「看牛」同「放牛」

cingsan

放牛就一定係普通話，看牛係呢度讀看守嗰個音。喺粵西啲人咁講嘅。另外佢哋養豬、養狗、都係看豬、看狗。///其實廣州人講放牛，咪即係普通話？看有看守意思，看牛即係睇住牛食草。另外重有養嘅意思。我覺得廣州都應該講看，起碼比放好。唔知係咪廣州人已經好耐冇看，而丟失咗吖？大家討論下。 [ 本帖最後由 cingsan 於 2008-1-11 00:25 編輯 ]

鑊鑊金

原帖由 cingsan 於 2008-1-10 09:58 發表 放牛就一定係普通話，看牛係呢度讀看守嗰個音。係粵西啲係咁講嘅。另外佢哋養豬、養狗、都係看豬、看狗。///其實廣州人講放牛，咪即係普通話？看有看守意思，看牛即係睇住牛食草。另外重有養嘅意思。我覺得廣州都應該講看，起 ...

 

廣州我就唔知嘞！

不過我嗰度係 用 「長牛」  生「長」個音！   

 

呢個字都有看守嘅意思！

 

 

 

中二仔

原帖由 鑊鑊金 於 2008-1-10 13:29 發表   廣州我就唔知嘞！ 不過我嗰度係 用 「長牛」  生「長」個音！      呢個字都有看守嘅意思！      

掌管個掌?

卢总

你凭咩话「放牛」一定系普通话啊？

 

今时今日，晚晚见啲人拖狗出街散步嘅行为，个个称之为「放狗」，又系普通话？

点解啲狗主唔将佢哋嘅行为叫「看狗」啊？佢哋实际上一个二个都系拖住啲狗周围去，解决大小二便，然后睇住佢哋追逐、厮咬、性交——或者阻止佢哋互相厮咬、性交……呢啲行为同「看牛」其实冇乜太大嘅分别噃——都系「看守」！

 

「看守」个「看」字读第一声，另外读第一声嘅重有「看护」、「看门」、「看家本领」。

不过「看猪」、「看狗」就唔等同「养猪」、「养狗」，「看」只系监察住，等佢哋唔会走失、被盗或者遇到危险；而「养」呢，就要提供埋食物、休息嘅场所，以及清洁、照顾健康等方面嘅问题。

 

唔三唔四蠢魚

你冇读过书就唔好乱讲，
茅盾的《春蚕》里面就有用到：
「清明削口，看蚕娘娘拍手！」

茅盾自己在此句之下注解说：

这是老通宝所在那一带乡村里关于「蚕事」的一种歌谣式的成语。所谓「削口」，指桑叶抽发如指；「清明削口」谓清明边桑叶已抽放如许大也。「看」是方言，意同 「饲」或「育」。全句谓清明边桑叶开绽则熟年可卜，故蚕妇拍手而喜。

鑊鑊金

原帖由 中二仔 於 2008-1-10 16:54 發表 掌管個掌?

 

字 點寫我就唔清楚喇！

不過我細個嗰時都係噉講嘅！

 

重有 「長鵝仔」！都係呢個音！

 

 

cingsan

林语堂曾说：粤语以茂名（今高州）为中心（附有地图），并列举高州白话（粤语）大多数有音皆有字，广州话则往往有音无字，粤西白话「尚多保存隋唐古音」，「阳声韵及入声韵之韵尾与《广韵》系统相合。

cingsan

《看牛歌》fficeffice" />

    同样名为《看牛歌》的童谣，据伍锐麟先生的调查，有两个版本：

1、看牛仔，看牛哥，手执牛鞭冇奈何；水浸田基无地坐，水浸基围冇地踎；走上高山坐一坐，牛仔食人禾，谁知咬一啖又嫌少，咬两啖又嫌多；过着一个八十岁婆婆，挑眼角，有就畀，冇就畀一的咁多。（流行于沙南疍民，见《粤海虞衡卌一秋》，国际炎黄文化出版社，2005年。151页）

2、看牛仔，甚奔波，拉起牛绳冇奈何；黄牛走起峰冈顶，水牛走去踏人禾，食咗人禾人又闹，挢干眼泪竖番禾，竖到晏画过，褛阴大姐担书过，多多少少俾啖我，水浸田基无地坐，犹如番鬼望菠萝。（流行于旧凤凰村，见《粤海虞衡卌一秋》，国际炎黄文化出版社，2005年。211页）

    两个童谣文字差异较大。相对而言，谣1需要勘误、解释的地方并不多。大概有如下一些：田基：田埂。基围：堤坝。踎：蹲。啖：量词，口。「咬一啖」即「咬一口」。谣2则有两处明显的错误：「晏画」，当作「晏昼」。我在上古代汉语课的时候，已经不止一次发现学生把繁体的「晝」误作「画」的。这很正常，对于不熟悉繁体字的人们而言，「晝」和「畫」的差异真不容易分辨。当然这不是伍先生的错，而是整理者的错。「晏昼」就是「下午」。「俾」，则当作「畀」。不过，当年甚至今天，还是有许多人「俾」、「畀」不辨的。其次，谣2有两个词语需要特别解释一下。一是「挢」，音「矫」，《说文》：「举手也。」这里是「举手擦」的意思。一是「褛阴」，女子额上垂下的刘海儿。其馀如「咗（了）」、「闹（骂）」等都是先前的贴子里所出现过的。不必赘言。

夢星羽

「看牛」的「看」作「飼養」解，魚君所舉茅盾先生的《春蠶》一例即是，文中所說的方言爲吳地方言，吳越一家，文多相通。
「放牛」應是北語，放者，放牧也，即任由牲畜自由活動。北方土地遼闊，可以放牧，今內蒙、新疆一帶皆是如此。南方土地狹窄，人口稠密，無法放牧，牲畜大多圈養。
「長牛」，來自客家話。

itxu2k

我由睇到大都系叫"睇牛"