[求助]舘與館

lhk

照造字方法來看, 舘字應該用於"博物舘" "賓舘" "殯儀舘"等場所

而"館"應為飯館等與飲食有關的場所。

不過細心觀察現在在HK街頭見到的招牌，應該用"舘"的地方雖然多數還是沿用了“舘”字，但亦見到"賓館""殯儀館"等招牌。

而博物舘的官方網站上亦以"博物館"為准。

唔知最緊要正字有無講過呢? 此兩字在某些場合相通？還是舘字係米已經被"邊緣化"或淘汰？

請賜教。

[此帖子已經被作者於2006-12-8 0:07:34編輯過]

愛粵者

喺香港有好多地方如“醫舘”都有用“舘”，佐敦有好多“賓館、賓舘”同“旅舘、旅館”混用。
“舘”乃“館”俗字，所有唔屬飲食嘅“舘”原本都從“館”引申而出，按理一律用“館”。
但本人贊成“舘”、“館”分工，令表意更加細緻。
如果可以做到提供食宿嘅賓館、旅館用“賓館”，只提供住宿嘅賓舘、旅舘用“賓舘”，就係漢字最優秀嘅用處喇。
同“菓、果”一樣，“開花結菓”形容植物，“開花結果”形容事物，用字分工，更顯漢字精妙之處。

余OK

　　所以涉及一個問題就係呢類型嘅字應唔應該再細分定係合而為一。當初為咗分工表達唔同意思而多造咗啲字出嚟。後屘又倒退返棄用嗰啲字，甚至乎好似簡化字噉簡出咗好多不倫不類嘅字，有啲係幾個意思差好遠嘅傳統字係都要簡成同一隻字，此舉自然受到有識之士嘅不屑。

[此帖子已經被作者於2006-12-9 6:38:18編輯過]

dada

我用Google查個「舘」字﹐前二百幾個鏈接都係日本網頁。