香港幾個有趣的街道

lhk

近排呢個版面講開街道名，其實好多名稱來歷同歷史地理文化都好有關。

前幾個月在香港期間留意過街道名，發現一類由英文音譯廣東話的街道名稱尤其有趣。喺呢度有個有趣的問題想請教一下Desmond或其他朋友。

香港有幾條街的名稱很相似，譯法也很有趣。

分別是旺角“弼街”(Bute Street), 油麻地“碧街”(Pitt Street), 上環“畢街”(Burd Street), 和西環“北街”(North Street)

我經常設想，如果同的士司機講去以上呢幾個地點會唔會出現誤會，因爲其粵語發音較爲相似，特別如果“弼街”和“畢街”；另外如果問路人有懶音，會將“北街”講成“畢街”。

另外，如果有講普通話人士，對於前三者的發音完全沒有區別，問路搭車就更加雞同鴨講，呢個情況都幾特別。

P.S. :睇返D街名譯成廣東話的用字，都某种程度睇到早期香港和現時香港的音譯法的區別。現時好多音節譯法都跟0左普通話。