广州人请进来

柳寻风

     我有朋友打算出一本广州话字典,急切需要广州市本地话同粤文字有一定水平、读过八股文的老人家帮忙，请大家帮忙留意身边有没有这类老人家，如有，请与在下联系。

 

 

      谢谢。

卢总

边个同我有一样咁伟大嘅理想啊？

卢总

其实唔一定要读过八股文嘅。

呢啲同道中人应该同我哋多联络嘛！

柳寻风

Maybe你都识佢

 

不过费事爆芝麻。

卢总

唔爆芝麻可以爆花生，一系肥仔米又得！

好在唔系大水冲到龙王庙！

外外星人

原帖由 柳寻风 於 2008-5-5 07:43 發表      我有朋友打算出一本广州话字典,急切需要广州市本地话同粤文字有一定水平、读过八股文的老人家帮忙，请大家帮忙留意身边有没有这类老人家，如有，请与在下联系。         ...

 

我屋企老人家大把，要睇下你请唔请得到佢出山先得。

柳寻风

顶，要咩条件勿开咯，使唔使三跪九叩呀？

柳寻风

原帖由 外外星人 於 2008-5-5 13:25 發表   我屋企老人家大把，要睇下你请唔请得到佢出山先得。

唔系想开老人院呀，系要求读过八股文果D老人家呀。。

外外星人

 

讲得出梗系有料啦！

 

不过，人已经好老啰！如果再唔抢救呢啲文化遗产，睇怕第日就喊都冇眼泪。

卢总

最起码你而家喊都重有眼泪吖！

卢总

原帖由 柳寻风 於 2008-5-5 01:32 PM 發表 唔系想开老人院呀，系要求读过八股文果D老人家呀。。

读过八股文嗰啲老人家会唔会思想僵化呢？以前啲八股文系用咩音嘅呢？

如果单系要读过八股文嘅老人家，会唔会缩窄咗范围，绑死自己呢？

嗰啲生活喺市井嘅小人物唔通就唔识讲嘢？佢哋嘅发音就唔啱唔准？

卢总

原帖由 外外星人 於 2008-5-5 01:45 PM 發表   讲得出梗系有料啦！   不过，人已经好老啰！如果再唔抢救呢啲文化遗产，睇怕第日就喊都冇眼泪。

点解你一早唔提交抢救议案？要等人哋讲开你先讲？

外外星人

我谂佢讲得出，实会有原因。

 

读过卜卜斋、八股文，起码就会识字、识义，会写文章，冇呢啲基础，点出字典啊？

柳寻风

原帖由 外外星人 於 2008-5-5 13:45 發表   讲得出梗系有料啦！   不过，人已经好老啰！如果再唔抢救呢啲文化遗产，睇怕第日就喊都冇眼泪。

 

有就梗系好啦。

外外星人

原帖由 柳寻风 於 2008-5-5 14:08 發表   有就梗系好啦。

 

噉，即系点呀？

柳寻风

即系我有得交差LU~~~剩低嘅系你点样服侍到个老人家长命万岁万岁万万岁咯

 

 

思覺失調

原帖由 柳寻风 於 2008-5-5 15:02 發表 即系我有得交差LU~~~剩低嘅系你点样服侍到个老人家长命万岁万岁万万岁咯    

 

嘩..服侍到個老人家萬歲萬萬歲

 

何止出一本廣州話字典啊？

 

簡直可以出埋 不死傳說.

柳寻风

咁唔系要点讲呀?講「长命百岁」嘅话,人家啱啱九十九见勿大大鑊？

卢总

原帖由 思覺失調 於 2008-5-5 05:44 PM 發表   嘩..服侍到個老人家萬歲萬萬歲   何止出一本廣州話字典啊？   簡直可以出埋 不死傳說.

服侍到人哋嗰个出《不死传说》或者《万岁秘笈》得嘞。

老人家都系出本广州话词典——重要系全世界最大嘅添，大过晒啲百科全书！

卢总

原帖由 柳寻风 於 2008-5-5 06:09 PM 發表 咁唔系要点讲呀?講「长命百岁」嘅话,人家啱啱九十九见勿大大鑊？

啱啱九十九嗰啲即系叫佢「起码再长命多一百岁添！」

ＯＫ？