香港~我對你好失望~

羊城惜花人

香港~我對你好失望~

发表于：2008年5月2日 23时57分37秒 

本文链接：http://user.qzone.qq.com/264160563/blog/1209743857

琴日，無無聊聊摷返前幾個星期嘅《頭條新聞》嚟睇，之後又睇咗吓《蘋果日報》，主要係想了解吓香港方面對傳火炬嘅態度。         基本上陳SIR、TVB、鳳凰，啲態度都係一邊倒，真係「同一個世界，同一種聲音」。噉都難怪，一方面，喺呢個問題上講錯一句話都隨時拉人兼封台，另一方面，陳揚係火炬手，無線個經理陳志雲又係火炬手，鳳凰個副台長吳小莉都係火炬手（我都係今日先知佢做咗副台長），所以話乜嘢叫做失實報道呢~「大頭弗」嗰啲算咩啊，佢話佢講嘅係中國正苦，唔係中國人民，中國糞青就話：「我屌你老母，我屌嗰個係你老母啫嘛，唔係你喎，噉我唔需要向你道歉啦~」事實上有幾多個人屌完人老母會道歉嘅呢？         講到離晒題添，話返轉頭，我差啲以為香港人轉晒死性，突然間咁順攤，咁聽話。幾難得，知道香港重有個陳同學，有啲唔同嘅聲音。老毛做嘅嘢我唔係幾贊成，但有時佢講嘅嘢真係想唔贊成都唔得，就好似佢話過「知識越多越反動」，睇返美國留學生王同學，同埋呢個港大哲學系嘅陳同學，都係受過高等教育嘅。有知識，有獨立人格，有獨立思維，自然比啲愚民難統治得多啦。當然亦有好多人讀咁多年書完全係讀屎片嘅，「大頭弗」話嗰班係暴民，呢點唔怪得佢，因為佢唔了解中國國情，查實嗰班只係一班可憐嘅愚民。         講返今日，今日晨七咁早我就開電視關注香港傳遞火炬嘅事，我唔係關心佢咩嘢，只係想知途中到底有冇人搞事噉啫。呢個係考驗香港嘅時候，火炬一路傳落嚟越係自由民主嘅地方越多人遊行示威，只有喺朝鮮、緬甸嗰啲公認專政嘅國家乜事都冇就過咗去。不過，好可惜嘅係 ，由頭睇到落尾，沿途只見四處紅色，橙色連半點影都冇，一路順利得出奇。呢點真係要歸功於香港嘅政府同警方，須知人哋唔係白攞你哋啲納稅人啲錢，人哋真係有做嘢噶~。不過令我更心寒嘅係今次香港政府搞呢場Show嗰啲勞民傷財嘅程度絕對拍得住中國大陸政府，而且有過之而無不及添啊。性火傳遞期間，香港幾條主幹道多次癱瘓，呢點對於生活節奏咁快嘅香港嚟講真係幾係吓咖，另外，據聞火炬經過嘅地方，嗰啲香港特色嘅「萬國旗」全部唔畀掛出嚟，喂~大佬啊，「萬國旗」啫，唔係*山*子旗喎，噉都唔得？形象問題吓話~陶傑講得好，建議特首開放個花園畀啲市民晾衫，噉先係以民為本噶嘛。         唔知點解，講到實牙實齒嘅陳同學最後連影都唔見，不過我知道有人恐嚇佢，有差佬跟蹤佢。從中我哋可以睇到香港所謂嘅自由民主係變成點。不過點都好，最唔明嘅係點解有啲人咁鍾意喐啲就上綱上線話人咩「漢奸」、「賣國賊」，須知唔係人人都有本錢賣國噶，有冇個咩關畀我放人入嚟先，又有冇啲咩條約畀我簽先？再唔係，你畀一文雞我，我賣個國家畀你啊，至怕我賣畀你你都唔要咋。又有啲人，少少政見唔同就問人：「你是不是中國人？」我又想問返你一句，你到底係咪人。連最起碼嘅是非、廉恥之心都冇……

[ 本帖最後由 羊城惜花人 於 2008-5-3 14:10 編輯 ]

羊城惜花人

http://pda.eloklau.com/news/applehk/view_apple.php?issue=20080503&art_id=11062861&sec= http://pda.eloklau.com/news/mingpao/mingview.php?dir=20080503&page=gab1.htm

另附兩條今日新鮮出爐嘅報導

可惜睇唔到啲圖片，唔該邊位搵到嘅發上嚟分享吓~

[ 本帖最後由 羊城惜花人 於 2008-5-3 14:20 編輯 ]

思覺失調

你寫啲嘢好掂啊!

