|
我顶佢个肺，检查嘅人终于到我哋嗰度，检查就检查啦，嚟嗰啲人都唔知系乜鬼素质嘅，肯定系坐机关唔使做网点业务嘅，重要系目中冇人兼冇礼貌。
神早嚟到，我哋老顶同佢哋打招呼：‘你好，你哋嚟检查啦？’。跟住件件都冇表情兼唔睬人。我哋头一睇系啲噉嘅人，决定唔自己去招呼佢哋，叫我哋个坐班去。因为在情在理都应该系坐班去应酬佢哋，因为系内控检查嘛~~~坐班又同佢哋打招呼，一样系噉样唔睬人，哗~~~都唔知系乜叉嘢支行嘅机关领导，一啲礼貌都冇。 然后中午时，我哋坐班根本都费Q事同佢哋食饭，滴阿头同佢哋食饭~~~噉带人来检查嘅就一定系我哋自己机关嘅人，嗰个同事就好好人，兼好好命嘅。我哋个个都好钟意佢。啱噉佢喺我哋单位做过嘢，同我哋又熟，佢家阵有咗BB，重要系打孖上，我哋个个都戥佢开心~~~我哋阿头本来就唔想同检查嘅人讲嘢，噉就一定系同佢拉下家常~~于是就讲：你真系好命啦，未嫁时中到大奖得部车，嫁咗又可以陀到孖胎~~~点知，检查嘅人当中有件死女人，就系一到我哋单位就黑口黑面个件，就讲：‘有啲嘢唔系噉讲嘎~~~’跟住就噏咗好多好唔好老嚟嘅嘢~~~哗，咦种死女人，正牌一副憎人富贵厌人穷嘅死样~~~听讲佢系某上级单位个人部老总个老婆~~顶~~~睇到咦种噉样嘅女人，即使自己系身为女性，都同赞成佢老公包二奶~~~哗~~噉嘅女人，对住佢，乜嘢欲望都冇啦：块面重黑过黑面神，讲啲嘢又刻薄，啲五官生得难睇唔在讲，重要好似佢讲嗰啲嘢噉刻薄~~唉~~~造物者有时真系好公平~~~
最令我扯火嘅系，佢哋中午居然瞓咗我平时瞓觉嘅地方，其实噉都算啦，一日半日，但佢哋居然重要用我嘅被同枕头，真系可怒也!!!!!一啲家教同卫生习惯都冇!!本来嚟检查嘅就已经系有男有女嘞嘎，要休息用同一间房都冇所谓啦，但系重要用我哋被同枕头，用完之后重唔折翻好。中午我就喺阿头房间瞓，我唔知佢哋听唔听到我讲嘢，我大大声同阿头抱怨，其实就系想畀佢哋听到，我话：有冇搞错啊，连我啲嘢都用，今晚就一定要全部拎翻晒屋企洗啦，都唔知有冇狐臭嘅@@@!!!
恶顶咗一日之后，好彩落班时，家姐同姐夫要送部折叠式嘅单车畀我兼送我翻屋企，条气不知顺翻几多啊~~~ | 
發表於 2008-5-12 21:34:55
發表於 2008-5-12 21:54:28
