「臭罌出臭草」點得嚟？

余OK

　　細細個重以為係「臭坑出臭草」，因為按字面易理解啲。因為照計「罌」係小瓶之類嘅容器，多樣愛嚟裝嘢而唔用嚟種嘢，自然唔會有草嘅存在，不過而家市面都好似有啲用樽仔裝住嘅花草出售。睇嚟係咪舊時啲人經已有超前意識，知道臭罌同臭草肯定有共存嘅機會，抑或係遺棄咗嘅罌生咗啲雜草跟住變臭呢？是為笑談。

highyun

“罌”畀我嘅感覺係讀ang1，因爲有“罌粟”呢様嘢。

“甖”讀音係ang1，英文解釋係[a] pot; pitcher small-mouthed eart，我更接受呢個字。

余OK

　　噉份粵語字表要修正一處地方，改「罌」為「甖」。

dada

「罌」唔係錯﹐《說文》淨有「罌」﹐《經典文字辨證書》認為係正字。

「罌」通「甖」﹐好似比「甖」早四百年。

「甖」強調瓦質﹐不過缶已經係瓦器。

係咪粵語比較多用﹖入唔入得《每日一句與粵語有關之古詩詞》﹖

余OK

　　Dada，粵語口頭經常講「砂煲罌罉」，可以當佢係粵語用字，列入該系列。

殺人王

我支持"砂煲罌罉"個"罉"字用"鐺"

殺人王

甖 可能係用來罨山草藥嘅器皿,如果係臭嘅甖.....噉樣,罨出來嘅藥不免帶味.

katck

「砂煲罌罉」應為「沙釜盎鐺」煲字是今人做的字其實煲的古字是「缹」。
「沙釜」大家現在也有用。
「盎」有寫為「盅」。盎音為罌，其實現在我們也在用。倒如：扐盎茶葉來??茶飲下先。
「鐺」音撐又有寫成「?」。
三樣東西其實現在我們還是日日用緊。

臭盎出臭草，即係話用來裝臭草的盎，當然裝的是臭草。意即：什麼階層出身的人，就是什麼人。亦即是看不起人身份低下。

siuonkei

邊個先係真咖？

katck

又諗到一個差不多的詞語：
桐油埕此終係裝桐油。

又修正一下，缶係用來裝野的，缹係將裝左野?缶放係火上來缹，一個係名詞，一個係動詞。
其實釜作缹解也通，日本有一種即場煮?飯也是用這個名的「釜飯」