[討論]唸經熱

羊城惜花人

啱啱睇《星期日檔案》講而家好多細路開始背誦經文，其實我一向都提倡應該好似古代私塾噉細細個就教背經文，大個咗自己慢慢理解，因為細個嘅時候記憶力係最好嘅，細個背咗落嚟，到老都唔會忘記，好似我噉，我三歲父母就教我背：觀自在菩薩，行深般若波羅密多時，照見五韻皆空，渡一切苦厄……（《般若波羅密多心經》）；惜時賢文，誨語諄諄，集韻增廣，多見多聞，觀今而鑒古，無古不成今……（《增廣賢文》）；黎明即起，灑掃庭廚，要內外整潔，既昏便息，關鎖門戶，必親自檢點……（《朱子治家格言》）等等~呢啲我到而家仲記得，當然，我唔否認嗰時係純粹念口簧，但我而家攞返出嚟理解，就對我好有幫助。不過當時冇恆心，好多背完前面就冇心機再背埋後面，呢點對我嚟講係個遺憾，而家想再背返都好難記住囉~
另外，節目中有兩點我係有疑問嘅，首先，我覺得唔應該只背儒家經典，應該允許百家爭鳴，中國嚟講，儒、道、佛呢三家係必不可少嘅~其次，我唔明點解連香港嘅都教啲細路用普通話嚟背，我硬係覺得啲古代文學用普通話讀\背好拗口，聽起嚟都好難明，我細個背嗰啲我老豆都係教我用粵語背嘅~

紫凤凰

我都南無阿彌陀佛一下先。

libran

以下是引用羊城惜花人在2007-9-2 20:20:13的發言：其次，我唔明點解連香港嘅都教啲細路用普通話嚟背，我硬係覺得啲古代文學用普通話讀\背好拗口，聽起嚟都好難明，我細個背嗰啲我老豆都係教我用粵語背嘅~

 

因為好多人仲系對Mandarin盲目崇拜. 喚醒群眾, 任重而道遠...

tea

有哋古文又真系需要用粤语读（背）先有味。

tea

当初学古代汉语（律诗）的时候，总遇到一些很无奈的情况，用普通话的语音读，却要用粤语的读音来分析其中的平仄规律。如果直接用粤语教学，是否可以省很多功夫？？！！。。

卢总

教啲细路用普通话嚟背古诗，可能系啲老师错误理解咗“两文三语”嘅教学方针，又或者系被人误导，甚至系受到政治压力使然。

有需要嘅话，要拷问李国章，睇佢究竟搞乜鬼！

cantonian

目前迫切需要對古典經籍進行粵語註音、大力提倡用粵語讀經!

早已有軟件可以自動生成整篇文章嘅Mandarin拼音, 我地亦應該有自動生成粵語拼音嘅軟件.

cantonian

而家香港D推普網站好多啊, TVB個網站都有"普通話大賽"嘅banner! 大家多D去香港嘅論壇喚醒香港人啦!

李四

李國章落台兩個月，都已經唔係官喇，唔好拷佢啦！！！
依家負責香港教育官員係孫公。

乜哥

唔單止系教育部官員嘅問題

卢总

以下是引用李四在2007-9-5 11:55:08的發言：
李國章落台兩個月，都已經唔係官喇，唔好拷佢啦！！！
依家負責香港教育官員係孫公。

唔好以为落咗台就唔使负责！

须知道，“问责制”要问责嘅并唔系单指在任时嘅官员，离任咗一样要问责！

你试下起座短桩楼或者咸水楼，十年后出事畀人发现，你睇过有冇人嚟拉你！

李四

搞推普，係令不同方言不同省份人士可以有共同語言溝通。但係依家推到話本地人自家生活上都要用普通話，就真係無厘頭！！好在香港未有咁極端！！

紫凤凰

冇嘢啊，只要佢哋推普之餘不忘維粵就乜嘢都有得傾。

cantonian

我地要提倡用粵語讀古籍, 就需要幫D文章加上粵語註音, 咁有冇咩軟件可以自動做哩樣嘢呢? 答案係有嘅! 大家快D黎哩度睇下啦:

http://bbs.cantonese.asia/dispbbs.asp?boardid=115&ID=7908&replyID=17046&skin=1