【讨论】想维持粤语文化，广东人自己先要进化

adadad

老实讲，我从呢个论坛体出，部分人过于守旧，坚持用纯正既广东话，而且仲反对「捞佬」学白话，其实咁样好傻。广东话越少人学，就越少人讲，当你好需要同人沟通既时候，对方静系识得讲普通话，你都无奈要跟著讲啦。
唔知道大家有无对广东话有危机感，但系我就好担心，我系深圳住左咁多年，眼白白体住D细路仔个个讲白话，变到个个都静系识得普通话，实在好痛心，好地地一个广东省城市，全市大部分人都系度讲普通话，搞到我地D广东人好似外地人咁。最麻烦既系，有部分人本身都系广东人，结果D细路仔全部都静系识得普通话，我都好担心我个仔出世之后学唔到广东话（我老婆系捞婆，无计）。
要发扬广东话，最好既方法就系多出一D优秀既粤语流行歌曲、电影、电视剧，全国大部分捞佬，都识得「上海滩主题曲」、Beyond既歌例如「海阔天空」、疯狂石头里面「顶你个肺」、周星驰电影「我走先」，如果仲无D新野来顶住，迟早被捞仔同化，以后就真系无人识得讲广东话啦。

外外星人

欢迎楼主咁热心，之不过，你都进化得好紧要，而家都未必知道自己错咗喺边度。多啲嚟粤协，学晓用母语表达至为关键。

卢总

你呢篇嘢唔记得喺边处见过，我想讲嘅系：解放下自己啲思想再讲啦！

柳寻风

 

[ 本帖最後由 柳寻风 於 2008-5-18 06:58 編輯 ]

柳寻风

原帖由 adadad 於 2008-5-16 23:11 發表 老实讲，我从呢个论坛体出，部分人过于守旧，坚持用纯正既广东话，而且仲反对「捞佬」学白话，其实咁样好傻。广东话越少人学，就越少人讲，当你好需要同人沟通既时候，对方静系识得讲普通话，你都无奈要跟著讲啦。唔知道大家有无对广东 ...

 

楼主对粤文化嘅维持都好热心，不过，除咗你之外，都重有好多热心人----例如呢个BBS嘅建立，就系一D热心人付出咗好多嘅努力，如果无佢地，楼主都无可能有机会响处UP野，所以，見到樓主系個熱心人，我作為一個普通粵協會員，我感到好高興，同時，亦都好欢迎楼主攞出實際行動，為粵文化有錢出錢、有力出力，多少唔區，一個人嘅能力有大有細，只要盡咗自己嘅努力，就問心無愧。

 

只要大家齊心協力，我覺得「維持粵文化」呢個命題，就絕對唔會空洞。謝謝樓主。

 

 

 

 

柳寻风

http://bbs.cantonese.asia/viewthread.php?tid=7317&extra=page%3D1

 

 

cingsan

你都係搞掂你老婆先喇……如果唔係你啲仔女實撈…

柳寻风

原帖由 cingsan 於 2008-5-18 10:34 發表 你都係搞掂你老婆先喇……如果唔係你啲仔女實撈…

系搞掂佢自己先呀！

Lucciora

帖主嘅思想方嚮正確，希望帖主可以有可以更加有執行力，影響自己嘅身邊人做起

羊城惜花人

原帖由 Lucciora 於 2008-5-19 17:27 發表 帖主嘅思想方嚮正確，希望帖主可以有可以更加有執行力，影響自己嘅身邊人做起

 

方向~

卢总

到底系边个唔开化？

广东人再进化落去，睇怕岭北人会落后一千几百年噃！

adadad

不进则退，国家大力推广普通话，对我地既后代影响好深，我地吾进化，就只能够等住被同化，与其被同化，不如先同化D捞仔仲好啦。

 

我宜家既成绩系，我老婆基本上识听广东话，识得讲几句广东话啦，关键系深圳呢个咁多捞仔既城市，实在吾容易啊

[ 本帖最後由 adadad 於 2008-6-16 16:48 編輯 ]

