推介一啲咬字正確嘅粵語飲歌

嶺南散人

經過我從大量粵語歌曲（包括粵劇）中逐字審音，發現絕大部分存在嬾音誤讀現象，主要係[n]讀[l]，[ng]變爲零聲母，[a]讀為[aa]等最爲普遍，其中粵劇中的嬾音誤讀比起粵語流行曲有過之而無不及，這種現象令人擔憂。

 

以下是我遴選出來的字字正音的粵語歌曲，其遴選的範圍係詞曲比較優美的「飲歌」，如有我未發現的嬾音誤讀歡迎大家指出，亦歡迎大家繼續添加。

 

粵劇：凤阁恩仇未了情、紫钗恨

 

粵語流行曲（合唱）：神话情话、世间始终你好、我心里但求、相爱很难

 

粵語流行曲（男獨唱）：单车、明年今日、裙下之臣、夕阳无限好、幸福摩天轮、其实我明白你暗示、秦始皇、孔子曰、满江红、加价热潮、梨窝浅笑、滚滚长江东逝水、忘尽心中情、过火、雨霖铃、刀剑若梦、难念的经、爱与诚、不想独自快乐、二人行一日后、好好恋爱、合久必婚、恨绵绵、酷爱、莫再悲、七友

 

粵語流行曲（女獨唱）：化、少女的祈祷、故乡的雨、今晚夜、男儿再不负深情、女人本色、人生如此、如风、三角志、仙乐飘飘处处闻

[ 本帖最後由 嶺南散人 於 2008-6-6 13:01 編輯 ]

samkong

以前粵語流行曲嘅男歌手當中，阿Sam同埋Danny仔嘅咬字算係好清晰，好標準嘅。

葉牛熟儀

原帖由 samkong 於 2008-6-6 17:15 發表 以前粵語流行曲嘅男歌手當中，阿Sam同埋Danny仔嘅咬字算係好清晰，好標準嘅。

 

亞尹光都係......

highyun

平心講句，阿Sam咬字都重未比得上陳百強，張國榮，羅文。不過羅文就係咬字痕得滯，反而聽落有啲唔舒服。

余OK

　　可能有部分歌手唱起歌上嚟確實會嚴格要求自己咬得正啲，但係平時講起嘢就立判高下，例如Sam講嘢嘅粵音韻味濃好多，Danny喺採訪中就聽得出佢係gw→g一族。

Jean

而家日日都聽陳百強嘅歌，發覺佢嘅咬字真係好準！

我諗多聽呢啲歌會有好大嘅幫助。。。。。。

外外星人

原帖由 嶺南散人 於 2008-6-6 13:00 發表 經過我從大量粵語歌曲（包括粵劇）中逐字審音，發現絕大部分存在嬾音誤讀現象，主要係[n]讀[l]，[ng]變爲零聲母，[a]讀為[aa]等最爲普遍，其中粵劇中的嬾音誤讀比起粵語流行曲有過之而無不及，這種現象令人擔憂。   以下是我遴 ...

 

畀埋条LINK就更加好嘞！

外外星人

原帖由 Jean 於 2008-6-6 22:38 發表 而家日日都聽陳百強嘅歌，發覺佢嘅咬字真係好準！我諗多聽呢啲歌會有好大嘅幫助。。。。。。

 

听下电台都好咖，特别系香港电台~

Jean

原帖由 外外星人 於 2008-6-6 23:53 發表   听下电台都好咖，特别系香港电台~

我知~~~~~

你第一次打電話過嚟時就親自示範過架嘛！同香港電台做埋廣告添~~~~

不過~~~~唔記得咗你嗰陣係主持緊邊一台？第一台？定第二台？

嶺南散人

原帖由 外外星人 於 2008-6-6 23:52 發表   畀埋条LINK就更加好嘞！

都喺我電腦裡面，其實上網搵都好容易啫。

samkong

原帖由 葉牛熟儀 於 2008-6-6 21:04 發表   亞尹光都係......

對，尹光嘅咬字都好準。