[求助]请教粤语有呢个字吗？

fjk

牛閪肉X? --就系最后呢个字

Yuok

　　請樓主講埋嗰隻字嘅音，否則唔知講緊邊隻字。

fjk

呵，上月发嘅贴，见等咗几日冇人回就丢埋咗。

今日上嚟见Yuok兄有此一问即深感疑惑，呢个“牛閪肉X ” 不溜系个从细听到大，经常用喺长辈嗌睌辈跳皮嘅一句白话粗口俗语。Yuok兄冇理由从未听过啩？

既然Yuok兄未听过，我刚才查过下词典，呢个字大概系发yon音，只系大概。

余OK

　　聽過，嗰隻字應該係「韌」。

Anl

借問聲“閪”點讀？

fjk

我喺网上亦睇到有人用“牛閪肉韧”呢个词组，个人觉得“韧”并非正字，只系个借义字，除非“韧”系个多音字，否则人用“韧”字代替原字嘅原因不外1原字有音冇字，2唔知嗰个字点写。

呢个字若用两字连拼才易串出正音，大概系“衣戆”或“我戆”音。我惗听过嗰个字唔单只我一个系嘛？听过呢个字嘅人可否作个回应？

回5楼：将“系”拉长嚟读，尾音就系“閪”音喇

Wai

係唔係“牛閹肉韌” ，啲牛閹咗，啲牛啲肉就韌，唔好食。

“牛醃肉韌” 啲牛肉醃咗就韌唔好食？好似呢樣唔會。

我諗係“牛閹肉韌”。比喻啲細路仔，啲人唔聽話，難教，面皮厚。

我又聽過人講粗口鬧人講：“牛屄（hai1）肉韌”。

[此帖子已經被作者於2006-11-26 20:48:36編輯過]

Anl

是否“牛屄肉樣”呀？
先講“樣”，順德話類似讀“羊狀切”，jong6。
牛屄肉，即係指乜呢？“牛屄肉樣”係咪意指“牛屄肉”的“樣子”？

余OK

　　廣西粵語區人講呢個字好似係jong2音，反而順德人好似未聽講過噉講。

kong2605

牛皮肉韧

huang

QUOTE:

以下是引用fjk在2006-11-26 19:59:13的發言：

回5楼：将“系”拉长嚟读，尾音就系“閪”音喇

閪唔係讀“hei"即普通話”黑“嘅音？？

嗰個屄唔係發”bit3"??

好似我哋嗰度都係噉講嘅。

fjk

先回11樓
“注意：泛指講普通話的外省人，廣東人都會稱之爲「撈」，通常是一些帶有藐視之意的詞語，如「撈頭」、「撈佬」、「撈仔」、「撈女」、「撈妹」等。而「撈屄」就是用來罵人的話，「屄」普通話是bi，廣州話是hail，即一般所寫的「撈Ｂ」或「撈閪」之正寫。”
--------以上引自〈粵語學堂〉

我唔知系未各地口音唔同所致，我呢度“閪”亦系發“hei”音(注意呢個系粵拼音)—與“系”同音而不同聲調。
“黑”喺普通話系發“hei”音(呢個系普通話拼音)。大家有相同拼寫字母，但問題系普通話嘅“黑”韻母ei系读“A”,而粤拼音中韻母ei读“矮”。拼出
嚟就系兩個截然唔同嘅音節。
所以話：粵“閪”音≠普通話“黑”音。
網上見人用“嘿”或“黑”嚟代替“閪”原因可能出於忌諱或出於音誤。

fjk

返嚟正題

“牛閪肉〔衣戇2〕”嘅意思確實系7樓所講嚟比喻啲細路仔唔聽話，難教，面皮厚。但好似同“牛閹肉韌”冇乜相關，亦唔系8樓提起嘅“牛屄肉樣”。
“牛閪肉〔衣戇2〕”原意可能系有人吃過母牛嘅生殖器,覺得啲肉太韌咗,咬唔爛 、撕唔開，先至衍生出咁嘅一句嚟比喻細路仔韌皮夾面皮厚嘅粗口語。

廣東人食到啲老雞肉、老牛肉時都會講呢個詞—“咁韌”或“咁〔衣戇2〕”

講返斥罵細路仔嘅用語，除咗用“牛閪肉〔衣戇2〕”，重會用“韌皮肉〔衣戇2 〕”“你睇佢幾閪〔衣戇2〕”，“咁七〔衣戇2〕”等。

所以我個人覺得呢個字喺粵語區內應該有唔少人聽過、用過。不過，若果真系有音冇字 ，噉亦解釋到呢個字使用地區範圍窄嘅原因所在。但或者自己屬於孤陋寡聞嗰類，早有呢個字存在亦未定。所以最後都系希望知道有呢個字或者聽過呢個字嘅人都畀個回應!

Wai

我聽啲大人用粗口鬧細路， “牛hai1肉韌”。

我唔清楚你所講嘅 “衣戇2” 發乜嘢音。“Yi Ngong” ？