被人一腳踢下海的踢字有其他說法?

涼薄荷

有聽過被人『伸』落海

還有其他說法嗎?

順道問問,我用的伸字是否正確??

xxkai

冇聽過「被人伸落海」，
只有聽過「畀人伸落海」。

「被」音「bei6」
「畀」音「bei2」

成句講法系「畀人一腳伸落海」。

KinNg

一腳伸你落海！

香江白丁

回覆 1# 涼薄荷


２樓xxkai君之講法很成疑問。樓主用「『被』人伸（腳踢）落海」句中的「被」字，不才以為是正確，「被」是本字。xxkai君之「畀人一腳伸落海」句的「畀」字是「被」的錯變調，以訛傳訛。樓主諸位可參考拙帖，探討之一百二十一：畀，俾，裨，被。

xxkai君富探究本字之精神，不妨研究一下，畀與被兩字，古人及文獻的記錄。

順帶一句，勿被北方話的「給」字蒙蔽。「你把那本書『給』拿來」句中的「給」是助動詞，不作「畀」解。

涼薄荷

回覆 4# 香江白丁


    我也同意畀、俾、被,是有些微的差異,解釋上會很類似,但是用法有很微妙的異處!!


不過~我最初發問的用意是想了解"伸"字,是否有用錯字

xxkai

２樓xxkai君之講法很成疑問。樓主用「『被』人伸（腳踢）落海」句中的「被」字，不才以為 ...
香江白丁 發表於 2012-11-14 11:54

先生所講，我大致同意。

我堅持用「畀」嘅理由系：

1）字書中，「給」其中一個解釋系「被」，「畀」嘅解釋系「給」，故推理「畀」亦可作「被」。
2）發音系「bei2」，就算我以上嘅推理有圈點之處，「畀」仍然可以當系一個同音借字邌用。
3）樓主系問「有冇聽過。。。」，故我以「正音」為首要考慮。
4）我寫嘅系廣府口語，系土話，而你寫嘅系白話文，兩者有區別（用白話文寫文章永遠唔會用「畀」爾個字）。
5）我都有受過白話文教育，每當我將「畀」寫成「被」嘅時候，都不知不覺讀出「bei6」音，好唔自然。

香江白丁

回覆 5# 涼薄荷


    哈哈哈哈，冇錯！冇錯！「伸」字重用得好傳神添。

광동왕국-08

有聽過被人『伸』落海
還有其他說法嗎?
順道問問,我用的伸字是否正確?? ...
涼薄荷 發表於 2012-11-11 17:01

"伸"字冇錯！
還有其他說法嗎?
當然有啦，但只是比較接近嘅用語，不過暫時有音，未搵到正字，
就係"Yaang3"呢個音 或英語的"Young3"；可能係"足+掌"
例如：某甲人講 " 琴晚同老婆嗌咬，臨瞓前佢真係一腳Yaang咗我落牀，認真惡死！"

香江白丁

回覆 8# 광동왕국-08


    Yaang3，可能是「揚」字。可能而已。

xxkai

"伸"字冇錯！
還有其他說法嗎?
當然有啦，但只是比較接近嘅用語，不過暫時有音，未搵到正字，
就係"Yaang3 ...
광동왕국-08 發表於 2012-11-15 00:38

據漢典：

  

基本解釋：

方言集匯

◎ 粵語：caang1 jaang3 zing3

English

(Cant.) to press down or push out with the foot; to pedal, kick, tread, step on

康熙字典：

【酉集中】【足字部】䟫 ·康熙筆画：12　·部外筆画：5

《廣韻》直庚切《集韻》《韻會》《正韻》除庚切，音棖。《說文》歫也。《周禮·冬官考工記·弓人》維角䟫之。《註》讀如牚距之牚。《疏》䟫，正也。　又《集韻》抽庚切，音瞠。又式亮切，音向。義同。　又《集韻》昌兩切《集韻》齒兩切，音敞。《博雅》蹋也。《類篇》距也。

  

我見：

爾個「䟫」字，康熙釋：《博雅》蹋也。而「蹋」又解「踏」或者「踢」，系我要揾嘅字。方言集匯提供三個粵音，「caang1」、「jaang3」、「zing3」。

  

「caang1」，粵音「牚1」。例句：「好彩！幾乎䟫錯腳」。

「caang3」，粵音「牚3」應系「牚1」嘅音變。例句：「一腳䟫咗佢落牀」。

「jaang3」，「接近英文young3」。 例句：「龜仔隻腳䟫下䟫下好得意」。

「zing3」，粵音「正3」。未聽人講過。

版主提出嗰個「Yaang3」字，應該系「䟫」嘞。

  

又「斜牚」個「牚」，應該理解為「靜態」嘅「牚」。

又「我撐硬你」個「撐」，系從「剔手邊」嘅。

  

如今，個「䟫」字全拼仍然打唔捯。亦唯有借用形容靜態嗰個「牚」嘞。

광동왕국-08

據漢典：  「䟫」基本解釋：方言集匯◎ 粵語：caang1 jaang3 zing3English(Cant.) to press down or push  ...
xxkai 發表於 2012-11-15 23:21

兄台所提供之字，無法顯示，可否用形態來描述？
左右上下是甚麽形狀？

wongkm33

"伸"字冇錯！
還有其他說法嗎?
當然有啦，但只是比較接近嘅用語，不過暫時有音，未搵到正字，
就係"Yaang3 ...
광동왕국-08 發表於 2012-11-15 00:38

   是「䟫」 jaang3，在《廣東俗語考》 釋形體篇找到
汉典有这个字标音http://www.zdic.net/zd/zi2/ZdicE4Zdic9FZdicAB.htm

xxkai

兄台所提供之字，無法顯示，可否用形態來描述？
左右上下是甚麽形狀？
광동왕국-08 發表於 2012-11-15 23:37

奇嘞！怎解我睇捯，你居然睇唔捯哩？
唔該嗮12樓黃兄。就系爾個字。

xxkai

據「廣東俗語考」,「一腳蹳佢落海」都得。
  
「錦繡中華」註：
「蹳」讀若不。以足撥之使去也。『類篇』足跋物也。『前漢』常蹳兩兒棄之。

我恁如今有異讀為音「忽」哩！

광동왕국-08

是「䟫」 jaang3，在《廣東俗語考》 釋形體篇找到
汉典有这个字标音
...
wongkm33 發表於 2012-11-15 23:39

效律神速，話咁快就揾到，認真唔該！亦可囘答樓主的問題。
順道問聲閣下，是否仍在經营胆機生意，因為其音色餘韻永留本人脳海深處，永不磨滅！
如不方便，不用囘答。

wongkm33

嚡！這個網站有毛病了。還號稱粵語最有規模的網站，竟然連許多粵字都不能貼上和顯示。管理員去咗邊？

wongkm33

效律(率)神速，話咁快就揾到，認真唔該！亦可囘答樓主的問題。
順道問聲閣下，是否仍在經营胆機生意，因為其 ...
광동왕국-08 發表於 2012-11-15 23:58

    我只是業餘愛好者，從未做過生意！

광동왕국-08

奇嘞！怎解我睇捯，你居然睇唔捯哩？
唔該嗮12樓黃兄。就系爾個字。
xxkai 發表於 2012-11-15 23:49

唔出奇，此乃常態，經常發生，唔同Window作業，會有唔同效果出現，現正在使用WindowXP，早排用Window7，
故此有如此情况。

광동왕국-08

我只是業餘愛好者，從未做過生意！
wongkm33 發表於 2012-11-16 00:04

噢！正所謂：
天涯毗連，又添一知音。
海角瓊樓，更飄神妙韻。