京奧係不和諧現象

羊城惜花人

    初時聽聞「和諧社會」之說，余嘗言：「CCP提出咁多嘢，係呢個和諧社會最好，最實際。」但好快我就後悔，想收返呢句話，因為我發現我所理解嘅「和諧」同佢哋所講嘅「和諧」係完全唔同嘅兩碼事。
    佢哋嘅和諧係點嘅呢？就好似我哋細個嗰陣成日將老師比作園丁，殊不知園丁所做嘅事係見到邊支花凸咗出嚟，就剪齊佢，因為佢唔夠和諧。簡單啲嚟講，即係大家清一色，全部紅花，冇其他顏色，噉就夠晒和諧嘞。
    而我所理解嘅「和諧」就啱好與之相返，和者，左邊一把禾右邊一個口，人人有飯開就係和；諧者，左邊一個言右邊一個皆，即係話大家都有發言權，噉就係諧。
    至於點解話今次京奧唔和諧呢，首先講吓個「和」字，眾所周知，CP國家向來「冇錢開飯，有錢叫雞」（例如「朝核」，不過佢哋稱之為「集中力量辦大事」，然而佢哋忽略咗一點——民生無小事）今次亦都唔例外。中國幾多貧困山區啲細路食都冇得食，夠年紀又冇書讀。國家如果有咁多錢嘅話，點解唔攞去扶貧，而搞啲咁勞民傷財嘅嘢。有人話奧運會帶嚟好多商機，但係你睇吓中國政府噉揼本法，淨係傳把火都要上山落海，有冇可能賺得返嚟呢？中國冇錢開飯嘅人多的是，但政府唔單止有錢叫雞，直情起埋成間「雞竇」添啦，呢啲叫咩「和」啊~
    講到「諧」囉喎，更加唔使講啦，到處遊行示威嘅人都係為中國嘅人權問題，我曾經一度認為中國今日嘅人權比起以往好咗好多，但經過今次，真係令我徹底改觀。唔容得異見人仕，連最起碼嘅言論自由都冇，有咩「諧」可言啊~
    再講，呢鑊北京奧運真係搞到天怒人怨。一開年一場雪災降吓溫先，跟著竹樹開花畀啲顏色你哋睇吓，之後啲流行病通街走，再之後被認為係最安全嘅火車都撞埋一齊，到琴日一場地震，「性火」又去少一個地方嘞。講開「性火」同災難，唔知大家知唔知，香港傳火當日早上西貢發生咗單大車禍，之後點，唔使我講啦，得嗰啲唔怕死嘅報紙敢講。
    重有一啲數字上嘅巧合非常有意思，香港傳火第六十四棒施幸余企喺龍舟上傳火，一上岸，支火炬就耗盡燃料熄咗。啲藍衫護法，即刻幫佢換過支。有有心人發然如果按名嘅英文字母排序喺120個火炬手中，施幸余係排到第八十九號，8964熄火~認真有意思。更有意思嘅係，北京奧運係喺08年8月8日8點開幕，而琴日則係距呢日88日嘅日子，咁好意頭嘅一日發生啲噉嘅事，點解釋呢？

外外星人

一个男人要rape一个女人，话，你有绝对自由，一系用雨褛，一系唔用，于是乎，女人选择用雨褛，跟住畀男人禾鞋咗。

cingsan

國庫虧空得未？？

gboss

你講到啲園丁好似牛雜佬噉，哈哈。唔要咁長，剪咗佢，咤咤咤！

ray-fu

写得好好啊，正啊！！哈哈

葉牛熟儀

近排呱咗咁多人,唔知嗰班「革命群眾」重會唔會走出嚟撐性火呢?