諗「番」轉頭？諗「翻」轉頭？

pippo

「番」定「翻」？各自點用？請教。

dada

翻書
一番心機
諗返轉頭

中二仔

番翻反返某程度上相通

 

番:更也遞也

<漢紀>:"賢良直宿更番"<舊唐書>:"得精兵一十三萬 分繫諸衛 更番上下"

 

翻:反也覆也

<<正字通>>:"通作反 張安世傳反水漿 師古讀翻"

 

反:覆也

<異體字字典>:回來。通「返」。戰國策．衛策：「衛君其以其言告邊智伯，果起兵而襲衛，至境而反。」?歸還、退還。通「返」。孟子．梁惠王下：「王速出令，反其旄倪，止其重器。」

 

返:還也復也

 

 有好多嘢都係由自己判斷,人人意見唔同,其他人未必幫到你

卢总

番，主要系作量词，解遍、次、回，例如三番四次；另外就系旧时对西方边境各族嘅称呼，亦作为对外族嘅通称，或指来自外族或外国嘅事物，例如番邦、番鬼佬；番重有一个意思就系轮流更代，例如轮番、更番、番休（《北史·贺弼传》：顿兵一万，番代往来。）。「番」读「潘」嘅时候就作为姓氏，或者系指广东番禺。

 

翻，就系反转、倒下，亦有越过嘅意思，例如翻山越岭。

 

返，系回、归，例如返学、返归；亦解作更换，《吕氏春秋·慎人》：孔子烈然返瑟而弦，子路抗然执干而舞。

 

因此，既唔系谂「番」转头，亦唔系谂「翻」转头，而系谂「返」转头。

Lucciora

翻返屋企食番餐飯先

highyun

原帖由 Lucciora 於 2007-11-4 06:45 發表 翻返屋企食番餐飯先

 

如果你想翻轉你屋企，就用「翻返屋企」。

另外，你可以講食餐飯、別有一番風味，但唔可以講「食番餐飯」。

卢总

哈哈，正得好！

我啱想正下佢。

「翻」、「番」、「返」呢三个字的确系好虾人用！

Lucciora

原帖由 highyun 於 2007-11-4 12:45 發表   如果你想翻轉你屋企，就用「翻返屋企」。另外，你可以講食餐飯、別有一番風味，但唔可以講「食番餐飯」。

 

翻返屋企食番個雪糕

 

第一個翻係 掉頭，第二個返係 回，第三個番係次數，數量

pippo

好似大家意見都未係好統一。

噉好似話：整faan1好部收音機、返faan1屋企、開心faan1晒……分別用咩字，點解呢？請大家指教。

卢总

唔系统唔统一嘅问题，系路尸自己未搞清楚！

全部都系用「返」。

卢总

原帖由 Lucciora 於 2007-11-4 09:15 PM 發表   翻返屋企食番個雪糕   第一個翻係 掉頭，第二個返係 回，第三個番係次數，數量

第一，你有咩证据话翻有「掉头」嘅意思？

第二，「雪糕」前面已经有个「个」字，系量词，噉你呢个「番」字岂不是用词重复，多余？

highyun

原帖由 Lucciora 於 2007-11-4 21:15 發表   翻返屋企食番個雪糕   第一個翻係 掉頭，第二個返係 回，第三個番係次數，數量

既然用中文講你唔明，噉我用英文啦。

返 係back

翻 係overturn

至於 番 ，係measure word。

 

你講得冇錯，「翻」有掉頭嘅意思，不過唔係水平面嘅掉頭，而係垂直面嘅掉頭。你諗諗「翻船」同「返船」有咩唔同啦。

gboss

英文一讲就好明了

中二仔

不過我覺得喺好多地方用番/翻/反都無咩問題 [ 本帖最後由 中二仔 於 2007-11-9 21:23 編輯 ]