外外星人

原帖由 adadad 於 2008-6-16 16:46 發表 不进则退，国家大力推广普通话，对我地既后代影响好深，我地吾进化，就只能够等住被同化，与其被同化，不如先同化D捞仔仲好啦。

 

同化唔单止语言，重要系思想同化，若果畀捞思维同化，你就苦过DeeDee喇！反之，你想同化捞人，就要有噉嘅环境，佢哋自细接受捞思维浸淫，你估会唔会咁容易畀你同化呢？

可能

娶件捞婆第日生出来嘅仔女好易变捞仔捞妹，所以我简老婆绝对唔简捞婆，应该系唔简唔识讲粤语嘅捞婆妈

锈剑

其实我觉得楼主讲得好有道理。粤文化被侵蚀系不争之事实。加强影响力同包容性，先有生命力

xiss

贊成樓主。
粵語唔係死嘅，相反，粵人係一個開放善於吸納外部事物嘅民族，所以粵語具有粵人嘅呢種特徵，善於吸收一尐其它語言嘅詞彙過嚟，並且適當淘汰一尐過於陳舊嘅詞彙，正正講明咗粵語生命力嘅頑強，亦都係粵語保持旺盛生命力嘅關鍵所在。例如香港方面就從英文吸收咗唔少詞彙，使得粵語變成一種既保留咗古老嘅入聲，又具有超強潮流元素嘅語言，古今通殺，正正係粵語嘅魅力所在。所以，粵語一尐詞彙嘅變化，或者年輕一輩講嘅粵語同老一輩有所不同，大家無需大驚少怪，只要年輕一代知道把握住「以我爲主」呢個原則即可。請各位粵語前輩畀尐信心年輕一代，唔好以爲佢哋個個都係迷失自我嘅人，我見過咁多廣州潮人，冇邊幾個係鍾意普通話多過粵語嘅。廣州人去「蒲」唱K嘅標準語言就係「廣州話」，講「普通話」甚至會為自己嘅形象帶嚟「負面影響」，呢尐就係因爲粵語不斷吸納新詞彙，始終緊跟潮流，而普通話則由於時時都有標準介入，顯得過於死板，使到普通話始終融入唔到潮流。

所以，粵語之所以有魅力過普通話，歸根到底就係因爲粵語嘅「生猛」，唔似得普通話成日都死氣沉沉。但係如果我哋時時都以舊時嘅粵語用詞為標準，將粵語出現嘅新詞彙睇成係異類，只會令到粵語最終失去佢嘅魅力。因爲，粵語嘅魅力唔單止亦都唔會同留喺上世紀嘅詞彙之上，粵語嘅魅力亦都唔係上世紀嘅粵語詞彙就能夠維繫住嘅。要保持粵語嘅魅力，就要等粵語始終保持吸納新詞彙，淘汰過時詞彙嘅新陳代謝。所以，我哋喺為粵語搞「標準化」嘅時候，亦都要注意唔好矯枉過正。

penkyamp

其实深圳好多捞仔系好想认同广东嘅.
呢啲人系"新广东人", 应该欢迎佢哋入我哋嘅大家庭.

佢哋连似样嘅广东话课本都无, 你又点能够怪人哋抗拒我哋嘅本地话呢?

所以必须大量出版呢啲新广东人喜闻乐道嘅题材嘅广东话口语学习课本, 而且必须一边用粤字, 另一边用广东话拼音, 等佢哋知道, 本书入边啲字, 唔系用普通话发音嘅, 系用广东话.

听我讲啦无错嘅:
推广广东话拼音, 系广东话现代化, 同推广广东话嘅第一步!
[ 本帖最後由 penkyamp 於 2008-8-3 15:08 編輯 ]

xiss

贊同樓上，要想外地人接納粵語，等粵語嘅影響力增大，就係要等外地人只要有心學粵語，就有機會畀佢哋學到，唔好等佢哋覺得粵語「高不可攀」，然後「望而卻步」，最後「吃不到的葡萄是酸的」，反感粵語。而推廣一套科學嘅粵語拼音的確好有必要。