|
执子（「子」音「纸」），当然呢啲都係乡下嘅叫法，至于出边叫乜，就不得而知喇。
「子」有「石子」，亦有「竹子」。
「石子」，我谂大家就知道系乜东东喇。不过玩法有好多，而家凭记忆介绍两种玩法。
一、按部就班，从执一到执四，之后就重复。呢种系大众玩法，几乎全部细路仔都识。
主要规则：喺「执」嘅过程中，唔好郁到啲「子」就得，当然，要接住畀抛向空中嘅石子。
二、玩花样嘅玩法。被称为「赖鸡亲」。亦都系从一执到四。执一时，执咗第一粒，执第二粒时，要将之前执到喺手嘅第一粒子从手掌边沿漏下，当然，与此同时，你要将第二粒子成功执到手中。以此类推。执二时，就系漏两粒；执三时，就系漏一粒或三粒。呢种玩法冇执四，亦都冇唔准郁子嘅规则。不过，要注意，执一时要为执二做啲准备功夫，执二时亦都要为执三做啲准备功夫。因为执二或执三系每次将两粒或三粒石子抓到手中，如果两粒或者三粒石子离得好远，要同时将佢哋抓到手中就比较困难。
至于执「竹子」，应该系我哋嗰度嘅特产。
准备一幅「竹子」，大小长短都适合嘅十根竹子，唔系件简单嘅工作。想当年，为咗呢幅竹子，我哋冇少受到老母嘅唠叨。
执竹子就系从一执到十，之后系打圈（十二下），劈柴，收柴，称竹。呢啲就系全部过程。
呢个游戏听落比较简单，但系做起身，查实都系唔容易。大家有时间不妨试下。如果揾唔到「子」，随时嚟揾我，等我返乡下嗰阵，帮你哋带幅靓子出嚟。呵呵。
晚安喇。
[ 本帖最後由 tea 於 2008-7-22 16:57 編輯 ] | 
發表於 2008-7-18 00:01:33
發表於 2008-7-18 00:12:16
。
