今日听咗王亭之春秋

H3

对正音提出咗中肯嘅态度. 而且发现, 香港嘅正音运动真係唔係路. 搞到啲音乱晒.

Anl

我覺得有啲嘢兩睇啦。正音確實好有必要，不過唔好亂咁嚟。 好似好多人唔識讀“骼”字，將之讀爲“洛”，就有必要正音，教人重新正讀“格”。 又如“敬業樂業”，當中“樂”嘅正讀相信冇幾多人識，正音確實好有必要。 不過香港嘅正音運動搞到大家都有所顧忌，喺學校學一套，返屋企又另外一套，噉究竟係隨俗流定係官字兩個口？大家自己諗啦。

highyun

“正音”嘅正确理解应该系正错音，懒音；而唔系好似香港中大几个学者噉，系又改，唔系又改。

itxu2k

无规矩不成方圆,无标准不可正音

alex

如果正音对准懒音，则对症下药，偏偏佢搞到矫枉过正，破坏正音既名声，懒音亦冇人睬佢

南粤高凉仔

正音应该只局限下广州话或香港话内部，形成统一的口音，以方便广东、广西唔同方言的粤语同胞学习，也方便外省朋友学习。 但最好唔好造成各地粤语方言都向广州话靠拢，应该每一地的粤语方言都系我地的财富。系我地一致反对政府大北方主义，抹杀粤语的同时，我地也要体谅各地粤语同胞的习惯，保护好各地的粤语方言。

Anl

我都唔贊成硬性規定粵方言嘅正音向廣州話靠攏。 有時未必廣州話發音就係最準確，我哋做粵語研究工作都需要借助其它四鄉話嚟辯證。 各地嘅方言要好好保護。

superjill

既然正音，就必然有一个标准——至少喺时间、地区、参考书籍、使用人群有一个大概范围 唔系某某专家话佢先系标准，某某教授又话根据边本书作准……真系唔知听得边个

H3

唉, 最弊啊何博士揸住本广韵就叫正统, 都成千几年前嘅书. 好多音都经过历史同环境嘅洗礼发生咗变化. 以一千前嘅音嚟纠正现代发音. 真係有少少矫枉过正

Kathy

講得好~~~可惜何博士係中大好有地位~~~

南汉

多数网友都支持正音，只系反对纠枉过正罢了。

王亭之逢「正」必反的态度并不可取，呼吁网友理性看待正音。