冰室係唔同，依家都冇幾家傳統冰室。不過唔知香港冰室又同唔同梁啟超講嘅冰室呢？