考試

芬1012

犀利、緊要、交關、巴閉、架勢

用上便啲詞造句，最好係寫成短文。

游人

試下玩下


大明嚮處睇新聞紙，睇見有一頁係講話今年公開考試嘅野。於是乎大明同小明講：「小明，你睇過。今回考試考得好個啲人認真犀利咯!」小明聞得佢講話，個心唔忿，好得戚噉同大明講話：「佢哋好巴閉咩？」大明用手指指住講話公開考試個頁紙，同小明講：「之唔係好巴閉。你睇下啦，個新聞紙講話今年公開考試對啲同學仔好緊要，而且重話呢回考試難得交關。一個唔覺意叉錯腳，就唔得讀書咯。換言之，今回考試考得好個啲人是必好功力至考得好。」小明越聽越唔忿，大大聲咁「嗟」咗一聲。大明聽倒佢「嗟」一聲，就起思疑，就問：「你嗟乜野呀？好架勢咩你而家？」小明就叉住手，好得戚噉講：「好話！我嚮呢個試一分都拎唔倒，你話架勢唔架勢？」

普君南拆遷居民

犀利哥嗰頭講緊要做文明人，嗰頭就同人嗌交。佢嗌交關我乜事，梗關啦，喺架大巴閉密空間度，佢嘈Q住我。所以，出嚟行，連私家車都冇架勢係假。

游人

犀利哥嗰頭講緊要做文明人，嗰頭就同人嗌交。佢嗌交關我乜事，梗關啦，喺架大巴閉密空間度，佢嘈Q住我。所 ...
普君南拆遷居民 發表於 2010-8-8 20:37

嘩!好犀利,勁得好緊要!個篇文個啲文彩好得咁交關!認真巴閉!你真係好架勢!

TsuNT(♂)

犀利、緊要、交關、巴閉、架勢
----
你有我咁犀利,冇我咁架勢,
   點解我(喺公司)緊要得咁交關 ? 咪因為我巴閉羅, 我老豆係XXX,

芬1012

嘩!好犀利,勁得好緊要!個篇文個啲文彩好得咁交關!認真巴閉!你真係好架勢! ...
游人 發表於 2010-8-8 23:14

    「勁得好緊要」就唔啱嘞。

可能有啲人會話：唓，呢幾個詞成日講著啦，點會搞錯？

e, 噉至弊，成日講著都搞得錯。我有時講嘢快啲都會講錯。

佢肥得好犀利——肥又點得嚟「犀利」呢？唔通佢啲肥肉好打得咖？ 一唔係就噉：「佢啲肥肉好犀利咖，一磧就磧死人咖喇。」

佢肥得好緊要——有幾「緊要」？ 緊要得過唔好肥？

「佢肥得好交關」，係囉，係人都知係噉講嘅，唔知點解十之八九都成日講錯嘅呢。


跟著一齊講吓「巴閉」、「架勢」啊喇。

游人

「勁得好緊要」就唔啱嘞。

可能有啲人會話：唓，呢幾個詞成日講著啦，點會搞錯？

e, 噉至弊，成日 ...
芬1012 發表於 2010-8-13 01:35

咁.....「架勢堂」又點?


我聞得人講過「我幾代都係架勢堂嚟」

阿森

交關係嗌交嘅意思？