Samkong填词作品《情路》

继续微笑

作曲：陳大力、陳秀男
作詞：Samkong

 主唱：继续微笑、fslily

 

歌词：

 

（男）重重雾散去  棕榈叶垂

（女）房檐下细唱  音韵似水

（男）相约赴小岛

（女）芳心暗许

（合）我俩痴痴共对

（女）祈望你的真心加关爱不改变

（男）惟求伴你今生 欢欣永久畅聚

（合）无论遇到几番 急风雨都坚守不退

      天边海角间  杯中酒正举  啊…

（女）情路纵使崎岖  不必怕多壁垒

（男）情路就算艰辛  总跟你双结队

（合）从前为你编写 心深处的千亿诗句

      心底紧记取  拥抱醉梦里

      珍惜恩爱好伴侣

     

（男）年年复岁岁  朝晚伴随

（女）蝉鸣互诉说  未言疲累

（男）走过万里远

（女）穿梭废堆

（合）爱意增添乐趣

（女）祈望你的真心加关爱不改变

（男）惟求伴你今生欢欣永久畅聚

（合）无论遇到几番 急风雨都坚守不退

      天边海角间  杯中酒正举  啊…

       情路纵使崎岖  不必怕多壁垒

        情路就算艰辛  总跟你双结队

      从前为你编写心深处的千亿诗句

           心底紧记取  拥抱醉梦里

           珍惜恩爱好伴侣

          心底紧记取  拥抱醉梦里

           珍惜恩爱好伴侣

 

創作意念：粵語歌作品《情路》改編自林子祥、葉倩文演唱的、膾炙人口的經典國語合唱歌曲《選擇》，作者力求在創作中，保持與原曲表達內容的一致性，描述一對戀愛中的情侶相愛相依、互訴心聲、情比金堅的故事。                                                                    -----Samkong

 

[ 本帖最後由 继续微笑 於 2008-6-4 22:28 編輯 ]

外外星人

无论遇到几番 急风雨都坚守不退

天边海角间  杯中酒正举

——成个意境好似转得急咗啲（纯粹感觉，未推敲过）

samkong

好多謝華聲兄與LILY嘅深情演繹！THANK YOU VREY MUCH！

samkong

原帖由 外外星人 於 2008-6-5 01:07 發表 无论遇到几番 急风雨都坚守不退天边海角间  杯中酒正举 ——成个意境好似转得急咗啲（纯粹感觉，未推敲过）

食嘢食味道，睇戲睇成套。
「相約赴小島」已經介紹咗以下男女兩主角山盟海誓所處嘅環境（天邊海角）埋下伏筆，「...祈望你的真心加關愛不改變，惟求伴你今生歡欣永久暢聚，無論遇到幾番急風雨都堅守不退」呢啲愛嘅承諾，都係喺某小島上嘅「天邊海角」作出嘅，然後相互舉杯誓願。

前后意思一直連貫，唔存在「急轉彎」。

外外星人

原帖由 samkong 於 2008-6-5 01:30 發表 食嘢食味道，睇戲睇成套。「相約赴小島」已經介紹咗以下男女兩主角山盟海誓所處嘅環境（天邊海角）埋下伏筆，「...祈望你的真心加關愛不改變，惟求伴你今生歡欣永久暢聚，無論遇到幾番急風雨都堅守不退」呢啲愛嘅承諾，都係喺某 ...

 

噉又系~

不过，歌词唔讲推理而讲意境，第一感觉，一时间好难改变~

samkong

音樂與藝術作品，注重於一種激情，一種沖動，唔同於其他學術，感性始終大大重於推理，只要唔出現常識性錯誤，就已經OK。
以前曾經同好幾位音樂學院創作專業嘅老師閑聊過類似問題，記得佢哋曾經一致提出過一個好有趣嘅問題：搞音樂、美術嘅藝術家，身上都普遍有一種「藝術傻」氣質，所謂「藝術傻」，就係創作與表演中無固顶規則及摻雜過多循規蹈矩嘅理性化元素，就憑天賦與直覺，沖動與激情，往往於不經意中創造能夠滲入欣賞者脾肺嘅作品~~ [ 本帖最後由 samkong 於 2008-6-5 02:15 編輯 ]

外外星人

完全同意。你可以发现，其实以前啲古诗，部分都冇乜逻辑，反而被世人喜爱；现代嘅林敏聪，可以有「陨石旁的天际」同埋「香肠、蚊帐、机关枪」...

楚申读

samkong兄填写的是情景交融，用翻原词的味道，大团圆结局，我主要以个人感受来填，是遗憾结局。

Jean

嘩！一悲一喜，都係高手！！ 各有千秋~~~~~~~~~~~

辛苦晒微笑同LILY啦~~~~多謝你哋嘅精彩演藝~！

 

 

highyun

等咗兩個月，終於有人唱。如果配返個70年代feel嘅花前月下加沙灘嬉戲追逐MV，就更啱feel。

继续微笑

多谢噉多老友支持！特别多谢samkong嘅填词。对于作词，我就唔係好懂，纵观好多著名填词人，佢哋作词都係讲即兴而作。记得卢冠廷喺《志云饭局》讲过，佢有日坐车经过一条好烂嘅路，灵感一现，就作咗一首《泥路上》。