從國語看「而家」嘅本字

xxkai

對於廣府口語中「而家」一詞嘅本字，匸粵語論壇同研究本字嘅書籍中已被前人探討多時，結論大概都話「而家」系由「如今」音變而邌。爾個講法會匸本文再探。

   

本人亦曾經懷疑「而家」個「而」嘅本字系「爾」，由「爾前」、「爾後」、「爾來」嘅用法推理出「爾」系「今」噉解，但爾個推論好快又被否定，理由系粵語嘅變調通常系由低變高，而「爾」變「而」系由高變低，此其一。其二系仍然無法好有力噉解釋捯個「家」字系㤐樣邌嘅。

   

至於「而家」系由「如今」音變而邌嘅講法，本人亦不以為然，理由系音義兩方面都有疑點。

   

1）字音方面：「如：jyu4」同「而：ji4」系一音之轉，但「今：gam1」同「家：gaa1」要由合唇變開唇，爾種變法唔尋常(請音韻學家指正)。有人話「而家」一詞系先變「而今」，後來再變成「而家」，但我睇返尐比較舊嘅書，發現「而今」無錯系有人用，但只系作為文言文中「然而如今」嘅縮寫。並唔系當正「而家」噉用。

   

2）字義方面：「而家」有兩個唔同嘅意思，其一系形容「此時」，其二系形容「今時今日」。

其中「此時」可以用邌形容埋「今時今日」， 但「今時今日」就唔可以用邌形容「此時」。舉兩個例大家就會明白：「今時今日尐細路哥好幸福」可以講成「此時尐細路哥好幸福」。但「我想你此時同我落街買尐嘢」就吾可以講成「我想你今時今日同我落街買尐嘢」。「如今」一詞，只有「今時今日」之意，而冇「此時」之義，故只有半個「而家」嘅意思。

   

我匸堵恁：有好多詞當年都系由京話傳入，例如「齷齪」變「污糟」、「窟竉」變「咕窿」等，「而家」一詞會唔會亦系噉邌嘅哩？因為幾百年間，京劇已經周不時系廣州演出，況且當時嘅廣州地方官，好多系外地人，淨系識講京話，唔識講粵語。大家傳下傳下噉傳開邌都唔出奇。於是乎我搜集䢐所有我識得同「而家」有關嘅詞，希望從中揾出一尐蛛絲馬跡。我將佢哋分為兩大類：

   

「此時」類有：

此時、現在、目下、刻下、當下、目前、當前、當時、馬上、立即、立刻、此刻、即刻、即時、當即、這刻、這一刻、這陣子、在此時、眼前一刹那、在很短時間之內。

   

「今時今日」類有：

今時今日、現在、今、如今、現今、現時。

   

大家重記唔記得「此時」可通「今時今日」，而倒轉就唔得，所有我將焦點集中匸「此時」類嘅詞堵。首先我發現「刻」嘅國音「ke」（國語嘅前身系京話）同「家」嘅粵音「gaa1」好接近，而且最難得系同調。我又列出所有同「而家「有關嘅口語詞，共有四個如下：

   

1）而家、宜家。

2）依家、伊家、咿家。

3）家下。

4）家陣。

   

大家有冇發覺每個詞都有個「家」字，所以我認為爾個「家」字系關鍵字，而個「刻」字亦系國語詞裏面嘅關鍵字。於是我又將所有含「刻」字嘅詞列出，睇下再揾唔揾到一尐關連：

   

此刻、立刻、即刻、這刻、這一刻、刻下。

   

比對之下，我發覺以下幾點：

   

1）「此刻」嘅國音「ci ke」同「而家」嘅粵音「ji4 gaa1」好相似，而且同調，意思一樣。

2）「這一刻」若用廣府口語邌講，可以講成「爾一刻」，講快尐就變䢐「爾刻」，聲調同「依家」非常吻合，意思一樣。

3）粵語有「家下」一詞，國語亦對應噉有「刻下」一詞，意思一樣。

4）唯一冇對應嘅系「家陣」，相信系「廣州製造」嘅縮寫。

   

我見：

「家」嘅本字系「刻」。

「而家」嘅本字系「此刻」。

「依家」嘅本字系「爾一刻」嘅縮寫「爾刻」。

「家下」嘅本字系「刻下」。

「家陣」系「刻下這陣子」嘅縮寫。