金魚黃 vs 橙色

hottersummer

今日無意中上咗去wikipedia上面嘅「粵語方言」，其中有噉樣一段「近20年来广州人的北方话水平在大大提高的同时，许多地道的广州话词语在日常使用中消失。例如今天的广州人已经很少像20年前那样，用‘金鱼黄’来形容‘橙色’」。

 

記得好細個嗰陣，我都會有聽到過有人講「金魚黃」，但喺應該由于當時呢個詞已經逐漸少用啦，我一直都唔知道原來「金魚黃」就喺「橙色」嘅意思，直到今日睇到wikipedia上邊嘅呢一段。

 

睇完之後我真喺有啲打爛咗個五味酲噉。 因爲逐漸消失嘅正喺廣州話特色的部分，地道嘅用語。正喺由于好多詞語嘅消亡，今日嘅廣州人講嘅廣州話已經失去咗嗰種味道了，實在令人痛心。所以我希望有人可以將所有呢啲「消失」咗嘅詞語重新發掘出嚟，然後等大家可以重溫一下，令佢哋不至于真喺時失傳。

卢总

话时话，我觉得「金鱼黄」同「橙色」真系有好大分别，唔明点解以前要叫「金鱼黄」！

经济困难嘅时期，好日都唔见有橙卖，但居然有人可以养金鱼！

Lucciora

我記得金魚黃係偏紅嘅橙色，我阿媽話一樣

[ 本帖最後由 Lucciora 於 2007-12-22 17:03 編輯 ]

馬萬千

重有, 我細個嗰陣冇「啡色」呢樣嘢, 而係叫做「豬肝色」

 

gboss

原帖由 卢总 於 2007-12-21 02:39 發表 话时话，我觉得「金鱼黄」同「橙色」真系有好大分别，唔明点解以前要叫「金鱼黄」！经济困难嘅时期，好日都唔见有橙卖，但居然有人可以养金鱼！ ...

 

盧總呢句真係要人拍手叫絕，真係好耐冇聽人講起「金魚黃」呢類詞，不過我個人覺得：金魚嚟講，唔一定要養過先知道佢咩色啩！

 

補充一句：以前田雞都可以周圍捉得到，嗰時生活雖然困難，物質雖然缺乏，但生態相對好過而家。聽講嗰時真係有人養金魚個喔，喺普通街市就有得賣，而且嗰時啲金魚冇而家咁多花腎，咁矜貴。

[ 本帖最後由 gboss 於 2007-12-22 20:19 編輯 ]

gboss

原帖由 Lucciora 於 2007-12-21 04:14 發表 我記得金魚黃係偏紅嘅橙色，我阿媽話一樣

 

據你噉講，金魚黃應該係橙紅，所謂橙色應該係橙黃，同一個色系，但Red嘅值唔同。

外外星人

金鱼黄其实就系橙色，正如猪肝色同咖啡色嘅关系一样。

 

若果要细分颜色，都系用光谱分析仪细致啲。

我阿媽個女

如果用色譜嚟分析，金魚黃係比橙色亮度高1個階；

至於豬肝色其實呢個講法好籠統，究竟係指生嘅豬肝定係指熟咗嘅豬肝~~？

三原色可以構成任何一種顏色，其次再根據光暗又再細分出無數個色；

顏色呢家嘢好複雜嘅，冇得研究~~~得閒買本Pantone自己研究下~~~~

cingsan

我同妳研究…

我阿媽個女

原帖由 cingsan 於 2008-7-10 09:39 發表 我同妳研究…

 

乜你唔係通常都係俾人研究噶咋咩~？

melop

我好記得幼兒園嗰陣，老師教畫畫都係講金魚黃代替橙色咖！我一向都好鐘意呢種色，尤其佢叫金魚黃嘅時候，有一種好溫暖嘅感覺。唔知點解。。。

csywashing

原帖由 melop 於 2008-7-10 22:37 發表 我好記得幼兒園嗰陣，老師教畫畫都係講金魚黃代替橙色咖！我一向都好鐘意呢種色，尤其佢叫金魚黃嘅時候，有一種好溫暖嘅感覺。唔知點解。。。

系咖，幼儿园，学前班都系咁咖。好似宜家我仲咁使，讲橙色好似就好少。

成日笑

我細個嗰陣都經常講「金魚黃」嘅