做乜解究成日刪我帖吖？？？

粵嚟粵掂

做乜解究成日刪我帖吖？？？

 

封ID不突止，仲係唔係就刪帖，離譜啲啵！

 

我揀嗰啲都係外國嘅題材嚟啫，又唔涉及中國嘅嘢，根本唔會影響所謂嘅「生存」，妳班友咪一日到黑搞歧視好冇？

 

成日做咁多自我審查，呢度到底仲有幾多思維上嘅「自由」可言呢？

 

好人好者，成日去照B超X光，搞到個壇好似輻射場噉。

Lucciora

你可以中間偏右，但你右得太犀利，我哋已經收到網監投訴，我哋唔可以攞自己嘅地方嚟校飛，見諒

Kathy

粵嚟粵掂 喺國外生活???

 

我覺得你如果為協會好, 就唔應該發表你某啲貼...

 

你如果喺國內, 就更加應該要做一啲對國家同粵語有實質意義嘅事情啦...

 

 

廣州人喺圖盧茲

查實大陸係一個自我審查好犀利嘅地方。再者，粵協根喺大陸，太敏感嘅題材真係要考慮吓先提交囉。粵協嘅言論自由一定要唔可以威脅到粵協嘅生存為前提，唔係嘅話，就冇咩言論自由可以講喇！！

 

你用中文發表敏感題材嘅話，ＣＰ想入你位，話都冇咁易喇！！大陸唔想所有人睇到嘅就係中文。而你偏偏用中文，噉嘅話，我係管理員都封你喇！！

 

將心比心，冇咗粵協，你去其他外江佬話事嘅討論區。你仲邊有言論自由可言，一早就熔咗你喇！！呢啲就係我鍾意去中文討論區（粵協除外）嘅原因喇！

 

同啲外江佬嘈，冇意義！佢哋野蠻，你冇謂同佢哋冇文化喇。同佢哋嘈有失斯文，反正你唔鍾意關於廣東嘅嘢；你就唔好有事嗰陣時，話係大家都係中國人，要我攞錢出嚟幫你。你哋過主喇！！我一個仙都唔會畀你哋。

 

好喇，我都借題發揮咁耐，唔好意思！所以，以後發表題材都係請粵兄你三思啊！！

粵嚟粵掂

 

都係Jake_ct講得冇錯！現時喺大粵，持保守思維嘅人，比起北邊嘅中國仲要多！

 

甚至連遠喺法國圖盧茲嘆緊自由嘅同族仁兄都勸我「以後發表題材都係請粵兄你三思啊！！」

 

妳班友嘅自我審查真係做到出神入化，無與倫比！仲要慌死人唔知，喺每張帖下低都大大隻寫著「網友發帖之言論，純屬個人意見，與本會立場無關」

 

仲有，上邊嗰個Kathy，彈咗句「你如果喺國內，就更加應該要做一啲對國家同粵語有實質意義嘅事情啦」我想問嘅係：乜妳覺得對呢個「國家」有意義嘅同時，會對粵語亦都有相同嘅積極意義咩？？？

 

Kathy

原帖由 粵嚟粵掂IV 於 2008-1-20 21:39 發表   

上邊嗰個Kathy，彈咗句「你如果喺國內，就更加應該要做一啲對國家同粵語有實質意義嘅事情啦」我想問嘅係：乜妳覺得對呢個「國家」有意義嘅同時，會對粵語亦都有相同嘅積極意義咩？？？

 

唔知你有無學過:

 

粵嚟粵掂, 我相信你都係對中國或粵語或粵協有一點心的人, 所以我都希望你能夠擴闊一下你嘅思維, 既然你覺得自己咁了不起, 點解你唔試下喺呢個有限嘅空間入面做一啲真正有意義, 可以貢獻或改善呢個空間嘅嘢, 而唔係一味嘈一味鬧...

 

希望你運用你嘅智慧, 做到一啲對中國同粵語有貢獻的事啦...

我希望大家努力都去擴展粉紅色的部分...

malonso

話時話你啲名都系1，3，4, 點解無2嘅？其實你可以繼續你粵語拉丁化，咁咪無問題啰。又或者用諧音，我就系咁，大家睇得明，而且咁樣如果watchdog系外省人，咁基本上睇唔明，如果系廣東二五仔，咁都睇到距眼都蒙。其實我lum哩班無靈魂不辯是非嘅人對其工作無可能咁投入，所以以上兩個solution，我lum應該work

malonso

原帖由 Kathy 於 2008-1-20 22:42 發表 唔知你有無學過: 5181   粵嚟粵掂, 我相信你都係對中國或粵語或粵協有一點心的人, 所以我都希望你能夠擴闊一下你嘅思維, 既然你覺得自己咁了不起, 點解你唔試下喺呢個有限嘅空間入面做一啲真正有意義, ...

 

其實嘈同鬧都系一種貢獻，如果個論壇比人和諧左，我lum你都唔會來啦。我支持4世繼續發距想發嘅嘢，但系要用啲trick。令啲watchdog翻去可以交差。

광동민국

你既是挑通眼眉之人，亦系頭腦轉數極快之人，箇中問題，必明瞭於心．可否考慮用雙關語，或敏感字眼拉丁化，或用英文來表示呢？

 

有料之人，再戰風雲！

 

閃避門口狗，投稿樂悠悠！

粵嚟粵掂

原帖由 Kathy 於 2008-1-20 22:42 發表 唔知你有無學過: 5181   粵嚟粵掂, 我相信你都係對中國或粵語或粵協有一點心的人, 所以我都希望你能夠擴闊一下你嘅思維, 既然你覺得自己咁了不起, 點解你唔試下喺呢個有限嘅空間入面做一啲真正有意義, ...

 

既然Kathy生咁有興致畫幅圖出嚟，我又點好意思唔畫啲嘢呢。

 

 

 

我嘅立場係：下邊嗰行最右手邊嘅第V級！