[建議] 由改群咭片講起……

粤语卫士

??? 琴日朝早，我返到OFFICE一登錄QQ，就彈出一條訊息，話“你已退出群（3660816）”。我奇怪，發生乜事？我入咗群幾年，從來未出過事。早一晚，管理員喺群度清理長期不發言者，一時操作錯誤，將我請咗出去。我亦明白，有時操作上難免會出現失誤。大家平日都話渴望民主，但系生活在如此一個國家內，自細就畀黨荼毒，就算心底渴望民主，到真正可以自己話事嗰陣又做唔到。規範管理固然系好，加咗地區名之後方便會員互相瞭解，唔駛再靠估估吓；不過之前群公告一直都冇話要改咭片，但系在操作的過程中突現此問題。在改之前能否在群公告度咨詢吓會眾？香港政府有時做事都會先發一個咨詢文件，問吓公眾意見，何況群管理員，連官員都唔算，就有噉嘅作風，竊以為實在唔應該。我並非責怪，亦並非小器，只是覺得協會的作風相對於以前有所轉變。在此發吓牢騷，忠言逆耳，衷心希望管理層在以後的事務中能繼續發揚民主精神。

??? 鄙人不善言辭，言語間如有冒犯，還請海涵。

[此帖子已經被作者於2007-4-10 22:45:51編輯過]

亂棍歐死越南仔

oh yeah.....己退群嘅人飄過!

dude, u can't trust?democracy when its not in ur hand ......

[此帖子已經被作者於2007-4-11 0:14:40編輯過]

highyun

樓主言之有理，而且言語誠懇。我哋有請高官余sir接受高官問責。

Wai

群咭制又嚟得快過快。

民意好緊要。

Yuok

　　本人承認是次群管理操作過急，事前確冇徵詢過眾群成員甚至其他管理員意見，縱然此舉對於規範群管理幾make sense但難逃自身心血來潮行事之嫌，以致及後若干群友有怨憤之言，在此向各位誠懇致歉。現群已統一按「戶籍」制訂咭片，望還以大局為重接受此做法。

　　協會作風的確有變，係會朝住不斷規範化方向推進，規範化嘅同時必定會帶嚟唔同嘅聲音。目前協會多方面工作仍處於摸索階段，如何做得更好尤賴眾人智慧積攢，惟得諸君理解互勉並繼續全力「十撲」協會。

　　另須指出嘅係，由於目前階段協會成員作壁上觀寧作「鵪鶉」者眾，而主動出謀劃策行動至上者寡，閃光flash之idea或action猶如曇花一現，是故協會歷來提出各項「動議」諮詢眾人意見仍屢遭冷落，徒使管理員一番心機，此等難處何人能完全體會？此未嘗唔係余是次倉促處理單獨行動之潛意識。之噉余常三省吾身：「當你自己有資本嘅時候，更有資本嘅人自然會埋你堆，使乜你自己求人求得咁辛苦啫」，此念係維繫自己對協會不離不棄並為之奮發進取嘅根本。同時呢件事亦使本人更領悟到點解大陸唔可以一下子就有全方位嘅democracy，係有其深層次結構性原因嘅，簡單啲嚟講就係當權者有其掣肘，普羅大眾有其責任。當然，俟時機成熟時，牛奶有，國家democracy都有（但唯恐我哋呢輩冇機會睇到），但係協會democracy你我都唔難得到，關鍵你我喺呢個互動平臺上都要上演好自己嘅角色。