卢总

乜snowmountain同lion喺处都会变成「*山*子」嘅咩？

唉！ 系统问题！畀思覺失調抢先添！

羊城惜花人

原帖由 卢总 於 2008-5-3 14:23 發表 乜snowmountain同lion喺处都会变成「*山*子」嘅咩？ 唉！ 系统问题！畀思覺失調抢先添！

唔係系統問題，係我故意噉寫，為免引起一啲不必要嘅麻煩~

卢总

原帖由 羊城惜花人 於 2008-5-3 02:13 PM 發表 http://pda.eloklau.com/news/applehk/view_apple.php?issue=20080503&art_id=11062861&sec= http://pda.eloklau.com/news/mingpao/mingview.php?dir=20080503&page=gab1.htm 另附兩條今日新鮮出爐嘅報導

可惜睇唔到啲圖片，唔該邊位搵到嘅發上嚟分享吓~

有啲嘢应该要学明珠台下个礼拜嗰部新戏噉——Pushing Daisies ！

羊城惜花人

原帖由 卢总 於 2008-5-3 14:32 發表 有啲嘢应该要学明珠台下个礼拜嗰部新戏噉——Pushing Daisies ！

唔明~解釋吓~

卢总

原帖由 羊城惜花人 於 2008-5-3 02:29 PM 發表 唔係系統問題，係我故意噉寫，為免引起一啲不必要嘅麻煩~

我讲嘅「系统问题」系我头先发表嘅时候遇到系统出错，窗口关闭，发表唔到，结果畀思觉失调爬头。

 

其实想避免麻烦可以讲「雪栅撕子」。

卢总

原帖由 羊城惜花人 於 2008-5-3 02:39 PM 發表 唔明~解釋吓~

套剧叫「点到即止」吖嘛！

思覺失調

我搵到圖片啊~但係發上嚟好似唔係幾好喎.

 

 

 

呢張應該冇問題啩..

[ 本帖最後由 思覺失調 於 2008-5-3 16:08 編輯 ]

卢总

发去我个邮箱唔该！

外外星人

原帖由 思覺失調 於 2008-5-3 15:08 發表 我搵到圖片啊~但係發上嚟好似唔係幾好喎.      

 

我

我要

我要妳

...

 

羊城惜花人

原帖由 思覺失調 於 2008-5-3 15:08 發表 我搵到圖片啊~但係發上嚟好似唔係幾好喎.      

嗱嗱嗱~我話要先嘅~要發嘅話係咪應該我有優先權呢？

 

不過嗰啲係新聞圖片，報紙上嘅嘢，其實發出嚟都冇咩問題啊~

思覺失調

原帖由 羊城惜花人 於 2008-5-3 16:04 發表 嗱嗱嗱~我話要先嘅~要發嘅話係咪應該我有優先權呢？   不過嗰啲係新聞圖片，報紙上嘅嘢，其實發出嚟都冇咩問題啊~

 

發晒畀你喇...

 

 

 

 

 

問花仔攞喇各位.

[ 本帖最後由 思覺失調 於 2008-5-3 16:19 編輯 ]

卢总

唔制！我冇！快啲发畀我唔该！

葉牛熟儀

依個網有得睇......

 

http://www.hkreporter.com/talks/viewthread.php?tid=47051&extra=page%3D2

卢总

香港警方声称带走陈巧文系基于安全理由。

但系点解要用囚车啊？

外外星人

原帖由 思覺失調 於 2008-5-3 16:13 發表   發晒畀你喇...           問花仔攞喇各位.

 

大细超！恨妳！

winkin

原帖由 卢总 於 2008-5-3 16:26 發表 香港警方声称带走陈巧文系基于安全理由。 但系点解要用囚车啊？

好簡單姐，因為「弱智者，是竟成」。

卢总

哈哈哈！好一句「弱智者，是竟成」！