２００７年１１月８号《南方都市报》

卢总

7·8　举一反三

 

　　栋笃论语·述而第七　　
　　
　　□子野专栏　　
　　
　　【原文】子曰：「不愤不启，不悱不发，举一隅不以三隅反，则不复也。」

　　【译文】愤，心求通而得唔到；悱(音「匪」)，有咗心得但系讲唔出；隅，本来指间屋嘅四个角落；复，重复讲多次。

　　孔子话：「未到佢谂极都唔明嘅时候，就冇去启发佢；未到佢有咗心得但系讲唔出嘅时候，就冇去开导佢；举一唔能够反三，就唔好再讲多次喇。」

　　【栋笃】现代教育学话畀我哋知，教师应该系主导，学生先至系主体。教师嘅任务，应该系引导、启发，帮助学生掌握自主学习嘅能力。呢种，就叫做「启发式教学」。而佢嘅对立面，系「注入式教学」，亦叫做「填鸭式教学」：鸭主为咗啲鸭肥啲重啲好卖啲，话之佢食唔食得落、消唔消化到，箍住条鸭颈，一味塞啲饲料落去，一个唔该，只鸭就会塞死。

　　喺我哋嘅印象之中，儒、释、道呢三家，释家、道家嘅传承，比较注重「启发式教学」。禅宗系最特别嘅，禅师接引弟子，讲究嘅系「顿悟」，绝对唔会话，你同我背诵、默写《金刚经》几多几多次；你同我记住，《心经》嘅中心思想系乜乜……一般系等到时机成熟，弟子心有所悟又讲唔出嘅时候，当头棒喝，令到佢个脑里边灵光一闪，然后顿悟。道家更加系以顺应自然为最高嘅教学理念，尊重同埋发展人嘅个性，「行不言之教」嘅原则，又突出咗学生嘅主体作用。

　　呢两千几年嚟，儒家思想嘅传承，畀我哋嘅印象，系「注入式」为多。特别系科举时代，八股文盛行，「应试教育」就更加系「填鸭式」嘅。四书五经，教学以背书为主，经文嘅意思，老师点讲你就点记，唔允许「扩散性思维」同埋「求异性思维」嘅存在。用今日嘅说话，呢种教育系一个大「酱缸」，将学生嘅脑黐到实晒。

　　但其实孔Sir唔系噉嘅噃。「不愤不启，不悱不发」，讲嘅正系喺适当嘅时机对学生进行启发嘅教学方法，举一反三，又系对「扩散性思维」嘅提倡，点解传下传下，就变咗样嘅？

　　最可能嘅原因，就系汉武帝嘅「罢黩百家，独尊儒术」喇。汉武帝嘅行为，将儒家捧上神坛，成为毋庸置疑嘅统治思想，一代又一代嘅帝皇，睇到儒家思想对佢哋嘅统治咁使得，梗系继续「独尊」落去喇。半部《论语》治天下，一句顶万句，边个仲敢质疑啊？既然系噉，学习儒家思想，使乜启发啊？我授你受，注入咪得啰！

　　举一反三，一种思想，土产嘅又好，进口嘅又好，一旦畀统治者尊为「最高」，佢肯定就失去咗活力。喺呢种思想统治之下嘅国家，如果真系有「思想界」嘅话，亦都系一个大「酱缸」喇。

 

http://www.nanfangdaily.com.cn/southnews/dd/dsb/B12/200711080667.asp

卢总

7·8　举一反三

 

