《撥亂反正》之十五：鐘 vs 小時

auyeung

之前有篇講咗時間嘅關係，字對分！不過未講齊，我喺呢度補充：

我哋都知道，一個鐘入邊數字嘅時間關係，佢哋就係：鐘，字，秒！佢哋由大排到細，鐘--即係嶺北人口中嘅小時啦！字--就係分啦！至於秒，因為冇歧異，所以無需多講！正所謂講多錯多！唔講就冇囉唆！

字有人講咗，秒冇歧異，都唔需要解釋！呢度就講吓“鐘”！

“鐘”，哎，唔好會錯意，此“鐘”非彼“鍾”，一“鐘”表時間，一“鍾”表姓氏！此文說此“鐘”而非那“鍾”。。

時鐘有數字1到12，轉咗一圈就係轉咗12個字。轉咗一圈12個字，廣東話入邊應如何表述？冇錯，就係行咗“一個鐘”，夠醒喎你！！如此類推，兩圈就係兩個鐘，三圈就三個鐘。。。。。[呢度嘅量詞“個”可換成“粒”]

正如當今大勢所趨，推普機誓不可當，乜都以推普機為準則，咪之就係出軌行為！所以今人多咗講“小時”，少啲話“鐘”，以求明哲保身，此實乃明智之舉，讚！麥擋路實行24小時通頂營業，小時！工作嘅實行8小時工作制，小時！朋友問到：“去麥擋路定係幸得幾？”。答曰：“去麥擋啦，24小時開！”。打咗個凸，不經意間，自己已為推普機下一亡魂，可悲！點解唔係話去24個“鐘”營業嘅麥擋路？又如，電話中和朋友約定幾時幾刻碰面，朋友不其然道“一小時後見”！聽完簡直分不清南北西東！！

好喇，“鐘”字講完，我唔需要你送我“終”，所以動作唔好咁多！

下次諗到咩想寫嗰時我再補充，多謝捧場！

卢总

醒你嘅：

中、盅、忠、衷、纵、宗、棕、棕、踪、鬃……

中二仔

卢总咩意思?

auyeung

以下是引用卢总在2007-7-6 15:49:07的發言：

醒你嘅：

中、盅、忠、衷、纵、宗、棕、棕、踪、鬃…

睇死你會噉做。。。。

無視。。。

[此帖子已經被作者於2007-7-6 17:48:52編輯過]

余OK

　　「鐘」重可以用「粒」做量詞。

卢总

“粒”系近呢几年先开始使用。

auyeung

以下是引用余OK在2007-7-6 20:23:26的發言：
　　「鐘」重可以用「粒」做量詞。

時鐘有數字1到12，轉咗一圈就係轉咗12個字。轉咗一圈12個字，廣東話入邊應如何表述？冇錯，就係行咗「一個鐘」，夠醒喎你！！如此類推，兩圈就係兩個鐘，三圈就三個鐘。。。。。[呢度嘅量詞「個」可換成「粒」]

OK肯定又係冇睇呢度。。。

auyeung

以下是引用卢总在2007-7-6 20:46:54的發言：
“粒”系近呢几年先开始使用。

你講吖，至少10年前就有人係噉講！

重要係你哋“講”州人。。具體位置為珠江橋左近。。。

H3

钟嘅量词係"句"