增設《供求資訊》欄目，希望畀到大家實質性嘅幫助

芬1012

大家為粵語協會做咗好多嘢，粵語協會亦都想為大家做番啲實際嘅嘢，所以就決定增設呢個《供求資訊》欄目嘞。

 

嶺南人有一個好主要嘅特點，就係鍾意「搵食」，學黃生話齋：「搵食啫...」。不過，有時一個人搵食又真係唔一定搵到食嗰啵，反正大家都係有心人，點解唔試下一齊搵食呢。或者你幫下我、我幫下你，效果會好啲呢。而且「有心人」嘅意義係唔一樣嘅。

 

而家世界上有幾十億個網站，乜嘢網站唔好上，點解無端端上咗呢個網站嘅呢？係唔係難過中「六仔」呢？其實係我哋啲祖先喺今時今日用咗一啲見唔到嘅線將我哋拉埋一齊嘅，所以我哋會有一種比老友記重要老友記嘅感覺嘅。我哋有好嘢嘅時候，會第一時間諗到老友記，當然，亦都肯定唔會揾老友記老襯咖啦，係唔係噉講啊（呢個其實就係呢個欄目嘅基本規則）。

 

總之，希望Jyut人之間喺現實社會多啲溝通，互相扶助，一齊發展，搵多啲米啦。

 

噉，大家喺呢個欄目可以做啲乜呢，大致就係以下呢啲嘢啦：

 

各行各業嘅供求資訊

 

個人嘅（合法）交易，二手市場

 

請人招工、搵人幫手、自我推薦

 

唔識就問（希望有問必答啦）

 

工作心得

 

呢個欄目嘅規矩：

 

1、內容要真實、合法。

 

2、原則上唔畀同任何品牌做實名嘅廣告，如果真係想噉樣做嘅話，最好同粵語協會打聲招呼先啦。

 

3、為咗表示對人哋嘅尊重，唔好喺人哋嘅主題下便加入自己嘅而又同人哋嘅主題相同嘅供求信息。自己另外開一個主題就冇問題嘞。

[ 本帖最後由 芬1012 於 2008-5-12 23:26 編輯 ]

余OK

　　點解個標題用咗殘體字而正文又用返正體字呢？

卢总

要讲清楚系边位「黄生」先得嘎！

另外，嗰个「嗟」字本身有意思，不宜作为结尾嘅语气助词。