|
最近，由于「x獨」同埋香港火炬傳遞期間某某人士企圖舉起支「雪糕撕紙旗」但又被「愛國人士」「好意」「勸阻」嘅事件，導致本論壇一時間出現咗較多嘅与敏感話題有關嘅帖子，內容有關註「雪糕撕紙旗」亦有關註香港言論動態嘅。而且內容亦頗有「獨到見解」。
我認為，每個人都有權發表自己對時事熱點嘅睇法，但係，結合國情，過分嘅呢類舉動或者會帶嚟痲煩，如果喺粵語協會裏面發呢類言論，就會為粵語協會帶嚟痲煩（特別係某啲有「刺耳」內容嘅錄音），咁就會影響到我哋以粵協作為基地振興粵語嘅事業（可能有啲誇張）。相信大家都唔想因為其它本可避免嘅原因為粵協甚至粵語帶嚟負面影響。大家應該都唔會忘記年初粵協嘅嗰場「封會風波」，雖然呢次風波係「經濟原因」，但係咁絕對唔代表粵協就唔會因為其它原因而被「封」，而宜家嘅一啲敏感言論就正正喺道增加緊呢個可能性。如果大家唔及早警覺，咁呢種嘢就可能真係會發生。大家應該知道，如果因為「其它原因」而被「封」，咁就絕對唔會好似上次風波咁易搞掂咖啦，而且，上次亦一啲都唔易搞掂。所以，小則為咗粵協，大則為咗我哋大家都為之出心出力嘅粵語事業，希望大家能自覺避免敏感言論。
再次聲明，以上只係我嘅個人立場，係我嘅個人警覺，并唔係嚟自其它地方嘅聲音。
[ 本帖最後由 xiss 於 2008-5-3 18:16 編輯 ] | 
發表於 2008-5-3 18:12:49
。。。。。。