　　栋笃论语·述而第七　　
　　
　　□子野专栏　　
　　
　　【原文】子曰：「不愤不启，不悱不发，举一隅不以三隅反，则不复也。」

　　【译文】愤，心求通而得唔到；悱(音「匪」)，有咗心得但系讲唔出；隅，本来指间屋嘅四个角落；复，重复讲多次。

　　孔子话：「未到佢谂极都唔明嘅时候，就冇去启发佢；未到佢有咗心得但系讲唔出嘅时候，就冇去开导佢；举一唔能够反三，就唔好再讲多次喇。」

　　【栋笃】现代教育学话畀我哋知，教师应该系主导，学生先至系主体。教师嘅任务，应该系引导、启发，帮助学生掌握自主学习嘅能力。呢种，就叫做「启发式教学」。而佢嘅对立面，系「注入式教学」，亦叫做「填鸭式教学」：鸭主为咗啲鸭肥啲重啲好卖啲，话之佢食唔食得落、消唔消化到，箍住条鸭颈，一味塞啲饲料落去，一个唔该，只鸭就会塞死。

　　喺我哋嘅印象之中，儒、释、道呢三家，释家、道家嘅传承，比较注重「启发式教学」。禅宗系最特别嘅，禅师接引弟子，讲究嘅系「顿悟」，绝对唔会话，你同我背诵、默写《金刚经》几多几多次；你同我记住，《心经》嘅中心思想系乜乜……一般系等到时机成熟，弟子心有所悟又讲唔出嘅时候，当头棒喝，令到佢个脑里边灵光一闪，然后顿悟。道家更加系以顺应自然为最高嘅教学理念，尊重同埋发展人嘅个性，「行不言之教」嘅原则，又突出咗学生嘅主体作用。

　　呢两千几年嚟，儒家思想嘅传承，畀我哋嘅印象，系「注入式」为多。特别系科举时代，八股文盛行，「应试教育」就更加系「填鸭式」嘅。四书五经，教学以背书为主，经文嘅意思，老师点讲你就点记，唔允许「扩散性思维」同埋「求异性思维」嘅存在。用今日嘅说话，呢种教育系一个大「酱缸」，将学生嘅脑黐到实晒。

　　但其实孔Sir唔系噉嘅噃。「不愤不启，不悱不发」，讲嘅正系喺适当嘅时机对学生进行启发嘅教学方法，举一反三，又系对「扩散性思维」嘅提倡，点解传下传下，就变咗样嘅？

　　最可能嘅原因，就系汉武帝嘅「罢黩百家，独尊儒术」喇。汉武帝嘅行为，将儒家捧上神坛，成为毋庸置疑嘅统治思想，一代又一代嘅帝皇，睇到儒家思想对佢哋嘅统治咁使得，梗系继续「独尊」落去啦。半部《论语》治天下，一句顶万句，边个重敢质疑啊？既然系噉，学习儒家思想，使乜启发啊？我授你受，注入咪得啰！

　　举一反三，一种思想，土产嘅又好，进口嘅又好，一旦畀统治者尊为「最高」，佢肯定就失去咗活力。喺呢种思想统治之下嘅国家，如果真系有「思想界」嘅话，亦都系一个大「酱缸」喇。

 

［进步好大！］

 

卢总

 

http://www.nanfangdaily.com.cn/southnews/dd/dsb/B12/200711080673.asp

卢总

　　例汤正　　
　　
　　□老饼专栏　　
　　
　　今日汤料：话说在广州各个社区，养狗的问题已经成了业主之间分歧最大的敏感话题之一，狗只随处「方便」等不文明行为也常在小区论坛上被群起攻之。看似是狗的胡作非为，其实反映的是狗主的素质和文明程度。　　

　　新闻背景：《南方都市报》2007年11月6日A49版《细数不文明养狗「六宗罪」》　　
　　
　　图：

　　咦——邋遢猫！　　
　　
　　你搞错嘞！佢根本就唔系猫。　　
　　
　　你都搞错嘞！我根本就唔系话佢。

卢总

广州播客第180期

 

　　同声同气　　
　　
　　□阿展专栏　　
　　
　　1.甲：听讲卖煎饺嗰间八珍执咗啰啵。(听说卖煎饺那间八珍关门结业了。)

　　乙：梗系啦，煎饺入面啲馅得鸡碎咁多，唔执有鬼嘞。(不奇怪了，煎饺的馅越来越少，不关门才怪呢。)

