|
我呢对鞋，入围「全世界最贵嘅鞋之一」……
呢对鞋都可以入围「全世界最贵嘅鞋之一」啩？著得起呢种咁贵嘅鞋，直头係非富即贵啦！
不过睇真啲又真係好奇怪：呢对咁嘅皮凉鞋，冇镶黄金，又冇镶白金，冇镶珍珠，又冇镶宝石，更加冇镶钻石，肉酸到痺，係我哋啲「金山灿」至会买嚟著啫！有啲兄弟就会话：唓！讲嘢呀？区区一对咁嘅烂鬼皮凉鞋，使唔使扮「主流」咁冇品作到咁大呀？都好下流啫！
不过，听下细佬慢慢解画，你就知道呢对鞋入围「全世界最贵嘅鞋之一」真係实至名归，冇花冇假咯。
喺广州市啲鞋铺，呢种鞋卖成四十蚊人仔一对，照呢几日嘅指水计，都为到美金六蚊一毫半。不过，著唔到半粒钟对鞋就玩完（有图有真相！真珠都冇咁真）！
好似我哋啲「金山灿」打工仔，每日起码要做八粒钟，加埋返工放工坐地铁转巴士，最少又要三粒钟，即係话每日趿住对鞋超过十一粒钟。四舎五入，齐头计算每日十一粒钟好嘞（有多嘅就送畀三个代婊），每对鞋要四十蚊人仔，著得半粒钟，即係话每日要著廿二对呢种鞋至唔使打赤脚，咁就要打皮八百八十蚊人仔，为到美金一百卅五蚊三毫九。
点吖？我冇作大啩？呢对鞋真係可以入围「全世界最贵嘅鞋之一」啩？可惜我哋净係「金山灿」而唔係你家城，非富即贵呢啲咁好嘅命水，早就畀「三个代婊」霸尻晒，我哋想话「爱祖国、用国货」都用唔起，呢条数真係唔知点计至啱嘞！草泥马！   
| 
發表於 2011-5-31 07:26:05