蓮蓉？蓮茸？

ws227

請問「蓮蓉」同「蓮茸」邊個先係正寫？印象中有聽過係「茸」，但係唔知出處，各位如果知道唔該提供一下出處，麻煩各位。

余OK

　　目之所及多為「蓮蓉」。

紫凤凰

雙黃白蓮蓉，好食。

卢总

蓉，系四川省成都市嘅别称，即“蓉城”（五代后蜀主孟昶于成都城上遍植木芙蓉，因而名名“芙蓉城”，简称“蓉城”或“蓉”）；《说文》话：蓉，芙蓉也。“芙蓉”系荷花同莲花嘅别名，亦用嚟比喻女子嘅美貌。如今多称木芙蓉为“芙蓉”。

茸，系初生之草；亦指柔软嘅兽毛；通“绒”嘅时候指刺绣用嘅丝缕；另外就系“鹿茸”嘅简称（雄鹿嘅嫩角未生成硬骨嘅时候，带细毛含血液，先叫做“鹿茸”，先可以直接入药）。

虽然莲花同荷花个样差唔多，但两者系有分别嘅，喺植物学分科上面就好唔同，而且莲花系唔会结莲子嘅。

广东人将莲子磨成粉状，然后加糖等制成点心嘅馅料，称为“莲蓉”，系想借此表现“芙蓉”嘅芬芳。莲蓉系广东特色食品——月饼嘅主要馅料之一。

究竟点解会将“莲蓉”写成系“莲茸”呢？

据我卢总嘅考证，除咗系因为以前啲人嘅文化水平有限，喜欢用同音字嚟代替之外，重因为制作月饼之前系需要造一个模（此处读“帽”）先嘅，啲制模嘅师傅为咗悭皮做少啲工夫，于是就将“莲蓉”刻成“莲茸”，“豆蓉”刻成“豆茸”……所以后来啲人就以为“莲茸”就即系“莲蓉”，“豆茸”就即系“豆蓉”嘞。

卢总

想更加详尽了解，请睇《八月十五谈月饼：“莲蓉”定系“莲茸”？》：

http://general-lo.blogcn.com/diary,9623307.shtml

[此帖子已經被作者於2007-8-15 18:34:56編輯過]

ws227

呢個講法我有d懷疑，蓮蓉歷史唔夠200年，蓮蓉出現之前已經有「薑蓉」、「蒜蓉」，又有「茸茸爛爛」一詞，應該都係同一個字，廣東人習慣將泥狀食物叫做「蓉」，應該唔係有蓮蓉之後o既事。薑蓉、蒜蓉又應該用邊個字？

卢总

怀疑得好！有怀疑，先至会有进步！

大家不妨揾啲史料、文献之类出嚟一齐讨论一下。

最早嘅“莲蓉”相信系出自广州嘅“莲香楼”，阿妹不妨去寻根问底一下。

外外星人

原帖由 ws227 於 2007-8-15 13:51 發表 請問「蓮蓉」同「蓮茸」邊個先係正寫？印象中有聽過係「茸」，但係唔知出處，各位如果知道唔該提供一下出處，麻煩各位。

 

蓉
<名>
四川成都市的简称 [another name for Chengdu]。五代后蜀孟昶于宫苑城上遍植木芙蓉,因名成都为芙蓉城,后简称蓉城或蓉
豆类、瓜果煮熟晒干后磨粉做的糕点馅儿 [mash]。如:豆蓉;莲蓉;椰蓉

蓉
用某些植物的果肉或种子制成的粉状物：椰～。豆～。
中国四川省成都市的别称：～城。

 

茸
<形>
(形声。本义:草初生时又细又柔软) 同本义 [fine and soft]
茸,草茸茸貌。――《说文》
在阘茸之中。――司马迁《报任安书》。注:「细毛也。」
又如:茸壑(长着青草、苔藓的山洞、土穴)

茸
<名>
鹿茸的简称 [young pilose antler]
河天月晕鱼分子,槲叶风微鹿养茸。――黄庭坚《诗》
柔细的毛 [down]。如:茸毛;茸茸
刺绣用的丝缕。同「绒」 [velvet]。如:茸线(刺绣用的丝线。即「绒线」)
其桑其松,其杞其茸。――《管子·地员》

茸
草初生纤细柔软的样子：绿～～的草地。
细柔的毛、发：「半脱紫～裘」。～毛。
指「鹿茸」（带细毛的才生出来的鹿角，可入药）：～客（指鹿）。参（sh卬）～（指人参和鹿茸）。

外外星人

原帖由 卢总 於 2007-8-16 02:27 發表 据我卢总嘅考证，除咗系因为以前啲人嘅文化水平有限，喜欢用同音字嚟代替之外，重因为制作月饼之前系需要造一个模（此处读「帽」）先嘅，啲制模嘅师傅为咗悭皮做少啲工夫，于是就将「莲蓉」刻成「莲茸」，「豆蓉」刻成「豆茸」……所以后来啲人就以为「莲茸」就即系「莲蓉」，「豆茸」就即系「豆蓉」嘞。

 

蓉、茸二字笔画相差无几，何悭工夫耶？

唔三唔四蠢魚

蓉、茸两个字都係错嘅，今日时间唔啱讲正经嘢，所以唔讲正确答案住，等下个星期三再讲。

中二仔

原帖由 唔三唔四蠢魚 於 2008-6-20 00:39 發表 蓉、茸两个字都係错嘅，今日时间唔啱讲正经嘢，所以唔讲正确答案住，等下个星期三再讲。

期待..............

唔三唔四蠢魚

期待就唔使啦！
其实个本字非常之不雅，直情可以话係令人作呕，唔知好过知！知道咗怕且你以后食月饼时谂起都反胃。
你只要谂下：全中国人都唔想用呢个本字（南方人用蓉，北方人用茸），就可以想象到佢嘅猾突程度嘞！
可以先话畀你知，个字同「烂」字同义，即「烂烂jung4 jung4 」个「jung4 」。
莲jung4 就係指舂烂舂jung4咗嘅莲子，蒜jung4、豆jung4……总之乜鬼jung4亦都一样，唔烂就唔jung4。

飛鳥

点不雅法啊？

唔三唔四蠢魚

既然係靓女问到，我就提前扮一次正经好喇！

其实个本字係「脓」，係唔係好呕、好猾突呢？
呢度个「脓」只係有「烂」嘅意思。
同《齐民要术》嘅「以镰水芟之，草悉‘脓’死」里面嘅「脓」字意思一样。

「农」字与「融」字喺上古时读音相同，所以音旁係「农」嘅字，都可以读成「融」音。
如「雨浓」可读「雨融」，「茶醲」可读「茶融」，其它嘅如「穠」、「襛」等等，都可以读成「融」音。
「莲脓」亦一样，要读成「莲融」。
不过个「脓」字实在冇法子唔俾人联想到「流血流脓」嘅「脓」，所以全中国人都不想用呢个字来写食得嘅嘢，就改写成「蓉」或「茸」喇。

顺便讲一下，中国古代嘅五帝，中央黄帝、东方青帝、西方白帝、北方玄帝、南方赤帝。
南方赤帝有两个，一个叫「神农」，一个叫「祝融」，如果你了解响上古时代，农融同音，你就会怀疑佢地会不会就係同一个人呢？
就好似《山海经》里面嘅月神「常羲」，很难唔使人联想起「嫦娥」。

外外星人

正，学到嘢！呢个世界上，至蠢莫过于话自己叻嘅人。正所谓，大智若愚。

唔三唔四蠢魚

喺靓女面前，扮下㔹仔啫。