　　甲：老字号嚟嗰啵。(老字号来的。)

　　乙：老字号又点呀？×记啲鱼皮够系啦，依家一盒鱼皮大半盒花生同埋芫荽，睇下几时又执埋啦。(老字号又怎样呀？×记鱼皮也一样，现在一盒鱼皮大半盒花生和芫荽，看看什么时候也要关门啦。)

　　——两个靓女在步行街，边走边聊。

　　2.乞食都要食脑先得，净系跪抵梗系揾唔到食啦，带埋只骆驼做道具就唔同，睇马戏都要买飞啦，呢啲叫做「阿茂整饼——冇嗰样整嗰样」，下次唔得口架啦，除非你带埋只华南虎出来乞食又唔同。(乞食都要动脑才行，只是跪当然不行啦，带只骆驼做道具就不同，看马戏都要买票啦，这就叫没有什么就做什么，下次又不行了，除非你带只华南虎一起出来乞讨。)

　　——一个茶客对新闻《带骆驼漫步广州乞食》有这样的评论。

　　3.头先追车就有气有力，上咗车就死下死下。(刚刚追车就有气有力，上来车就没精打采。)

　　——巴士上，一个不想让座给老人的年轻人自言自语地这样说。

 

http://www.nanfangdaily.com.cn/southnews/dd/dsb/B12/200711080669.asp

卢总

　　1.甲：听讲卖煎饺嗰间八珍执咗啰噃。(听说卖煎饺那间八珍关门结业了。)

　　乙：梗系啦，煎饺入面啲馅得鸡碎咁多，唔执有鬼嘞。(不奇怪了，煎饺的馅越来越少，不关门才怪呢。)

　　甲：老字号嚟噶噃。(老字号来的。)

　　乙：老字号又点呀？×记啲鱼皮够系啦，依家一盒鱼皮大半盒花生同埋芫荽，睇下几时又执埋啦。(老字号又怎样呀？×记鱼皮也一样，现在一盒鱼皮大半盒花生和芫荽，看看什么时候也要关门啦。)

　　——两个靓女在步行街，边走边聊。

　　2.乞食都要食脑先得，净系跪低梗系揾唔到食啦，带埋只骆驼做道具就唔同，睇马戏都要买飞啦，呢啲叫做「阿茂整饼——冇嗰样整嗰样」，下次唔得ロ架啦，除非你带埋只华南虎出嚟乞食又唔同。(乞食都要动脑才行，只是跪当然不行啦，带只骆驼做道具就不同，看马戏都要买票啦，这就叫没有什么就做什么，下次又不行了，除非你带只华南虎一起出来乞讨。)

　　——一个茶客对新闻《带骆驼漫步广州乞食》有这样的评论。

　　3.头先追车就有气有力，上咗车就死下死下。(刚刚追车就有气有力，上来车就没精打采。)

　　——巴士上，一个不想让座给老人的年轻人自言自语地这样说。

 

卢总

　　港人讲嘢·黄子华栋笃笑　　
　　
　　□记录：莫夕　　
　　
　　轮到我哋啲茄喱啡做戏之前，我一路都有问啲导演，可唔可以畀个剧本我睇下？阿导演话，「唔使嘅嘞，好简单。」3点钟，我明白点解，因为我哋要做嘅事好简单，亦都系我哋最擅长嘅事——就系死。我哋一行10个茄喱啡，6个已经瞓喺度死咗嘞，就剩番4个呢，连埋我在内要企喺度畀茅吉刂死嘅。喺我之前嗰3个呢，亦都一吉刂就死嘅嘞，我唔会死得咁容易，我死都要用方法演技死。但系问题又嚟嘞，罗拔迪尼路话方法演技都要揾到真实体验，但系死要去边到揾真实体验啊？我自问又未死过嘞，小小都未死过喔。但系我突然间谂起，死我未试过啫，但系畀嘢吉刂我试过啊。我就幻想自己畀嘢吉刂，吉刂吉刂吉刂吉刂吉刂到就嚟死咁滞，好辛苦！差唔多啦。「Ok，得嘅嘞导演，嚟喇——」Camera　……哇！好痛啊，好痛啊！「Cut！大佬啊，你都死啦嘛，你嗌咩痛啊？」「导演，你咁大碌嘢吉刂埋嚟唔痛啊假啦系嘛？」「唉算嘞算嘞，你啲茄喱啡叫你企喺度死都唔得口架，瞓喺度死，瞓喺度死……」我哋跟住拍尸横遍野。

