「唔使」定係「唔駛」

pippo

請教。

卢总

揸车开船就系「唔驶」，基本上呢个词都好少会用得到。

bajatvj

香港佬搞正音，搞到D字乱咁用。使本来读洗，而家读屎。使用讲成屎用，使钱一系讲驶钱，一系讲洗钱。

卢总

唔该解释下，「驶钱」咩意思？

dada

原帖由 bajatvj 於 2007-11-2 09:52 發表 香港佬搞正音，搞到D字乱咁用。使本来读洗，而家读屎。使用讲成屎用，使钱一系讲驶钱，一系讲洗钱。

「使」有三個音﹕si2、sai2（使錢、唔使）、si3（大使）。

highyun

原帖由 bajatvj 於 2007-11-2 09:52 發表 香港佬搞正音，搞到D字乱咁用。使本来读洗，而家读屎。使用讲成屎用，使钱一系讲驶钱，一系讲洗钱。

 

「駛錢」就唔會有人寫，不過好多人鍾意寫「洗錢」同「唔駛」。

羊城惜花人

嗰日喺廣州某金融機構門口見到條標語：「xxx洗錢犯罪……」，開始睇打咗個突，覺得佢用粵語思維係好事，但寫錯字嗰吓衰呢~

卢总

噉你唔影低佢，发上嚟「错字误音澄教署」？

重有啊，呢啲公然犯错嘅机构根本就唔需要同佢哋客气，应该直指其名！

卢总

原帖由 highyun 於 2007-11-3 12:05 PM 發表   「駛錢」就唔會有人寫，不過好多人鍾意寫「洗錢」同「唔駛」。

此言差矣！

其实大把人写「驶钱」就真！

以前啲香港电影字幕周不时都见到有，家下有啲人都系噉样跟风！

紫凤凰

「洗錢罪」係一項十分嚴重嘅罪行，其實爾度倒真係「洗」。

 

因為係將啲黑錢，「唔乾淨」嘅錢通過一啲手段使佢變為乾淨嘅錢。所以根本冇用錯，係你唔知當中嘅嘢啫。而通常「洗錢」係要通過地下錢莊進行嘅，「錢莊」係勿恐怕就唔使我解釋喇啩。

紫凤凰

「使錢」同「洗錢」係完全唔同嘅兩樣嘢。前者就係一般嘅「花錢」，後者用於刑事等諸多領域，並不完全等同。

卢总

原帖由 紫凤凰 於 2007-11-3 04:10 PM 發表 「洗錢罪」係一項十分嚴重嘅罪行，其實爾度倒真係「洗」。   因為係將啲黑錢，「唔乾淨」嘅錢通過一啲手段使佢變為乾淨嘅錢。所以根本冇用錯，係你唔知當中嘅嘢啫。而通常「洗錢」係要通過地下錢莊進行嘅，「錢莊」係勿 ...

花仔当然知道咩叫做「洗钱」啦！

不过佢系讶异于我哋伟大嘅金融机构竟敢无视国家嘅有关法规，使用繁体字。

bajatvj

原帖由 卢总 於 2007-11-3 15:56 發表 此言差矣！其实大把人写「驶钱」就真！以前啲香港电影字幕周不时都见到有，家下有啲人都系噉样跟风！

东张西望都有出过呢个字幕

卢总

《东张西望》何止字幕有出错，就连啲主持都周不时发错音、讲错嘢。

你谂住以佢哋为楷模？

pippo

原帖由 羊城惜花人 於 2007-11-3 15:47 發表 嗰日喺廣州某金融機構門口見到條標語：「xxx洗錢犯罪……」，開始睇打咗個突，覺得佢用粵語思維係好事，但寫錯字嗰吓衰呢~

 

大把金融機構都係噉寫，讀起上嚟好搞笑。既然咁大罪，我都唔敢使用金錢嘞（加上收入又真係低）

小狼

「使用」嘅「使」應該讀「洗」，唔讀「史」，
而同「使用」意思一樣嘅「使」字都應該用「使」。

不過因為香港嘅「妖音力場」好巨大，
好多時啲人為咗避免其他人誤會，講出「史用」、「唔史」咁嘅妖音，
喺廣東話入文時，只好將個「使」字寫成「駛」。
整吓整吓個「駛」字就兼咗一啲「使」字嘅字義咯。