|
正所謂“日啖荔枝三百顆，不辭長作嶺南人”，以上語句出自東坡蘇被貶嶺南後所作，全詩為：
羅浮山下四時春，盧橘黃梅次第新。
日啖荔枝三百顆，不辭長作嶺南人。
荔枝，嶺南佳果也，其味美撩人，香甜可口，足令世間萬人醉倒。唐代君主玄宗拜倒在楊貴妃之石榴裙下，而貴妃則傾倒於荔枝之下。杜牧《過華清宮》詩云：
長安回望繡城堆，山頂千門次第開。
一騎紅塵妃子笑，無人知是荔枝來。
不過荔枝食得多都唔係好事，皆因今日嘅主題：熱氣！又有云：一粒荔枝三把火。可見荔枝幾咁厲害！！亞媽教落“食完記得飲返碗鹽水”，降火。。
荔枝食得多會熱氣，噉我唔食唔得囉！噉你又錯囉噃，唔食荔枝固然唔會熱氣。但係你日日食煎炸，去埋啲麥檔路，德州揸雞，難保你唔會唔熱氣勒！以上情況我哋都會感到熱氣，點解？問中醫，我唔識。。一係飲涼茶。。。
熱氣深深植根於我腦海中，由細到大都唔知熱氣過幾多次喇！但係直到。。。。
嶺北人講上火，原來就係我哋所講嘅熱氣，上火一詞，唔知佢哋係點得返嚟嘅！同佢哋講熱氣，沒門兒。。叫上火！！
之不過佢哋原來並冇上火一說，上火一說係自熱氣一詞而產生！但佢哋唔講熱氣，而叫上火。再加上而家王老吉賣廣告賣到去C台，打正旗號：“怕上火？喝王老吉！”！王老吉，相信大家都知道係邊架啦！既然你哋都係話上火咯，噉我重使乜就你講熱氣啫！一於就叫上火啦，係噉話！
事已至此，我祇有輕聲問一句：“你今日熱氣咗未吖？”···
| 
發表於 2007-7-12 11:31:30
發表於 2007-7-12 22:39:32
發表於 2007-7-12 23:02:37
發表於 2007-7-13 00:23:45