　　各位，我话畀你哋听，凌晨四点钟，要扮死唔系好难嘅咋。事实上，我周围啲茄喱啡都已经死到「嘻嘻呵呵」嘞，我自己当然亦都好快死埋啦。一死，我就发咗个梦，梦到我同我妈妈玩游戏，于是我就莫明其妙地喊起上嚟，啲眼泪流到满面都系，一路流落个身度，成身都喊到湿晒，我擘大眼，原来真系湿晒，因为落紧雨啊嘛……所有嘅茄喱啡都醒晒啊，但系冇人够胆起身，因为听唔到导演嗌cut……呢个时候就有个武师走埋嚟，对我哋十个茄喱啡话：「#你老#，落咁大雨，你哋都唔识避，乜你咁#猪口架！」我当时好嬲啊，而且我都觉得系时候喺茄喱啡界建立我嘅地位嘞，于是我同个武师讲我话，「武师，我读得书少(拟李小龙动作)……噉所以就比较猪啲咯：)」

 

http://www.nanfangdaily.com.cn/southnews/dd/dsb/B12/200711080670.asp

卢总

　　轮到我哋啲茄喱啡做戏之前，我一路都有问啲导演，可唔可以畀个剧本我睇下？阿导演话，「唔使咖嘞，好简单。」3点钟，我明白点解，因为我哋要做嘅事好简单，亦都系我哋最擅长嘅事——就系死。我哋一行10个茄喱啡，6个已经瞓喺度死咗嘞，就净番4个呢，连埋我在内要企喺度畀矛吉刂死嘅。喺我之前嗰3个呢，亦都一吉刂就死咖嘞，我唔会死得咁容易，我死都要用方法演技死。但系问题又嚟嘞，罗拔迪尼路话方法演技都要揾到真实体验，但系死要去边到揾真实体验啊？我自问又未死过嘞，小小都未死过喔。但系我突然间谂起，死我未试过啫，但系畀嘢吉刂我试过啊。我就幻想自己畀嘢吉刂，吉刂吉刂吉刂吉刂吉刂到就嚟死咁滞，好辛苦！差唔多啦。「Ok，得咖嘞导演，嚟啦——」Camera　……哇！好痛啊，好痛啊！「Cut！大佬啊，你都死啦嘛，你嗌咩痛啊？」「导演，你咁大碌嘢吉刂埋嚟唔痛啊假啦系嘛？」「唉算嘞算嘞，你啲茄喱啡叫你企喺度死都唔得ロ架，瞓喺度死，瞓喺度死……」我哋跟住拍尸横遍野。

　　各位，我话畀你哋听，凌晨四点钟，要扮死唔系好难咖咋。事实上，我周围啲茄喱啡都已经死到「嘻嘻呵呵」嘞，我自己当然亦都好快死埋啦。一死，我就发咗个梦，梦到我同我妈妈玩游戏，于是我就莫明其妙地喊起上嚟，啲眼泪流到满面都系，一路流落个身度，成身都喊到湿晒，我擘大眼，原来真系湿晒，因为落紧雨吖嘛……所有嘅茄喱啡都醒晒啊，但系冇人够胆起身，因为听唔到导演嗌cut……呢个时候就有个武师走埋嚟，对我哋十个茄喱啡话：「#你老#，落咁大雨，你哋都唔识避，乜你咁#猪ロ架！」我当时好嬲啊，而且我都觉得系时候喺茄喱啡界建立我嘅地位嘞，于是我同个武师讲我话，「武师，我读得书少(拟李小龙动作)……噉所以就比较猪啲啰：)」

