想問下係廣州講嘅廣府話同係香港講嗰啲有乜唔同？

cingsan

深圳粵語已經死亡，周街都褒冬瓜…喺其他地區重有好多講嘅，話明香港稱廣東話，居然唔知廣東有人講？真係寡聞。

中二仔

無計,香港多數地方都收唔到大陸電視台,一有都係中央台...

啲講粵語嘅電視台都收唔到.

而本地電視台啲大陸跠又唔多.就算有訪問廣州市民之類嘅嘢,都剩係聽都"煲燶瓜"..........

barryshawn

 

口音一樣，但港人懶音情況較多

 

廣州人講野抑揚頓挫ｄ，好似唱粵劇對白咁，而且講話時每句拉尾兩個字好鍾意拉長同比較大聲咁講．講話比香港人較慢．比港人較大聲．

 

香港人講野比較柔ｄ既，句尾字拉長情況比較少，最後個字好少大聲講，但係講話時句頭兩個拉長情況較多，講話一般比廣州人快，６０年代後出生香港人大多數講話都係咁．

 

係我由細到大聽我ｄ香港土生土長親戚同廣州土生土長親戚０既對話觀察返來．

中二仔

用詞上廣州人比較傳統,香港比較多"花臣"...有時去第二間學校都聽唔明人嗑乜............

 就好似我咁,有好多傳統嘅粵語辭彙都未聽講過..................

keinam

新人嚟嘅，随便讲下者。我觉得香港粤语最大特点，一系英文词比较多，二系港人讲野，条脷卷卷地，可能系受左英文舌叶音既影响。

羊城惜花人

原帖由 barryshawn 於 2007-12-15 18:32 發表   口音一樣，但港人懶音情況較多   廣州人講野抑揚頓挫ｄ，好似唱粵劇對白咁，而且講話時每句拉尾兩個字好鍾意拉長同比較大聲咁講．講話比香港人較慢．比港人較大聲．   香港人講野比較柔ｄ既，句尾字拉長情況比較少，最 ...

語速快慢呢點我都有留意到，可能同生活節奏有關，同樣係講廣府話，澳門人講嘢就真係慢好多~

tamwaikit

唔係喎,好多廣州人,包括我自己都係講 閂門 架喎