G肉佬之日常：Scenery Line

gboss

　　靚女，幾時都係一道亮麗嘅風景線，哪怕喺街市裏頭。——G肉佬

　　今日嘅市場同平時一樣冇咩特別，賣魚彪都係一邊唱粗口歌一邊喺度刮魚鱗；蝦佬都係一邊剃須一邊睇報紙；雞洪都係一邊睇住股票機一邊喺度鬧佢只「陽痿股」；豆腐蓮都係一邊撩鼻屎一邊問我暢散紙……而我都同平時一樣，喺度「目及」靚女。

　　依家嘅街市比以前乾淨咗好多，識計數嘅靚女買餸都唔去超市喇，所以市場裏面唔會淨係見到阿婆同大嬸，間唔中都有幾多後生靚女嘎！加上依家醫學同科技發達咗、人嘅生活水準都高咗，好多識保養嘅師奶生完BB後身材同樣Keep得好好，如果唔熟都唔知佢幾多歲。所以我哋呢啲麻甩佬有眼福囉！

　　梗係喇，如果日日淨係對住啲老女人嘅話，好容易黐線咖嘛！咦？又有個靚女行過喇，呢個簡直極品噉嘅質素啊！哇，嗰邊又有一個Model噉身材嘅……呢牌天氣又熱咗，靚女們都着得薄咗、少咗，自然多嘢睇咗啦！有時重會見到有啲後生嘅師奶着住蕾絲睡衣就行落嚟買餸，都幾性感吓。但如果我係佢老公，個老婆畀人睇蝕晒，肯定好唔老嚟！

　　有靚嘢都有醜嘢，有好多女嘅遠睇誇啦啦，近睇吹喇叭！樣醜就最多賴佢老母老豆啫，但儀態醜兼鍾意自暴其短就真係冇得救。我最憎見到肥婆着緊身衫，啲肉擳晒出嚟勁肉酸。又或者啲女人踎低食牛雜露股溝，露低啲添就屙屎都整唔烏糟條褲！呢啲認真大煞風景！

By the way：記得自己重係十幾歲嗰陣，成日踩單車周圍去，見到好多女仔個背影好似幾靚，就追上去睇，點知……呢個就係所謂「遠睇誇啦啦，近睇吹喇叭」喇。

[ 本帖最後由 gboss 於 2008-11-13 17:08 編輯 ]

highyun

錯字已經比之前少咗，有進步，我再幫你執埋下面呢啲錯字出嚟：

問哦、間唔鐘、麻粒佬、癡線、著、睇蝕曬、中意、擳曬

gboss

麻烦写埋正字出嚟对照下，“问我”一时手快打错

余OK

　　問我、間唔中、麻甩佬、黐線、着、睇蝕晒、鍾意、擳晒。

huang

其實我個人覺得“晒”同“曬”應該唔使分咁細

殺人王

以下是引用huang在2007-6-8 19:26:28的發言：

其實我個人覺得“晒”同“曬”應該唔使分咁細

同撑!!!!握手!!!!!

tea

讲到着睡衣出街，又真系广州人嘅特色。

那天早上，坐车回学校，在基立村堵车，就看到了一位穿着睡衣的大婶在大街悠哉悠哉地扫地。对此，一个字：服；两个字：服了；三个字；非常服；四个字：五体投地。

 

[em04][em06][em07][em09]

卢总

原来肉佬呢个“麻甩佬”唔识“撩”靓女。

smallcat2006

麻甩佬係乜意思？