 

卢总

　　广州笔记　　
　　
　　□司徒笨　　
　　
　　坐81×路公交车上班，经过一个塞到傻嘅路段之后，司机大佬踩多少少油、系噉爽咗一下就嚟个急刹，差啲追尾。有个叔叔好有意见，大大声噉话：「呢部唔系私家车，系公共汽车啊，唔该你睇住嚟揸啦！」

　　司机听咗无咩反应，不过重新挞着火之后部车就开得好慢，斋听到马达响，就系唔见架车开得快。嗰啲赶住返工嘅叔叔阿姨开始鬼杀噉嘈，追问司机系咪坏车。司机一於当你无到，由得部车鸡啄米噉向前慢慢开。头先发言嘅叔叔静鸡鸡走去望咗一下司机嘅工牌，跟住就话要投诉。司机仲系唔瞅唔睬！

　　呢个时候有个阿姨发言啦：「开得快你又话快，开得慢你又话慢，好难嘅！」佢都未讲完，啲叔叔阿姨就喺度反驳：「快？根本就冇快过！人地赶住上班口架嘛！系坏车就畀人落咗换过第二部啦！」有个师奶仲鬼劳气：「快？边个话快嘅趸佢落车，以后都唔好坐啦！」

　　好在车啱好到站，阿姨和叔叔都喺度落车，司机大佬又将架车开返快啲，啲人先无咁兴！但系个师奶仲好鬼扯火：「怪唔之得啦，自己喺度落车就阿之阿咗！」好明显，佢仲好唔妥阿姨嗰句话。

　　唉，本来秋雨绵绵，上车瞓下觉唔知几好。点知就畀一班晨早流流都咁燥嘅叔叔阿姨搞滒晒。广州人压力真系大，7点多啲就咁赶住返工，辛苦！辛苦！

 

http://www.nanfangdaily.com.cn/southnews/dd/dsb/B12/200711080672.asp

卢总

　　坐81×路公交车上班，经过一个塞到傻嘅路段之后，司机大佬踩多少少油、系噉爽咗一下就嚟个急刹，差啲追尾。有个叔叔好有意见，大大声噉话：「呢部唔系私家车，系公共汽车啊，唔该你睇住嚟揸啦！」

　　司机听咗冇咩反应，不过重新挞着火之后部车就开得好慢，斋听到马达响，就系唔见架车开得快。嗰啲赶住返工嘅叔叔阿姨开始鬼杀噉嘈，追问司机系咪坏车。司机一於当你冇到，由得部车鸡啄米噉向前慢慢开。头先发言嘅叔叔静鸡鸡走去望咗一下司机嘅工牌，跟住就话要投诉。司机重系唔瞅唔睬！

　　呢个时候有个阿姨发言嘞：「开得快你又话快，开得慢你又话慢，好难嘅！」佢都未讲完，啲叔叔阿姨就喺度反驳：「快？根本就冇快过！人哋赶住上班ロ架嘛！系坏车就畀人落咗换过第二部啦！」有个师奶重鬼劳气：「快？边个话快嘅抌佢落车，以后都唔好坐啦！」

　　好在车啱好到站，阿姨同叔叔都喺度落车，司机大佬又将架车开返快啲，啲人先冇咁兴！但系个师奶重好鬼扯火：「怪唔之得啦，自己喺度落车就阿之阿咗！」好明显，佢重好唔妥阿姨嗰句话。

　　唉，本来秋雨绵绵，上车瞓下觉唔知几好。点知就畀一班晨早流流都咁躁嘅叔叔阿姨搞滒晒。广州人压力真系大，7点多啲就咁赶住返工，辛苦！辛苦！