子華金句~~~

包包包包吖

（一）

 

唔好搞错喔，唔因为你中意小龙女就等于你係杨过噶啵，如果你中意只神雕，咁你本身就有好大机会係只飞禽，我唔係杨过，我只係个普通人啫，你有乜可能叫我相信，呢个世界咁大咁多人，只有另外一个女人啱我？我就讲香港，我保守D估计香港有二百万个女人，二百万个女人里面得一个啱我？如果市面上有二百万种洗头水，得一只啱我噶啫，除非我个头生蕃薯啊！咁就算生蕃薯你咪揾肥田料嚟到洗头咯，市面上都好多肥田料架，我唔係杨过，我随便一只洗头水都啱噶嘞，我又再保守D估计，二百万个女人里面，我要一个percent（百分比），都有二万个女人啱我啊，呢度都载唔晒，哼你都咪话，我点解咁难中意人啊咁而家，喂有二万个，个个都係啱我噶，个个都咁上下好，又冇乜边个特别差喇，好喇咁而家，当我中意你先算啊，我中意你就唔係因为我爱你，咩我同你有缘果D啵，而係我唔理其他果D一切一切啊，我就用我嘅意志嚟到决定就係你喇，就係咁，咁但係D女人唔会明架，D女人就会：「咩啊？咩决定，你讲多次……」你睇吓而家，全场都咁多同你一样咁好嘅人啊，OK，咁但係我就唔要其他D啊嘛，我就，我就用我意志，就谷住就……你！其他D就……就係你喇！係决定控制自己，係你！啊女仔就会：「你决定……你中意人咪应该好自然架，咩决定？咩意志？……哦……你即係话你自己逼你自己中意我啊？！你以为你自己係咩啊，出边不知几多人等住我，我一定要你……」咪係咯？你都唔一定要我架，你都係拣咗我啫嘛，一个选择嚟喳，啊次次我都唔识点讲，总之咧，如果你畀二万个小龙女拣啊，畀啊杨过拣，我就好深信啊，啊杨过就情愿拣啊洪七公就算啊，好难拣啊，所以有人问啊，「问世间情是何物」啊各位，我真係唔识得答……

外外星人

噉我咪有好多人啱我？

cingsan

有！實有…之但係你唔啱人…嘿嘿

悲伤玩偶

我觉得最经典最型果句：「翻去吾该讲声比日本知，钓鱼台是中国噶！」

葉牛熟儀

原帖由 悲伤玩偶 於 2008-5-30 16:36 發表 我觉得最经典最型果句：「翻去吾该讲声比日本知，钓鱼台是中国噶！」

 

依句嘢唔應該問日本,應該反問番大陸班高官..

tendy

我都钟意睇《男亲女爱》，真系经典，好钟意阿乐

包包包包

原帖由 外外星人 於 2008-5-24 00:06 發表 噉我咪有好多人啱我？

 

0係啊， 除非你個頭生番薯啦~~

包包包包

原帖由 悲伤玩偶 於 2008-5-30 16:36 發表 我觉得最经典最型果句：「翻去吾该讲声比日本知，钓鱼台是中国噶！」

 

保釣行動~~~

包包包包

原帖由 葉牛熟儀 於 2008-5-30 18:50 發表   依句嘢唔應該問日本,應該反問番大陸班高官..

 

 

你個頭像都好型下~

[ 本帖最後由 包包包包 於 2008-7-13 00:40 編輯 ]

包包包包

原帖由 tendy 於 2008-6-25 13:24 發表 我都钟意睇《男亲女爱》，真系经典，好钟意阿乐

 

 

《男亲女爱》播果陣沒麼點睇， 中意《棟篤神探》~

 

 

外外星人

原帖由 包包包包 於 2008-7-13 00:36 發表   0係啊， 除非你個頭生番薯啦~~

 

查实我希望生番薯，至少可以悭返啲伙食。

cingsan

生包咪重好……

包包包包

原帖由 外外星人 於 2008-7-13 07:28 發表   查实我希望生番薯，至少可以悭返啲伙食。

 

番薯粥？

包包包包

原帖由 cingsan 於 2008-7-13 08:53 發表 生包咪重好……

 

生蝦餃燒賣好D~~~~

包包包包

原帖由 外外星人 於 2008-5-24 00:06 發表 噉我咪有好多人啱我？

 

其實你可以拣啊洪七公0葛~~~~

 

唔使諗~~~唔使煩~~~

包包包包

陸續有來~~~

 

愛情

 

 

白雪公主,幾甘純潔無瑕.
 
但係諗真o的,白雪公主,識得o個個係王子,灰姑娘識o個個又係王子;
 
有個有特殊嚐好,鐘意錫青蛙o既女人錫o左隻青蛙一啖,隻青蛙變出黎o既又係王子!
 
有冇人諗過根本個王子係同個人呢?
 
根本呢個王子都不知幾花心,周圍溝女.
 
仲無良到扮青蛙去溝添!

 

 

包包包包

 

 

情竇未開          
        

我第一次戀愛之前，我認為自己就係楊過，  
而我同書里面個楊過唯一唔同的地方、就係佢有隻大鵰。
 
而我0個陣、就鐘意撚呢個相思多D。  
同楊過一樣，我從來冇諗過要考第一。  
我只需要愛情，只要搵到我0既小龍女，  
我就可以拋棄學業，退隱山林，搬入新界住。  
但係我一定要住西班牙別墅，我唔住得村屋，我怕蛇蟲鼠蟻。 
然後每個月至多出一次市區，不過我唔會逗留得耐，問亞媽囉完零用錢我就會番番入去。
 
冇錯，基本上、我由中一至中五都係0係呢種咁超然0既思想下度過。
當時學校最流行的辯論題目係：中學生應否談戀愛？
我認為，我地應該辯論0既係『中學生應否讀書？』
 
而0係我第一次戀愛之前，我0既小龍女只需要一個條件，就係靚，我知道我咁諗你好幼稚，但當時我年紀小，唔知道原來身裁都好重要。

cingsan

做得到楊過，但就唔見小龍女

包包包包

原帖由 cingsan 於 2008-7-13 19:49 發表 做得到楊過，但就唔見小龍女

 

 

cingsan

衹可惜妳係小龍包……