《撥亂反正》之二十七：梳化 Vs 沙發

highyun

　　喺粵語協會以外嘅論壇，特別係喺嗰啲資源共享類嘅論壇浮過嘅人，都會見過「沙發」呢個詞，通常某人共享咗某啲資源，就會有啲只識索取唔識貢獻嘅CDROM（Copy Download Read Only Member）就會回帖，據聞搶到第一個回帖嘅就稱爲「沙發」。我絕對冇興趣研究點解回第一張帖會被稱爲「沙發」，只係想藉住呢個北方發明嘅網絡語言引出以下嘅內容。
　　英文sofa一詞，粵語譯做「梳化」，北方話譯做「沙發」。對於呢個舶來詞，本來各有各講，粵語讀so1faa2，普語讀sha1fa1，都相對與英文發音接近，正如「碧咸」與「貝克漢姆」一樣。但不知何時，廣東籍嘅CDROM亦以搶先回帖發「沙發」兩字爲榮，真係好想嗌佢哋用粵語讀「沙發」兩個字，睇下有冇人知道佢講乜。甚至平時講嘢，好多人都竟然講「沙化」，再噉落去，粵語實會全面「沙漠化」。。。。

　　奉勸各位講返我哋自己嘅「梳化」，唔好學壞嘴型去「沙發」，亦順帶奉勸一句，唔好做CDROM。

Lyn

sofa [ 本帖最後由 Lyn 於 2007-10-26 00:54 編輯 ]

Lucciora

源自搬梳化睇樓下講哋乜

余OK

　　呢篇應該係第廿七篇先啱，邊位今年會續寫第廿八篇呢？

顺德水蛇粥

点解你可以用「打的」影响他人，他人唔可以用「沙发」影响你呢？

再者，作为特定用语（第一跟贴者），沙发与梳化系唔可以相互替代嘅。

cingsan

沙發我哋廣東人都少講喇，個別啫。。霸頭位，就沙發…不過潮流已過…不再有影響…初初時係極流行，今時縱觀已甚少…

小狼

叫做沙發嘅原因，會唔會係因為「首發」？

余OK

原帖由 小狼 於 2008-6-29 22:02 發表 叫做沙發嘅原因，會唔會係因為「首發」？

　　據聞有種解法係源自英文單詞頭兩個字母：Second Floor。

顺德水蛇粥

SF =Second Floor=沙发

顺德水蛇粥

我留意过广东各大电子传媒，都唔读梳化 或 沙發  ，通常都系读「沙化」。