|
2月1日係张倩瑩嘅生日,佢沖著鏡頭做咗個勝利嘅手勢,然而信心最終沒能幫佢戰勝死神。
佢希望「無論如何，點都唔可以比媽媽先走」却仍然冇得到命運嘅恩準。
5歲喪父，12歲獨立生活、17歲得咗「再生障礙性貧血症」，啱過完18歲生日唔足兩個月，張倩瑩離開咗呢個佢曾經努力却捉唔住嘅世界。
廣州市貿易職業高級中學原三年級學生張倩瑩，僅18年嘅生命旅程中，經歷生活嘅「非難」，生命嘅考驗，但留畀同學朋友嘅記憶裡，却衹有佢堅強、樂觀嘅身影，而喺屋企人同親戚眼中，佢係獨立、生性嘅孩子。
12歲就開始獨立生活
張倩瑩係由媽媽一手湊大嘅。
1990年大年初六，張倩瑩出生喺海珠一戶工人家庭。5歲嗰年，喺一場車禍中，張倩瑩失去咗爸爸。此後，佢同媽媽逼喺基立新村一間17平方米嘅小屋裡面，靠媽媽喺紡織研究所車紗嘅四五百文工資同埋300幾文救濟金度日。張姨陳春媚講，每次同個女行商場，衹逛大米、油、衛生紙嗰個區。偶爾經過買衫褲、鞋、精品嘅櫃檯，個女就淨係睇睇，唔買。
2001年至2005年，張姨被調到花都赤坭嘅三棉廠做出紗記錄員，三班倒，每隔四日先返屋企一次。張姨講，每次返屋企嘅時候，倩瑩都喺學校，母女倆個經常好耐先可以見一面。每次匆匆停留嘅兩三個鐘頭裡，張姨會買返夠個女食幾日嘅瓜菜、再煲一镬夠飲幾餐嘅湯。此外，屋裡至多嘅食物，係面包同公仔面。但喺張姨嘅記憶中，搵唔到一絲倩瑩詐嬌、訴苦嘅痕跡。當時，倩瑩先12歲。
媽媽衹有佢8歲前嘅照片
過早獨立嘅生活，讓張倩瑩習慣收藏心事。
翻埋成個屋企，張姨可以搵到嘅衹有倩瑩8歲前嘅生活照。「我冇照顧好佢。」張姨好後悔，記憶裡，張姨衹記得倩瑩至愛惜佢嗰一頭長髮。
張倩瑩每日早上起身後嘅第一件事，就係將直髮器插上電源。刷牙洗面後，使七八分鐘將蓬鬆嘅頭髮拉到又掂又順。
但喺同學眼中，張倩瑩愛用手機玩自拍。喺倩瑩嘅網絡相冊入邊，558張相就有227張個人照。「佢鐘意笑鐘意玩。」好友阿銀話，活潑開朗嘅倩瑩同班入邊嘅同學關係好好，從嚟冇見過邊個同佢嗌霎。但大家卻係喺倩瑩嘅病歷上邊，先發現倩瑩嘅成長道路如此「唔同」。
「好有谂頭」係張倩瑩留畀同學嘅另一個印象。職中嘅同學小馮話，倩瑩打算畢業後開一間服裝店，賺錢改善屋企嘅生活，「佢話要等媽媽過上好日子。
愛，令佢不舍離去
2007年10月31日，張倩瑩被廣州紅十字會醫院確趁為「再生障礙性貧血」，兼且病情有向「重型再生障礙性貧血」嘅發展趨勢。廣州市第一人民醫院嘅醫生話，至有效嘅治療方法係骨髓移植。
至愛嘅長頭髮被剃成一寸短，手臂上被吉到再都無法搵到吉針嘅埞，頸、大髀上邊長期裂開嘅針眼……，治療帶嚟身體上嘅痛苦，倩瑩以笑容面對;但所需嘅30幾萬巨額費用，卻讓倩瑩一度想劝媽媽放手，「反正人出世就衹能往死亡嘅方向走，衹係有啲人早，有啲人遲而已。」倩瑩以此劝慰媽媽。
喺社會各界熱心人士嘅幫助下，2月29日，倩瑩卒之籌到進行造血干細胞移植嘅首批手術費。3月7日，做完手術後一直呆喺隔離病房嘅倩瑩對前來探望嘅阿銀講「無論如何，點都唔可以比媽媽先走。」
留低無法兌現嘅諾言，3月14日早上7點左右，倩瑩鬆開咗媽媽嘅手。病床前，倩瑩昏迷前叫媽媽買嚟嘅一瓶酸奶，重未嚟得切打開。
原文係2008年5月13日南方都市報A52版<18歲張倩瑩 在花季凋零> | 
發表於 2008-5-27 17:23:15
